蘭茜現身獎門人｜闊別廿年擔任「用完即棄獎門人」 七魔女現身可惜唔齊人！

8月23日錄影的獎門人欠缺曾志偉做主持難免稍欠氣氛，不過呢集就有「七魔女」梁靖琪、文頌嫻、湯盈盈、周家蔚5位成員組隊做嘉賓，另一方面對賽的就有啱啱拍完《美麗戰場》嘅何遠東、鄭俊弘、方力申、吳家樂同埋黃建東，佢哋仲自稱做「五魔掌」同一班女士對抗。

蘭茜闊別廿年再出現 疫情下會唔會刨西瓜？

過往都成日出現喺節目嘅前輩獎老蘭茜出現，被稱為暫代「一次性用完即棄」嘅職務咁話。而 阮兆祥、錢嘉樂同麥美恩幾位長老，就話開拍前有同志偉傾過電話，叫佢唔使擔心。

蘭茜刨西瓜最經典

蘭茜以刨西瓜絕技一鳴驚人，除了成為《獎門人》其中要員，又拍過不少電影，2006年蘭茜淡出娛樂圈後生活行蹤神秘，有報道指蘭茜離開娛樂圈後嫁人並居於跑馬地樂活道豪宅，被指嫁到有米老公Johnny後生活富泰﹗

佘詩曼無影 「七魔女」欠兩人

雖然「七魔女」爭佘詩曼 同姚樂怡唔齊人，不過魔女們就一樣信心十足，仲似乎要出動盈盈控制主持之一的嘉樂，佢哋仲講返當年好多經典遊戲，都想有機會試玩。

吳家樂原來都係獎門人 「資深嘉賓」

至於幾位男士就似乎冇有怕，因為佢哋有吳家樂呢位參與過34次獎門人嘅「資深參加者」，方力申仲話，因為獎門人失場，所以「一定唔會有打和」，爭勝信心十足。

蘭茜曾被傳獲曾志偉重金禮聘 被目擊掛員工證出入公司

當年在獎門人搞笑成名的蘭茜（真名簡詠嫻），去年曾在ViuTV劇集《940920》驚喜現身，被指為復出鋪路。早在她客串獎門人節目之前，有目擊者看到蘭茜掛上員工證出入無綫行政大樓，低調返工，據知蘭茜是由總經理曾志偉親自聘請，雖然職位保密，但一定是身居要職，絕不會返去表演刨西瓜。

蘭茜棚牙靚晒

蘭茜一棚哨牙曾經成為她的標記，當年在《獎門人》表演刨西瓜絕技更令觀眾非常難忘，事隔多年，蘭茜棚牙同個樣都靚晒，轉身一變成為知性才女，去年11 月舉行個人書畫展，周身墨水絕對今時唔同往日。

蘭茜低調現身無綫

蘭茜去年曾客串ViuTV劇集《940920》，在劇中飾演簡慕華胞姊，令觀眾感到驚喜，原來蘭茜唔止有戲癮，仲為重返職場鋪路，有傳去年曾志偉返無綫掌大權，已有意找蘭茜復出，不過當時蘭茜以「容後再談」來回應。近日卻傳出蘭茜頻頻現身無綫的行政大樓，她以員工證自由出入，更曾低調現身於電視城內舉行的活動，復出之說言之鑿鑿。

職位保密轉做幕後

據知情人士透露，蘭茜原來獲曾志偉親自出馬游說復出，雖然已經正式返工，但其職務及職位非常保密，蘭茜並非如傳聞所指擔任秘書一職，而是身兼重任。今時今日的蘭茜已是才女，應該唔會再搞笑娛樂大家，有傳她已轉做幕後高層，成為曾志偉背後其中一人個大腦。

《940920》蘭茜演「余家聰」姨媽

蘭茜夫人在《940920》現身，令大家充滿驚喜，有網民對蘭茜竟然同簡慕華演兩姊妹，留言指：「呢個設定好特別」﹗簡慕華飾演余家聰母親，和蘭茜飾的余淑敏演一對姊妹﹗據導演羅嘉駿透露，早在構思選角時，ViuTV的製作部副總裁金廣成就大力推介蘭茜客串，導演爆料指原來蘭茜「本身都想出返嚟拍嘢」，傾談下來對今次演出也十分配合，一改以前搞笑戲路，雙方也十分滿遂。

《940920》蘭茜角色好關鍵：

余家聰張母子合照，就係由蘭茜操刀拍攝﹗其後余家聰在即影即有照片寫上「940920」即1994年9月20日，也就是余母（簡慕華）離世的一天，姨媽為何沒有阻止悲劇發生呢？首集未有交代，有觀眾揣測蘭茜往後仍有機會出現！照片作為穿越的媒界，成年的家聰有可能回到過去嗎？

蘭茜致辭：人生有著好多起伏，我也經歷好多

蘭茜習畫及書法廿年，去年在尖沙嘴文化中心舉行個人書畫展，蘭茜身穿一身白長裙，氣質跟外貌都跟以前很不同，蘭茜致辭時表示回看過去自己的作品時，感受每一幅作品都有靈魂，一度感觸哽咽話：「人生有著好多起伏，近幾年自己也經歷好多，睇番啲作品先諗番當時嘅心情，近幾年我遇到嘅人和事，都令我好大感觸。」 雖然蘭茜已淡出廣播界及娛樂圈多年，但一眾圈中好友包括嫁人退出的劉曉彤、葛民輝、谷德昭、吳家樂、陳奐仁、鄧兆尊、阮小儀等前來支持，場面相當熱鬧﹗

小儀自揭是蘭茜中學師妹

小儀與一眾商台同事前往撐蘭茜，小儀留言話「當年嘅蘭茜，現化身書畫家茜茜。係叻嘅，係感動嘅。」其後小儀指同蘭茜除了是舊同事之外，原來對方是其師姐「靜雞雞話畀你知吖，蘭茜係我中學師姐嚟㗎！所以今日喺佢個書畫展入面，可以畀機會我同一班師姐們合照，Yeah~~~~~」

谷德昭親自撐場：「一口能刨下半楷大西瓜的頑皮蘭茜，選擇了用較為安靜的心態去踼人生下半場，寫寫字、畫畫畫、抄抄經變幻原是永恆，變得更加好。」

林柏希亦有前來欣賞，並留言「雖然我哋係電台舊同事，但印象中無一齊做過節目，只拍檔過做MC。不過，佢而家演而優則畫，係一名真正嘅藝術家，二十年嘅畫作及書法作品一次過晒冷﹗」

當奴（Donald）孖黃志淙去捧蘭茜場，並留言：「由從前帶來歡樂的娛樂家，到今天舉辦個人字畫展覽的藝術家，蘭茜就是那麼令人羨慕和尊敬的，見證她的另一個境界，今日至11月20日，文化中心4樓展覽館，茜茜個人書畫展「應無所住」，gogogo！作品很靜，作者茜茜的笑聲很響亮。」