袁偉豪被群插走樣！網民：佢後生時好似姜濤
廣告
袁偉豪日前同老婆張寶兒盛裝出席無綫《萬千星輝頒獎典禮2020》，卻被網民開post圍插他勁走樣，同他幾年前做「牙佬」時相距甚遠，有網民更指他後生時個樣好似姜濤，現在卻變成阮兆祥加王祖藍的混合體！
文：東方新地｜圖：新傳媒圖片庫、袁偉豪IG圖片及連登討論區截圖
袁偉豪 被嘲似中輻射
袁偉豪日前在無綫《萬千星輝頒獎典禮2020》上與周柏豪憑《兩個小生去Camping》獲頒發「最佳節目主持」獎，在頒獎禮結束後，他在社交網貼上同老婆張寶兒的兩張合照，仲甜爆他一身的造型都是由老婆所設計。
不過這兩張相卻引來網友熱烈討論，紛紛圍插袁偉豪嚴重走樣，指他「個樣似中咗幅射同做咗幾十次化療咁」、「好似蠟像館入面啲膠人」、「其實係咪整容失敗」、「鼻唇溝同額頭好似打咗野」等等。
有網友在袁偉豪其中一張相上畫上一撮小鬍子，即時令袁偉豪變身希特拉，唔少網友都話睇到「笑咗」、「真係好似」。
亦有不少網友話好懷念袁偉豪做「牙佬」的型格Look，其實《城寨英雄》是在2015年下半年所拍攝，同現在只係相隔了五年多。
袁偉豪 後生似姜濤
有網友指出袁偉豪後生時好姜濤，而他所貼出的證據相，正是袁偉豪07年參加港男選舉時的泳照，當時他的五官的確同姜濤有幾分相似。
