吳鎮宇公開數落50歲袁詠儀 靚靚隔空反撃：「你老婆XXXX⋯」

撰文：東方新地 圖片：微博@袁詠儀靚靚、微博@吳鎮宇DD的食食豬樂部

吳鎮宇：袁詠儀食住Chilam

袁詠儀近年與老公Chilam夫妻檔返大陸搵錢，經常大晒恩愛，不過明眼人都睇到佢係巴辣嚴妻，食住Chilam。近日Chilam與吳鎮宇合演的電影《暗殺風暴》即將在國內上映，吳鎮宇為電影宣傳接受訪問時，竟然以袁詠儀做話題。

吳鎮宇明讚Chilam暗踩袁詠儀

吳鎮宇在訪問中要講出張智霖的優點，他非常大膽說：

「（張智霖的優點）就是把袁詠儀娶走了，那個就是回饋社會，救贖眾生啊！就是袁詠儀就再也不能出來害人了，把她收走了，就是最偉大的張智霖，做了一輩子的好事。」

吳鎮宇雖然講真話，但他顯得有點緊張，還一邊講一邊捲衫袖，場面好搞笑。

袁詠儀禮尚往來

袁詠儀絕對不是省油的燈，對於吳鎮宇公開數落，她亦不甘示弱，在微博轉發該段吳鎮宇的訪問影片，留言表示：「鎮宇哥！偉大的人還有你的太太，為大眾除暴安良、警惡懲奸、捨身取義。」袁詠儀與吳鎮宇隔空互數，火藥味濃厚。不過袁詠儀與吳鎮宇是多年老友，相信二人都知大家唔會堅嬲，所以才會互相開玩笑。