44歲譚俊彥為拍廣告慘變「虧佬」 拍劇次次有激情戲份女伴遍電視城
譚俊彥拍廣告慘被嫌棄「變虧佬」
譚俊彥在廣告中大騷男性魅力，仲以連環舉啞鈴爆肌搶fo！不過隨後譚俊彥就慘爆表示「當初老婆最鍾意我嘅嘢，依家變成嫌棄我嘅嘢」，更搞到要於網上搜尋「男人扭轉命運」嘅辦法，希望重拾老婆對自己嘅熱情！
譚俊彥細個已開始食保健產品
譚俊彥早前出席《企業強人》宣傳活動接受訪問時，被同劇嘅張曦雯踢爆其實係該保健產品有壯陽功能！譚俊彥亦大方表示自己細個已經有食，不過只係想令健身時可以「持久啲」，但就爆笑稱副作用就係「搞到生咗咁多個」，完全零尷尬！
譚俊彥拍劇次次都有激情動作場面！ 劇集女伴遍布電視城
其實譚俊彥由2016年正式簽約TVB成為旗下藝人後，拍劇不乏激情戲，最新在《企業強人》與張曦雯由一夜情開始發生感情，赤裸上身出鏡大展健碩身型，去年拍攝《新聞女王》與Man姐佘詩曼亦有車房纏綿戲份，盤點早年的劇集，仲有好多小花作為激情戲的對象！
《失憶24小時》攬啜湯洛雯
《失憶24小時》第19集譚俊彥與湯洛雯有激情場面——在空置單位獨處，遇雷聲風雨，曾經受綁架引至失憶的譚俊彥「驚恐症」發作，心理醫生湯洛雯為安慰譚俊彥，赤膊將他緊抱入懷，二人情到濃時衫都唔著，上演愛情動作場面⋯⋯
《失憶24小時》譚俊彥湯洛雯激情床戲完整版
譚俊彥湯洛雯激情絕密(未經刪減)片段首次曝光，真係睇到人面紅耳赤！去片睇睇精彩嘅絕密花絮啦～
《十八年後的終極告白2.0》譚凱琪生完B要拍出浴戲
作為邵氏武打巨星狄龍親生仔，譚俊彥36歲才簽約TVB，「星二代」拍劇規格與別不同，就算與主線劇情關聯性不大，都總會有性感肉搏場面。譚凱琪與譚俊彥為《十八年後的終極告白2.0》拍攝共浴戲，譚凱琪表示早已向老公備案，又為劇集「獻出多個第一次」，初為人母拍戲依然去到盡，自言獲益良多 ：
已為人母嘅譚凱琪在《十八年後的終極告白2.0》飾演譚的妻子，但片中龔嘉欣又會跟譚俊彥有感情戲，據了解兩女還會為譚俊彥大打出手！為咗呢場濕身出浴戲，Zoie一早就到場準備試啱水溫，譚俊彥表示，這場戲原來係一場「夫妻和好戲」！
《十八年後的終極告白》一劇食兩女
在《十八年後的終極告白》初段劇情，譚俊彥先和趙希洛有家居床戲，及至後段情陷黃智雯，二人又有激情肉搏，當時劇中「前女友」趙希洛，亦都有睇到呢一幕戲，事後接受訪問事都大嘆自愧不如，對兩人的忘形演出表示「O晒嘴」：
《十八年後的終極告白》結局篇劇情唔止關於殺人，仲有一場情慾戲！第18集劇情講到 Sam 譚俊彥為做假數搵快錢而忐忑，返屋企見到為爸爸而發嬲的黃智雯，兩個心煩嘅人都好想離開香港呢個煩惱地，劇情發展急轉彎，二人就扭作一團，連背心剝光上演一幕激情戲⋯⋯
趙希洛譚俊彥情慾戲有前科 慘被男方嘲笑
趙希洛指由於場戲講佢圍住一條浴巾同譚俊彥又攬又錫又抱，直言當中動作會好大，但慎防走光，所以佢親自要求服裝提供兩條浴巾遮蔽身體，以防走光！Candice仲話要求服裝姐姐俾多條毛巾打孖上，因為毛巾質料好薄，點知服裝姐姐話佢裡面本身已經做了打底，圍多條毛巾會變成隻糭咁。
剛巧，企喺旁邊的譚俊彥就笑Candice，話佢都打咗咁多底，會好安全唔使擔心，就算跌咗條毛巾，裡面都有成套衫喺度。
