伍詠薇現身ViuTV狂窒主持被插「無品大支嘢」練美娟大方回應更得民心

Q: 伍詠薇當年為何在丈夫離世後一無所有？

伍詠薇憶述當年遭到夫家的代表律師逼供，更話連一支筆都...即看： 伍詠薇憶述親睹53歲前夫離世一刻 被指「剋夫貪財」重提遺產爭端

Jan 19 2023

ViuTV的新節目《晚吹 – 讓我一次買個夠》由當奴和練美娟主持，首集請來伍詠薇擔任嘉賓，疑似「角色扮演」持住自己是前輩不停擺款，全程白眼嘴藐藐外，更瘋狂寸娟姐，又用個背脊得住人。不少網民戥娟姐慘，忍足成個節目仲要對伍詠薇表現恭敬。今次伍詠薇上ViuTV吸嬲，被網民圍插無品唔識尊重人，但原來「伍姑娘」唔係第一次上ViuTV節目，對上一次做主持也曾被狠批！

讓我一次買過夠伍詠薇伍詠薇伍詠薇為ViuTV新節目《晚吹 - 讓我一次買個夠》打頭陣做嘉賓。 — 伍詠薇為ViuTV新節目《晚吹 – 讓我一次買個夠》打頭陣做嘉賓。（圖片來源：ViuTV影片截圖）

伍詠薇上ViuTV綜藝唔係第一次出事

曾是無綫藝人的伍詠薇，其實與ViuTV關係不俗，開台無耐2017年伍詠薇參演過ViuTv綜藝《碌卡大導》；2020年伍姑娘更曾擔大旗主持直播綜藝遊戲節目《埋嚟睇埋嚟玩》，不過就被指與《Do姐有問題》撞橋，反應麻麻；有指今次ViuTV搞搞新意思，頂替《晚吹 – 有酒今晚吹》的全新節目《晚吹 – 讓我一次買個夠》首集再搵伍詠薇做嘉賓，希望打頭陣令節目有迴響，點知就造成「反效果」，節目一開始伍詠薇已經寸寸貢，完全唔畀面當奴及娟姐兩位主持，喧賓奪主自己一輪嘴講自己想講嘅嘢。

讓我一次買過夠伍詠薇伍詠薇伍詠薇要在節目中分享她的日常支出表。 — 伍詠薇要在節目中分享她的日常支出表。（圖片來源：ViuTV影片截圖）

讓我一次買過夠伍詠薇伍詠薇被問到有沒有在住屋方面夾錢，伍詠薇唔like主持問家事。 — 被問到有沒有在住屋方面夾錢，伍詠薇唔like主持問家事。（圖片來源：ViuTV影片截圖）

伍詠薇被問日常開支勁唔耐煩

伍詠薇在節目開段公開自己的生活開支圖，兩位主持見其住屋費佔最多，於是展開追問為何老公要她夾錢，伍詠薇說：「平時係唔夾㗎，有時我會畀下咁樣囉！」娟姐回一句：「隨心啦呢啲。」伍詠薇勁唔耐煩反白眼說：「呢啲係我嘅家事，唔關你哋事好冇？」當奴嚇了一嚇，笑着打圓場：「呢個節目就係講家事㗎其實都，咁我哋唔講屋啦！講交通開支啦！」

讓我一次買過夠伍詠薇伍詠薇伍詠薇擺出不可一世的前輩架子。 — 伍詠薇擺出不可一世的前輩架子。（圖片來源：ViuTV影片截圖）

讓我一次買過夠伍詠薇伍詠薇被伍詠薇針對的娟姐，忍耐力非常高。 — 被伍詠薇針對的娟姐，忍耐力非常高。（圖片來源：ViuTV影片截圖）

讓我一次買過夠伍詠薇伍詠薇呢啲表情老是常出現。 — 呢啲表情老是常出現。（圖片來源：ViuTV影片截圖）

伍詠薇狂寸狂窒娟姐

伍詠薇分享自己的儲錢心得，喜歡用現金的她閒時會拎銀紙出來排列整齊然後逐疊數，娟姐表示在風水學上這樣做會令金錢自己湧來，伍詠薇即寸她：「你唔好多事啦！學埋個大頭鬼（Bob林盛斌）講啲嘢！」聽到伍詠薇鍾意食兩餸飯，娟姐表示驚訝，又被伍詠薇鬧：「你依家咩態度呀？……你問我嘢時你唔准笑！」伍詠薇反客為主騎劫了成個節目，明顯對娟姐好唔客氣。

讓我一次買過夠伍詠薇伍詠薇向來直腸直肚的伍詠薇多次在節目反白眼兼藐嘴，又不斷狂串娟姐，引來大批網民批評她沒禮貌，又戥娟姐感到委屈。 — 向來直腸直肚的伍詠薇多次在節目反白眼兼藐嘴，又不斷狂串娟姐，引來大批網民批評她沒禮貌，又戥娟姐感到委屈。（圖片來源：ViuTV影片截圖）

讓我一次買過夠伍詠薇伍詠薇當奴與娟姐不時表露出極度尷尬的樣子。 — 當奴與娟姐不時表露出極度尷尬的樣子。（圖片來源：ViuTV影片截圖）

伍詠薇用背脊得住娟姐

之後娟姐轉話題，指伍詠薇很捨得花錢買內衣及睡衣，家中收藏近400多套，更拍了一條片介紹她的珍藏，伍詠薇表示好後悔沒有穿過這些睡衣影寫真，娟姐回應：「可咩惜啫，你咪依家着番再影囉！」伍詠薇反應極大唔太like，背住娟姐向當奴說：「佢唔好以為自己身材好過我，講埋啲咁嘅嘢。」娟姐面紅耳熱解釋：「梗係唔係啦，真係可以，有心唔怕遲！」並向當奴求救：「你講吖！你公道！」當奴欲化解尷尬氣氛，扭耳仔表示：「對唔住對唔住，我打工㗎咋，sorry，我哋去下個環節啦唔該晒！」明顯見到氣氛尷尬，伍詠薇仲講咗句：「你哋唔好嘈呀！」唔知真係以為佢先係主持。

讓我一次買過夠伍詠薇伍詠薇伍詠薇一永用背脊得住娟姐，只與當奴對話，所以這集節目很少娟姐的個人鏡頭。 — 伍詠薇一永用背脊得住娟姐，只與當奴對話，所以這集節目很少娟姐的個人鏡頭。（圖片來源：ViuTV影片截圖）

讓我一次買過夠伍詠薇伍詠薇娟姐被伍詠薇曲解她的意思，激動為自己平反。 — 娟姐被伍詠薇曲解她的意思，激動為自己平反。（圖片來源：ViuTV影片截圖）

嫌娟姐唔識嘢直呼「練美娟」

伍詠薇公開獨特的收藏衣物方法，令衣物不變黃：「搵膠袋包住囉，好似上鏈錶咁得閒拎出嚟，放下啲臭丸落去，又會揈下佢，啲臭丸唔好嘅話痴到會變黃㗎啲嘢，你知唔知呀阿女！阿練美娟！」娟姐面露尷尬說：「真係請教請教！」之後伍詠薇介紹一條早年買入的腰鏈，話自己當年好弗，更轉向娟姐問：「唔知你戴唔戴到呢，呵？」娟姐被窒足全晚，忍得好辛苦。

讓我一次買過夠伍詠薇伍詠薇變成磨心的當奴扭耳仔求伍詠薇放過他。 — 變成磨心的當奴扭耳仔求伍詠薇放過他。（圖片來源：ViuTV影片截圖）

網民一面倒鬧爆伍詠薇

節目出街後，不少網民都對伍詠薇的寸爆行為非常不滿，認為她不極尊重兩位主持，尤其針對娟姐起晒槓，Facebook社群「中女講呢啲」的版主更出po大講伍詠薇在節目中的所作所為，引起極大迴響，亦有網民在ViuTV的社交網站圍插伍詠薇無品兼趕客，好多人話頂唔順要熄電視，留言包括「真係無品到一個點」、「伍姑娘冇基本禮貌，令到兩位主持尷尬和難堪，亦另我們（觀眾）睇得不開心」。網民亦看得出娟姐的高EQ，大讚她夠專業，戥娟姐不值：「Respect娟姐」、「忍住道氣唔窒返轉頭都難，仲要唔黑面有笑容，專業」、「要畀個叻娟姐」、「娟姐呢集勁委屈，辛苦晒」，ViuTV今次請錯嘉實，真係捉蟲！

伍詠薇重溫自己表現「覺得搞笑」

當晚節目播出的時候，伍詠薇有份坐在電視機面前捧場，她在Facebook貼出影電視畫面的照片並謂：「而家睇緊ViuTV晚吹新節目，第一集嘉賓就係我啦⋯⋯我自己睇返都笑爆咀！」在伍詠薇下方留言的網民，極大部份都對她的表示表示支持：「綜藝也好，演戲也好，攪笑都好，都能睇得出你係用心去做，好有個性，好真，實在太壓場了」、「可TVB、ViuTV兩邊去雙蠃」、「剛睇完你上此節目。你懂攪笑但2位主持反應不及你！怕被你笑！認識多咗你！原來你可儲存四百幾件睡衣。有趣！」唯獨有一個網友留言表示：「格格不入」。