超能使者大結局｜陳展鵬迫真老妝生死未卜？監製文偉鴻開Live解謎

Dec 2 2022

台慶劇《超能使者》結局播放完畢，監製Jazz文偉鴻今次唔玩「Final Boss」，歐瑞偉飾演的黑幫大佬由到奸到尾，結局要異能人集結才將其擊斃！本來開心完結的結局，卻因為異能副作用而忽然變悲劇，陳展鵬結生死成謎，監製文偉鴻就在劇集之後的直播，回應會否拍續集的問題！

陳展鵬老妝迫真大會堂空地前生死成謎！

由於結局劇情講到陳展鵬異能耗盡，瞬間變成老人，監製爆料表示這一幕在炎熱的夏天拍攝，為了不讓汗水形容妝容，上妝後的陳展鵬要在烈日下保持靜止，以免影響造型：

超能使者大結局超能使者陳展鵬在結局因為耗盡「逆時」異能，將時間倒退到第1集的車禍之前，枉死的好友都復活，他就變成枯乾老人，記憶盡失的唐詩詠遇上瀕死的陳展鵬，觸摸他的手之後，回憶瞬間湧現心頭，場面感人！ — 記憶盡失的唐詩詠遇上瀕死的陳展鵬，觸摸他的手之後，回憶瞬間湧現心頭，場面感人！（圖片來源：tvb.com）

陳展鵬老粧上陣監製開Live確定阿鏈為眾好友犠牲陣亡！

陳展鵬在結局因為耗盡「逆時」異能，將時間倒退到第1集的車禍之前，一班枉死的好友都成功復活，陳展鵬為大家送上錄影，向Q姨示愛，他就變成枯乾老人，監製在劇集播放完畢之後的直播中表示，在劇本設計上，陳展鵬的角色必須要死，因此才能成就他的犧牲有意義！

超能使者大結局超能使者陳展鵬的老妝帶著異能耗盡的意味，化妝加CG特技，極速變老。 — 陳展鵬的老妝帶著異能耗盡的意味，化妝加CG特技，極速變老。（圖片來源：tvb.com）

超能使者大結局超能使者阿鏈「逆轉時空」前曾留下深情剖白，講自己唔需要異能，需要的是友情和愛。 — 阿鏈「逆轉時空」前曾留下深情剖白，講自己唔需要異能，需要的是友情和愛。（圖片來源：tvb.com）

超能使者大結局超能使者之前視帝譚俊彥拍《18年後的終極真相》亦有試過為結局化老妝，不過係扮阿伯，殺人之後仲可以自然老去，受良心責備。 — 之前視帝譚俊彥拍《18年後的終極真相》亦有試過為結局化老妝，不過係扮阿伯，殺人之後仲可以自然老去，受良心責備。（圖片來源：tvb.com）

陳展鵬最強「超能力」逆轉救世

「如果有得揀，你會想得到邊種超能力？」，經歷完身邊咁多人嘅犧牲，鍾孝年( 陳展鵬 )會答你，佢統統超能力都唔要！為咗救返所有人，鍾孝年頂住超能力嘅副作用作出一個艱難決定…

超能使者大結局如果一切可以重頭再來，阿年還想要異能嗎？ — 如果一切可以重頭再來，阿年還想要異能嗎？（圖片來源：tvb）

《超能使者》大結局第25集劇情劇透（12/02）陳展鵬求婚四人大喜之日異能副作用反噬

歐瑞偉偷襲陳展鵬等人，幸得援兵及時出手制止。唐詩詠入院，陳展鵬趁機求婚。大戰過後，眾人早已筋疲力盡……另一邊廂，王君馨的情況依舊，沈震軒感到無力之際，及後竟閃過陳展鵬會在「袁叔飯堂」遇險的畫面！原來歐瑞偉利用陳展鵬弟，脅逼陳展鵬等人就範，陳展鵬弟不堪做人質而選擇自盡，沈震軒利用超級異能將歐瑞偉擊敗……雖然BigBoss終於被擊斃，但異能反噬的情況仍未能阻止⋯⋯

超能使者大結局超能使者高勇結局似乎自身難保。 — 高勇結局似乎自身難保。（圖片來源：TVB《超能使者》截圖）

超能使者大結局超能使者歐瑞偉向一眾超能使者進行大報復。 — 歐瑞偉向一眾超能使者進行大報復。（圖片來源：TVB《超能使者》截圖）

《超能使者》監製要劉穎鏇著肚兜？

台慶劇《超能使者》來到結局篇，一眾演員陳山聰、陳展鵬、劉穎鏇、Moon劉佩玥、林子善、伍樂怡、KK張國強同監製Jazz文偉鴻就約埋一齊食飯兼睇直播，講到有不少網民都留言話好唔捨得套劇咁快完，仲話希望可以原班人馬再拍續集，監製文偉鴻就回應話有睇到大家嘅留言㗎，但佢話要「見好就收」，仲話佢將最精彩嘅嘢喺每一套劇內都度盡晒、擺晒落去，所以佢過往嘅作品都唔會有續集呢回事，不過對於有網民提議原班人馬玩古裝加時裝，山聰即反問大家係咪想睇劉穎鏇古裝造型？而文偉鴻就抵死咁話，到時劉穎鏇唔係著三點式，而係要著肚兜！

超能使者大結局超能使者劉潁鏇水著大家覺得如何？ — 劉穎鏇在《超能使者》曾著三點式上陣拍廣告。（圖片來源：TVB《超能使者》劇照）

超能使者大結局超能使者監製文偉鴻指如果用原班人馬拍古裝加時裝劇，劉穎鏇就要著肚兜。 — 監製文偉鴻指如果用原班人馬拍古裝加時裝劇，劉穎鏇就要著肚兜。（圖片來源：YouTube@TVB娛樂新聞台）

監製玩大結局競猜

監製文偉鴻在劇集播放前，於IG限時動態中大玩結局競猜，選項包括：

1）詩詠係小說作家寫故事/遊戲開發

2）阿Moon心靈操控眾人無限輪迴，活在痛苦中

3）所有事係展鵬精神病幻想

4）膠勇Open BB返回過去救回所有人

這4個選項入面有3個都係脫離現實，只有第4點會有現實的Happy Ending，但高勇在大結局預告中似乎會被沈震軒殺死，要做到第4點的話，必須先逃過這一刧。唔知這4個選項是監製亂講來引人討論，定係入面真係有一個會係《超能使者》的大結局謎底？

超能使者大結局超能使者監製在IG限時動態中玩結局競猜，配上的影片係唐詩詠、劉穎鏇在和陳展鵬、陳山聰舉行婚禮前玩鬧的片段。 — 監製在IG限時動態中玩結局競猜，配上的影片係唐詩詠、劉穎鏇在和陳展鵬、陳山聰舉行婚禮前玩鬧的片段。（圖片來源：IG@jazz_boon）

超能使者大結局超能使者黃庭鋒飾演陳展鵬弟弟 — 之前陳展鵬已經有過老婆劉佩玥同細佬黃庭鋒等精神病幻覺。（圖片來源：TVB《超能使者》劇照）

林子善睇見張國強被殺爆喊

直播中睇到KK飾演的袁叔被殺一幕，林子善忍唔住喊咗出嚟，陳山聰就話當時佢哋足足拍咗5個夜晚，除咗因為將文戲同打鬥戲分開拍攝外，仲因為拍攝期間撞正山聰囝囝Jaco出世，山聰笑言佢接完Jaco出世後，就即刻再返劇組拍這場KK同梅姐被殺嘅重頭戲。而睇到喊晒嘅子善，就話因為平日自己都會叫KK做Daddy，加上自己又已為人父，所以當佢睇到KK同君馨場戲時，就即刻代入其中，子善又埋怨話睇完呢場慘情戲以為可以有個喘息空間唞啖氣，點知劇情仍然繼續虐心，令子善啲眼淚完全失控。