足球女將｜31歲馬俊怡Rose Ma獲封「港版明日花」曾被捲入床照風波
足球女將Rose Ma 表現逆轉獲讚賞！
足球女將熱播，網民近日紛紛大讚Rose Ma的驚艷表現令人刮目相看！有粉絲留言話，睇咗咁多集，一開始真係估佢會被淘汰，節目開始時郭sir鬧佢「唔知自己做乜」，成個感覺好似跟唔上隊友，迷失到一個點。不過話晒人紅是非多，Rose竟然喺關鍵一場「開竅」，整個人判若兩人，又chur又lur，散發全新光芒，實在係全場焦點！講到對丙組嗰場比賽，雖然雙方實力差距明顯，但Rose同前鋒隊友一開波就火力全開，狂施壓力，硬係將差距收窄。網民直呼：「前段太搏命，中後段氣力放盡有啲可惜，但輸5球都能叫贏咗，夠晒勵志！」團隊學波先得4個月，呢個成績真係要畀個like！
Rose Ma 回憶5個月心路歷程
Rose Ma近日喺IG分享《足球女將》五個月嘅心路歷程，話24個女仔從零開始，唔識規則到憑熱血日操夜練，「流過很多眼淚，但亦克服了很多問號」，最終學會堅持同勇氣，用汗水寫下屬於自己嘅故事。佢笑言球場上常問「我是誰？我在哪？球在哪？」，但苦中帶笑嘅旅程令佢哋更堅強團結，證明「女生踢波，也可以很認真，很帥氣 (-᷅_-᷄)」，感動粉絲兼掀起熱話！
馬俊怡Rose Ma（IG@roserosemama 年紀：31歲 職業：演員）
現年31歲的Rose Ma曾因為Cosplay春麗而在Twitter成為網絡紅人，2013年參選大專校花校草選舉入行，曾推出過寫真集，亦做過動漫節Game Girl，被封為「電競女神」，並因同日本神級AV女優明日花綺羅撞樣，而有「港版明日花」之稱。
Rose Ma近年轉型做演員
2017年，Rose Ma更是與邵子風和林作一起，在ViuTV的節目《晚吹—KO KOL》中擔任主持，人氣急升。她還出版了兩本寫真集，分別是《初次First Rose Ma》和《2nd Impact》，近年她轉型做演員，並參與了ViuTV劇集《IT狗》和《和解在後》的演出。
自爆做手術
Rose Ma曾經在社交平台上傳出海美照，該輯相片有網民讚她靚到腳趾尾，不過這時Rose Ma自己卻大爆自己秘密，更指「唔靚，做過手術！」讓在場網民十分震驚！在追問後才知道原來是腳趾手術，至於是什麼類型的病患導致要開刀就未有透露。
曾被捲入床照風波 被七師傅指條命唔紅得
Rose Ma早年更曾經做過動漫節Game Girl，並因同日本神級AV女優明日花綺羅撞樣，而一度被封為「電競女神」。不過後來她因為「公審」同「處刑」連登仔，惹來不滿，更因為曾被捲入床照風波，並因此刪除了所有個人YouTube頻道影片。
七師傅曾經在《七救星》中幫Rosa Ma算過命，指她命中注定唔可以太紅太出名，一紅就身弱受不起財，就會惹來很多麻煩，命格吸引爛桃花。
一起重溫Rose Ma火辣寫真照：
