逆天奇案2｜劉佩玥出動42吋驚人長腿 悠倩角色不似預期惹人生厭?!

《逆天奇案2》 結局｜劉佩玥為錢出賣張穎康

在結局中張穎康成功逃獄並擄走悠倩，劉佩玥飾演的貪錢角色對魏子樂豪無感情，只係一心想部署如何從中獲利，由於悠麗角色上輯已死，今次只能以巴喳人設由頭演到尾，令不少觀眾覺得厭煩，到第19集尾段悠倩更再度提供資料給警方，導致方力申飾演的教授被通緝，完全不是上集的賊婆角色，變相成為警方的「助攻」，令到警匪雙方勢力並不平衡，甚至對魏子樂感到可憐。

逆天奇案2｜劉佩玥展示驚人長腿

劇情講到身為爛賭婆的悠倩（劉佩玥飾）又在賭桌上輸清光，之後被疊碼仔 Jimmy（袁鎮業飾）催還債，眼見悠倩冇錢還，Jimmy打算「抽水」當收息，機智的悠倩見情況不妙，出動逆天長腿搭在Jimmy身上並氹他玩「剝衫大話骰」，後來悠倩趁Jimmy去洗手間時企圖逃走，豈料被Jimmy識破，悠倩危急下拿着酒瓶扑暈Jimmy才成功甩身。

逆天奇案2｜劉佩玥靠多喝水保養招牌白滑長腿

TVB 官方社交平台釋出相關場口花絮片，原來今次是劉佩玥人生爆樽初體驗，劉佩玥與袁鎮業睇 Playback 時興奮得大嗌：「睇吓，爆得幾靚，都話咗一次搞掂啦！」袁鎮業同樣是首次畀人爆樽，他笑言：「都幾爽嘅，感覺好似頂頭鎚咁！」

劉佩玥還搞笑地分享爆樽心得：「打嘅時候唔好用個底打落去，同埋要有信心、唔好驚，最緊要被打嗰個唔係我！」42 吋白滑長腿備受關注的劉佩玥，曾大方分享保養美腿心得，她認為多做運動和多喝水有助保持雙腳處於最佳狀態。

有片重溫！