逆天奇案2 ｜麥玲玲展現槍法原來為救一男子！拍劇出盡千萬首飾私伙！
麥玲玲客串霍太 霸氣富婆槍法好過陳展鵬
《逆天奇案2》第2集劇情提到遇上公司財困的霍太（麥玲玲）為拯救公司，與下屬利用殺手執行暗殺任務來討好非洲政要巴金，從而各取所需。森Sir與Nic Sir上門向霍太套話，但霍太早有準備，冷靜機智的應對令兩人找不到其話語間的破綻，而就在離開霍太家之際，細心博學的Nic Sir發現關鍵線索！霍太來到巴金住處獻禮，形勢卻突變，霍太為了保護細佬（《愛回家》Ivan – 鄧永健飾演）持槍一下射爆敵方後腦，別墅發生激烈槍戰，森Sir、Nic Sir與警員李少言（容天佑飾）三人趕到現場追捕殺手，口水言險遭殺害⋯
霍太《逆天奇案》首輯早已登場
霍太作為千億身家富豪，在第一輯 《逆天奇案》已登場，育有一子（孔德賢飾演），與香港四大堂口有來往，11年前僞造丈夫遺囑，從姑仔霍麗華手上搶回所有遺產，於被余志光（郭子豪飾演）綁架，更被其矇騙手上有證據證明她當年僞造遺囑，最終交出5億贖款！
麥玲玲飾演霍太、私伙盡出兼爆粗！
麥玲玲為了霍太嘅角色，曾向傳媒透露自己出動過千萬私伙行頭，包括名牌手袋、10卡鑽戒，務求配合超級女富豪人設；麥玲玲更笑指有少少擔心拍完戲會留低貴價私伙，所以事前會先記低自己帶了幾多私伙到劇組，每次都數清楚數量才離開。《逆天奇案》入面的玲玲姐霸氣十足，得悉被綁匪以虛假文書騙去5億後，更嬲得爆粗過足戲癮：
「唔係錢嘅問題，我霍鄧如雁唔可以咁樣被人玩法，我一定要班『X街』無運行！」
麥玲玲大爆片場2大秘辛 竟比拍攝動作場面更辛苦！
談到劇中動作場口，玲姐姐笑言難度不高，皆因自己一向有做開運動：「揸槍梗係好玩，我鍾意拍劇就係因為可以做到現實中冇可能做到嘅嘢，今次玩得好開心！當然現場有武指教我點樣開槍嘅，唔好睇我咁嘅身形，由於我有做開運動，好似跑步、拎住啞鈴跳舞咁，所以都幾靈活架。」玲玲姐續指今次拍攝最辛苦，反而是要適應拍攝環境及氣溫：
「今次辛苦在天氣好熱，又要去一啲石屋。我記得拍嗰日仲落雨，又濕又多泥，喺泥地根本行唔到，好『呢HEA』，同恐怖分子傾嘢嗰間屋哩，老鼠、曱甴咩都有，唔係講笑！雖然辛苦，但見到成效好就會好開心。」
麥玲玲自掏腰包延續「7彩套裝傳說」
之前玲玲姐在同由劉家豪及陳志江監製的《法言人》中，已憑自掏腰包打造「七彩套裝」贏盡焦點，今次玲玲姐再下一城，繼續自掏腰包打造彩色套裝世界，在短短一個單元中，已展示了六款Sharp爆造型，除了夠貴氣、夠霸氣，望落更有型有款，相當切合角色，這次玲玲姐更會以「套裝裙褲」上陣，目的就是為了配合開槍及動作場口，十分專業。玲玲姐笑言是受家豪哥啟發：「今次所有衫都係自己特別搵人做，本來家豪哥話其中一套要有條褲，但我覺得自己唔會着得好睇，倒不如做裙褲。」玲玲姐又指由於自己身形與一般女藝人有差異，在不想麻煩服裝部同事情況下，才另外找人度身打造，並感激相關同事全程予以配合及溝通：
「Cindy（服裝同事）話要咩款式，我就搵人做，佢哋都有要求架，好以有啲衫要釘珠咁，咁其實for我嚟講都係好好玩嘅。」
《逆天奇案第一集 》｜奇案系列｜綁架博弈
以高智慧博弈策略，精密部署炮製出5億富豪綁架案，利用獵物死穴捉弄心理，令佢哋乖乖交出贖款亦唔敢報警，今次 O記雙雄 森sir(陳展鵬)、Nic sir(黃智賢)携手處理，一個有勇一個有謀，兩人能否拆解屏障揪出綁匪主腦？
