郭富城紅館演唱會首場7大必睇焦點！半億舞台有機關、選曲滿足歌迷要求

盤點郭富城演唱會頭場7大焦點：

1 | 帶20位Dancer現場演唱《EXIT》氣勢非凡

城城今晚在8點45分以金色捲毛假髮，加上一身黑色閃片西裝登場。城城一登場就從台上的立體LED屏幕中央登場，並與20位Dancers載歌載舞，大唱近月榮登5台歌曲榜之冠的洗腦新歌《EXIT》，非常有氣勢！現場城城唱出「愛上跳舞太開心，跳到每個拍子都叫好」歌詞時，真係令全場熱血沸騰！

2 |新歌《EXIT》勁舞炸場 郭富城講明唔會退休

現場城城唱出「愛上跳舞太開心，跳到每個拍子都叫好」歌詞時，真係令全場熱血沸騰！城城仲話今次演唱會嘅新歌《EXIT》畀人人以為佢要準備退休，佢就話表示自己很愛舞台：「一定唔會退休！」，佢希望大家畀掌聲，亦希望大家有笑聲，睇騷盡興！

3 | 服裝造型超獨特 公仔麵髮型驚艷網民

城城為今次演唱會的服裝造型方面都別具心思。首先一開場就有金色捲毛假髮造型，接著又換上新橘色Highlight假髮，夠曬大膽又創新。

4 | 演唱會環節 即場邊畫畫邊唱歌

除了服裝夠曬獨特之外，城城今次演唱會亦非常有睇頭。不但在演唱《無忌》前化身成為Iron Man上陣，載歌載舞全場High爆；到演唱會後半部更邊畫畫邊唱歌，一眾歌迷都睇到哇哇聲。另外，城城還準備了一首新歌《您》送畀支持他多年嘅Fans，寫咗30幅嘅「您」字畫，一幅畫代表一年，好有誠意。

5 | 半億舞台效果震撼 極有藝術感

不過要講到最為驚艷的，一定是城城花半億所打造的立體多元舞台。城城的舞台設計師Fion在演唱會前，已經提到希望能夠憑三面台，打造出一個有五個舞台的視覺效果。從網民所上傳的照片亦可見舞台設計非常精緻，大屏幕上的影片亦設計得非常仔細、唯美，非常震撼！

6 | 深情演唱失戀慘情歌 1原因獲讚寵粉

城城除了唱快歌之外，在今次演唱會中亦有唱出一連串失戀慘情歌《錯愛的呼喚》 、《愛下去》、《忘不了》 ，其中更包括粉絲們要求他唱的《雨中感嘆號》，獲粉絲們大讚城城夠寵粉！

7|台上台下星光熠熠老婆囡囡現身支持

台上有郭富城發光發熱，台下亦星光熠熠，多位郭富城圈中好友都有到場支持，包括溫碧霞和其家人、 張智霖和袁詠儀、馬浚偉、蔡一智、樂易玲、少爺占和鄭丹瑞等。城城太太方媛亦有帶同兩位千金到場支持爸爸，非常溫馨。