鄧麗欣演唱會2025｜驚喜宣布明年三月紅館開騷會展演唱會原來係率先熱身！

Oct 15 2024

鄧麗欣（Stephy）迎來41歲生日，前日Fans Club就特別為她籌辦生日會，與逾百fans切蛋糕、唱生日歌、玩遊戲、分享追星點滴！Stephy更於生日會上率先宣布明年三月將於館舉行首次個人演唱會，令全場fans超激動！

鄧麗欣搶先公布紅館開處女騷

鄧麗欣台上說：「我有一份禮物送俾大家，但呢份禮物今日攞唔到住，幾時攞呢？我約定你哋，明年三月⋯⋯」此時她眼泛淚光，有fans似乎猜到報以歡呼聲，她掩嘴點頭示意猜對了，全場掌聲。冷靜幾秒後，她續說：「明年三月紅館見！」台下fans立即興奮歡呼，有不少感動抹眼淚。Stephy說：「我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！」全場尖叫。

鄧麗欣 stephy 鄧麗欣於Fans Club特別為她籌辦嘅生日會上，宣布明年3月將於紅館舉行首次個人演唱會。（圖片來源：大會提供） — 鄧麗欣於Fans Club特別為她籌辦嘅生日會上，宣布明年3月將於紅館舉行首次個人演唱會。（圖片來源：大會提供）

鄧麗欣 stephy 除咗鄧麗欣十分感觸外，台下嘅fans同樣十分感動！（圖片來源：大會提供） — 除咗鄧麗欣十分感觸外，台下嘅fans同樣十分感動！（圖片來源：大會提供）

鄧麗欣 stephy 鄧麗欣今日迎來41歲生日。（圖片來源：ig@stboo）ig@stboo — 鄧麗欣今日迎來41歲生日。（圖片來源：ig@stboo）ig@stboo

鄧麗欣孖fans感動落淚

之後Stephy接受訪問笑言以為會忍得住眼淚，結果還是失守，她說：「其實咁多年無論任何嘅歌迷聚會我都會喊，今年以為自己勁咗，點知都係忍唔住。我覺得好感動，尤其是望住咁多位好熟悉嘅面孔，支持咗我咁多年，我覺得呢一個回饋對於佢哋、對於我自己都係好重要。希望大家得到呢份禮物覺得開心，希望所有fans都買到飛入場，真係好開心，約定大家紅館見。」

台下有fans跟住喊，Stephy說：「佢哋可能都諗『終於等到呢一日啦』，見到佢哋開心和感動，對我嚟講真係好重要，令我更加努力去做好呢個演唱會，唔好令佢哋失望。」

鄧麗欣 stephy 鄧麗欣時候表示年年歌迷聚會都會感動到喊，今年以紅館演唱會作回禮，希望每位fans都可以買到飛入場。（圖片來源：大會提供） — 鄧麗欣時候表示年年歌迷聚會都會感動到喊，今年以紅館演唱會作回禮，希望每位fans都可以買到飛入場。（圖片來源：大會提供）

鄧麗欣 stephy 今年Fans Club忡特別整咗一部扭卡機，所有扭卡得到嘅錢都捐去慈善機構，而鄧麗欣更放入幾十張親筆簽名隱藏版給fans驚喜！（圖片來源：大會提供） — 今年Fans Club忡特別整咗一部扭卡機，所有扭卡得到嘅錢都捐去慈善機構，而鄧麗欣更放入幾十張親筆簽名隱藏版給fans驚喜！（圖片來源：大會提供）

鄧麗欣 stephy 2023年的個人演唱會上，Stephy沒有唱出與方力申的合唱歌，但原來Stephy也有密切留意方力申的動向，當時出席ViuTV節目巡禮時，已預早向傳媒表示自己的演唱會與方力申的舞台劇撞期，呼籲大家不要有太多期待，更笑住遺憾表示：「無辦法啦！撞咗lu，好可惜啊真係⋯⋯」（圖片來源：資料圖片） — 2023年的個人演唱會上，Stephy沒有唱出與方力申的合唱歌，但原來Stephy也有密切留意方力申的動向，當時出席ViuTV節目巡禮時，已預早向傳媒表示自己的演唱會與方力申的舞台劇撞期，呼籲大家不要有太多期待，更笑住遺憾表示：「無辦法啦！撞咗lu，好可惜啊真係⋯⋯」（圖片來源：資料圖片）

鄧麗欣送紅館演唱會畀fans做禮物

Stephy 19歲出道，不少fans都支持她接近十幾年，其實她在生日會fans分享環節，聽到他們的追星故事和見到他們的珍藏品已經好感動，不時見她眼紅紅強忍眼淚。她說：「佢哋好多人都支持咗我十幾年，而我好細個入行，佔咗我人生超過一半時間，全部都同大家一齊渡過。呢啲經歷得來不易，好值得珍惜。」有fans表示因Stephy而找到自己的人生目標、事業、愛情，甚至改善與家人關係。

「相隔咗幾年冇辦生日會，再慶祝好開心，今日好多人嚟咗，有跟咗我好多年嘅歌迷，亦都有新臉孔，非常多謝大家參與。個蛋糕好靚，好有心思。咁多年來收咗好多fans嘅禮物，我送返俾佢哋嘅禮物，除咗係我嘅努力和進步，都諗唔到送乜嘢更加好，所以就趁一個咁好嘅時機同大家宣佈，我相信對佢哋嚟講係最好嘅禮物，就係我明年紅館演唱會。」

鄧麗欣 stephy 鄧麗欣於去年11月舉辦Stephy Therefore I Am 2023演唱會，更係時隔16年再開個人演唱會。（圖片來源：大會提供） — 鄧麗欣於去年11月舉辦Stephy Therefore I Am 2023演唱會，更係時隔16年再開個人演唱會。（圖片來源：大會提供）

鄧麗欣相隔16年再開演唱會感性多謝歌迷：不知道大家會喜歡幾耐

2023年11月12日晚在灣仔會展舉行的《STEPHY Therefore I Am》演唱會，Stephy唱出《再見不是朋友》前，感性地表示認為人與人之間的關係很特別，認為無論過去每一件事情好壞與否，都是能夠成為人生中很重要的「成長養分」。Stephy又指每一首歌都是自己的人生經歷，並感激歌迷們一路而來喜歡自己的歌曲：

當你回想起過去一切，你會發覺無論好與壞，發生過嘅事，都係我哋好重要嘅一些成長養分，所有一切都係成就咗你和我，成就呢一刻嘅自己。喺我人生當中，有好多歌都係我人生嘅經歷，或者係大家嘅經歷，成就了一些好嘅歌俾我。呢啲歌很幸運令大家一直都記住，一直都喜歡，雖然不知道大家會喜歡幾耐，或者呢啲歌會流傳幾耐，但都唔重要，只要呢一刻大家都喜歡，呢一刻大家都喜歡記住，我就會好好珍惜。

鄧麗欣 stephy 今晚Stephy演唱會無嘉賓，自己唱足全場。（圖片來源：東方新地） — 今晚Stephy演唱會無嘉賓，自己唱足全場。（圖片來源：東方新地）

台下「餅碎」感動爆喊 Stephy唔後悔入Cookies

上次會展Show，Stephy在台上分享指很久沒有開騷，所以有很多東西想跟大家分享。Stephy感謝大家一路而來的支持，並自爆在綵排期間曾在此分享環節中哭成淚人，在整理Cookies照片時都忍不住落淚。Stephy指雖然人生有時會後悔某些選擇，但認為加入Cookies此決定不應該後悔，因為是人生中最好的選擇。到歌唱尾聲是，Stephy唱出Cookies時期的《最後一塊》和《Forever Friends》，大屏幕拍到「餅碎」之一的Angela區文詩多次抹眼淚，場面非常感人。