鄭伊健初入TVB常被前輩教訓 歷三段情被蒙嘉慧收服 夫婦戀14年何解搞生意?
原文刊於:More
鄭伊健初入TVB常被大前輩教訓
鄭伊健獲邀上《口水多過浪花》做訪問,被問到要同年輕演員李靖筠、陳海寧、雲浩影、黃淑蔓、鍾雪瑩、李玗蓁、王頤、宋嘉儀等合作的感受,以及上一代要學習同新一代溝通的方法,他說:「我覺得呢個係好大嘅挑戰,難得佢搵你,入面有咁多新嘅人,要諗吓點樣令大家打成一團,故仔就係需要呢樣嘢,所以唔可以講一啲『我教你啦』,千祈唔好!應該話『不如大家試吓做一件事吖』、『做咗你嗰個?又試吓做我嗰個吖』,好好玩,如果大家溝通到。」
![鄭伊健 以前鄭伊健於電視台拍古裝,古裝要黐頭套(圖片來源:TVB《金蛇郎君》截圖;示意圖)](https://imgs.sundaykiss.com/wp-content/uploads/2022/10/screen-shot-2022-10-11-at-7.31.48-pm_1232764078634553a2142e8-1024x734.png)
被問到要同新晉導演應智贇合作的感受,鄭伊健說:「以前我覺得導演最大,依家就會商量,呢樣嘢我哋以前係無。」鄭裕玲表示以前初入行﹐常常要聽前輩命令: 「我哋做𡃁嘅時候都合作過啲大前輩,佢話點就點。」但鄭伊健話自己會企硬,不會跟隨:「所以咪唔想做佢囉!我入行嘅時候,點解一定要跟你呢?點解一定要咁就啱?我無跟!」鄭裕玲難以置信說:「你咁反叛㗎?你真係古惑仔喎!吓?講唔講得㗎?唔好開名吖!」
鄭伊健開始詳述不聽話的事跡:「以前喺電視台拍古裝,古裝要黐頭套,啲人黐到有咁高得咁高,但黐得多會光頭,我就有咁低黐咁低。跟住前輩走埋嚟:『你過嚟,你係主角,依家妝又唔化,頭套又黐到馬騮咁…你改吓啦!』我咪坐埋一邊諗囉,係有啲道理。但我之前有爭取過:『點解古裝一定要戴頭套?點解唔可以用自己嘅頭髮呢?』啲人就當你耳邊風。後生係提出過,點解廠景係廠景?唔係外景?我做兒童節目嘅時候,試過去臨記室睇劇本,因為夠靜,但都被人鬧: 『去臨記室不如做臨記』我就諗,回解睇劇本就做臨記呢?點解會咁呢?我唔係好鍾意呢啲嘢,所以我一定唔會學佢哋。」
鄭伊健蒙嘉慧相愛14年何解搞生意?
如今鄭伊健與老婆蒙嘉慧正經歷異地戀,每天都會視像通話。他指蒙嘉慧已在當地置業,更於今年投資七位數學做日本房地產生意,幫當地讀書的學生買或租樓。他解決兩夫婦一直很喜歡日本,很多年前一齊學日文,但因為他很多工作在身,所以學了兩堂就沒有繼續學,相反蒙嘉慧仲有學,近年在機緣巧合下做了老闆娘:「當時申請過去,最容易係學日文,又成功咗,因為佢(蒙嘉慧)本身喺香港都有讀,所以我去拍嘢,佢話去讀書,我話好。之後佢遇到佢啲Partner,繼續試吓做地產。」雖然二人相隔兩地,但他指蒙嘉慧有時會飛回港,他亦會飛去日本,繼續學日文,所以問題不大。但他強調蒙嘉慧沒有離開娛樂圈,有合適劇本就會做。
鄭伊健曾歷三段戀情 如何被蒙嘉慧收服?
鄭伊健就是一個長不大的大男孩,他經歷了三段戀情,第一段是於1992年,鄭伊健初入TVB時。當時他戀上當家花旦邵美琪,兩人有過一段甜蜜日子,但是邵美琪事業如日中天,而鄭伊健還是一個新人,女尊男卑的關係和傳媒的輿論讓伊面承受巨大的壓力。之後邵美琪換上肝病,曾經許下承諾會照顧她一生的伊健最後還是兌現不了自己的承諾,最後感情無疾而終。
第二段戀情就是梁詠琪,但這也是兩人分手的導火線。兩人拍舞台劇拍出真感情,梁詠琪習慣為鄭伊健安排好大小事情,但是大男孩需要有自己的空間,有傳是梁詠琪逼得太緊,也有傳是和鄭伊健不想有小朋友有關,最後兩人還是過不了七年的魔咒。
蒙嘉慧(Yoyo)和鄭伊健是在2006年的一次羽毛球聚會時認識,在兩人的朋友無心的安排下,兩人就打出了火花。貪玩的鄭伊健和蒙嘉慧簡直就是一拍即合,志趣相投,甚至鄭伊健說過Yoyo比他更貪玩兩倍!
延伸閱讀:蒙嘉慧48歲曬素顏 擁悲慘童年對婚姻無寄望 被伊健暖男事動心 1招收服大男孩
![鄭伊健 (圖片來源:Weibo@蒙嘉yo)](https://imgs.sundaymore.com/wp-content/uploads/2019/01/nhv4dxh3MJN7gxp/7f1c0582jw1evpjbresu7j20go0m841d_14404475945c2dc4a464440.jpg)
兩人經常被記者拍到都是一起跑步、潛水、騎單車、打羽毛球、滑雪等,鄭伊健平時也很喜歡打遊戲機,一玩就是一整天,而且大男孩的鄭伊健不喜歡受束縛,童心未泯,但是獨立的蒙嘉慧卻溫柔包容了他的一切。鄭伊健曾經說過,喜歡蒙嘉慧不化妝的樣子,粗粗的眉毛,不加修飾的乾淨臉龐,自然又耐看,比較符合他的審美觀。而且蒙嘉慧性格直率不做作,鄭伊健表示在蒙嘉慧面前他可以卸下所有防備,安心做自己,感到很自在舒服。
![鄭伊健 (圖片來源:Weibo@鄭伊健)](https://imgs.sundaymore.com/wp-content/uploads/2019/01/nhv4dxh3MJN7gxp/66f3cd2dgy1fl54lqisp1j20zk0k0gtu_12574748595c2dc4a158b93-800x450.jpg)
前兩段都是七年時分手,唯獨蒙嘉慧把這個大男孩成功收服,鄭伊健在和蒙嘉慧拍拖的第七個年頭,終於許下一生的承諾,在演唱會上承諾迎娶相戀七年的蒙嘉慧,蒙嘉慧的婚姻之道也非常清晰,她表示:「我的責任就是要令伴侶開心」,兩人終於修成正果,相戀到現在!他們在生小孩方面也和鄭伊健達成了共識,蒙嘉慧表示自己也忍受不了10個月的懷孕期,就像坐牢一樣,而且她認為鄭伊健的性格太寬容,怕他縱容小孩子,到時候教育小朋友很難達成共識,而且奶奶也沒有給過她生小孩的壓力。所以兩人都不心急要小朋友。
![鄭伊健 (圖片來源:Weibo@鄭伊健)](https://imgs.orientalsunday.hk/wp-content/uploads/2019/01/nhv4dxh3MJN7gxp/66f3cd2dgy1fqrcnqjq2aj20v90v9e4v_13977276405c2f37f7eebd5.jpg)
19年,鄭伊健在演唱會上唱出了多首經典名曲,包括《極速傳說》、《友情歲月》、《甘心替代你》(陳浩南和細細粒的主題曲)等,同時又大唱情歌《一生愛你一個》、《感激我遇見》,更罕有地在公開場合大放閃光彃,向蒙嘉慧示愛:「要感激我太太。」一直因身體不適少有露面的蒙嘉慧,跟鄭伊健的爸爸媽媽坐在嘉賓席,蒙嘉慧全晚笑意盈盈,眼光完全放在台上的鄭伊健。
![鄭伊健 (左起)鄭伊健爸爸、鄭伊健媽媽、蒙嘉慧(圖片來源:Sunday Kiss照片庫;東星)](https://imgs.sundaykiss.com/wp-content/uploads/2019/02/nhv4dxh3MJN7gxp/_20190225_102_4091602115c73aa08d1974.jpg)