鄭欣宜演唱會2022｜第二場神秘嘉賓台上跪地送戒指秋官現場見證讚好！

Q: 鄭欣宜演唱會有什麼特別驚喜？

鄭欣宜演唱會在紅館開鑼，Anson Lo將自己當做禮物送給Joyce，壓軸encore有ERROR現身... 詳情請看

Q: Gareth.T如何鄭少秋面前單膝跪欣宜？

欣宜表示湯令山Gareth.T感覺像他的弟弟，表示... 詳情請看

Jun 13 2022

鄭欣宜（Joyce）一連三場《Between Us 鄭欣宜演唱會2022》昨晚（6月10日）在紅館開鑼，一眾圈中好友：廖碧兒、GinLee、ANSONBEAN、折骨BEN、蔡穎恩（Evelyn）等人均有撐場。嘉賓方面有Anson Lo將自己當做禮物送給Joyce，壓軸encore有ERROR現身合唱《愛回家》主題曲；星期六晚第二場更有「大驚喜」——75歲的秋官鄭少秋在觀眾席上現身，仲見證神秘嘉賓向欣宜單膝跪地送上戒指！

鄭欣宜演唱會2022 ansonlo 鄭欣宜演唱會2022 鄭欣宜Joyce紅館個唱昨晚6月10日）開鑼，一眾圈中好友現身撐場。 — 鄭欣宜Joyce紅館個唱昨晚（6月10日）開鑼，一眾圈中好友現身撐場。（圖片來源：大會提供相片）

欣宜一開騷唱完《女神》就想喊

欣宜以一襲橙色巨型紗裙登場，見她狀態大勇，亦見修身有成績。清唱一曲《女神》揭開序幕大曬唱功，見台下觀眾驚喜尖叫，Joyce一度感動哽咽，說：「我唔想喊住，畀我講啲好重要嘅嘢先。非常之多謝，每一位買飛入嚟支持我嘅人。」她又憶起四前年首次開紅館，覺得今次感覺似係第一次開紅館，感激fans畀耐性支持。她又說：「無論個世界變得幾壞都好，只要有『我地』Everything will be OK，因為Love is always inside。」然後以新歌《我地》以及《救命歌》的歌詞鼓勵觀眾。

鄭欣宜演唱會2022 ansonlo 鄭欣宜演唱會2022 欣宜開紅館，一開始唱完《女神》就感動到想喊。 — 欣宜開紅館，一開始唱完《女神》就感動到想喊。（圖片來源：大會提供相片）

首場Anson Lo做嘉賓：「我就係禮物」冧死「中女鏡粉」欣宜

連場勁歌熱舞後，到大家最期待的嘉賓環節，欣宜鍾意Anson Lo＠MIRROR人所共知，今次開騷當然要自肥，邀請教主Anson Lo做嘉賓。二人合唱《不可愛教主》時，Anson Lo搭住欣宜膊頭，欣宜即刻怕醜甜笑：「夢想真係可以成真㗎！」再公開表白：「真係好鍾意佢！」Anson Lo又體貼用紙巾為她抹汗，大讚欣宜對音樂、事業的認真，如今夢想成真，「作為後輩」戥佢開心。欣宜大為感動，但聽到「後輩」一詞笑說：「我唔係大你好多啫！點解你冇帶禮物送畀我嘅？」Anson Lo深情說：「我個人咪就係禮物！」欣宜大叫：「喂呀，我輸啦！」然後Anson Lo跳唱新歌《KING KONG》。

鄭欣宜演唱會2022 ansonlo 鄭欣宜演唱會2022 Anson Lo一出場就幫欣宜抹汗，冧到佢暈晒浪。 — Anson Lo一出場就幫欣宜抹汗，冧到佢暈晒浪。（圖片來源：大會提供相片）

鄭欣宜演唱會2022 ansonlo 鄭欣宜演唱會2022 Anson Lo仲話：「我咪就係禮物囉！」Sweet到令欣宜認輸。 — Anson Lo仲話：「我咪就係禮物囉！」Sweet到令欣宜認輸。（圖片來源：大會提供相片）

ERROR壓軸出場唱《愛回家》自封「MakerVille地底泥」

ERROR出場做壓軸encore嘉賓，與欣宜合唱TVB劇集《愛回家》主題曲《擁抱愛》，欣宜問點佢哋點解一定要唱呢首歌，肥仔發功說：「因為首歌好聽又入屋，好似我哋咁，啱唔啱呀？」台下笑聲四起。阿Dee抵死說：「我哋唱得唔好嘅話係故意嘅！唱得好係意外嚟，我哋作為MakerVille地底泥都明嘅！不過又鍾意唱嗰下抵死嘛！」然後ERROR送印有各成員肖像的T恤給Joyce，更命名「春夏秋冬系列」。代表春天阿Dee笑說：「春天令人諗到潮濕，你著我呢件tee就好潮，然後好濕。」全場爆笑，Joyce作狀打他。他即解釋：「我意思係熱到出汗，濕晒！」此話一出其他成員即刻阻止，怕收紅館投訴信。最後後ERROR唱出《愛情值日生》，邊唱邊向觀眾派心，演唱會在兩度Encore下圓滿結束。