鄭秀文「醜小鴨」造型惹爭議 疑似楊千嬅粉絲帶頭抹黑 谷德昭出聲平反
鄭秀文演唱會「醜小鴨造型」惹爭議
鄭秀文今次演唱會六個階段換衫轉造型,服飾由中方玩到西方,古代去到未來、仲加插科技元素,非常有心思。不過就有網民指鄭秀文身材平平無奇、似足男人,更指終於明白為何許志安要出軌:「冇胸!係咪男人黎」「我都唔明市場上點解會怪安心出行」「好心佢下次唔好再咁着啦」「佢stylist 炒得。好醜啲衫」「其實個人好地地 點解成日服裝設計都咁玩佢」等。
![鄭秀文 演唱會 鄭秀文今次造型創新,網民對今次服裝造型反應兩極!(圖片來源:大會提供)](https://imgs.weekendhk.com/wp-content/uploads/2024/07/photo_6100293315418242686_x_15238969696694c1e7484d4.jpg)
有片還原真相:造型變化有心思!
其實Sammi玩完aerobics,即變成朵大紅花唱《一夜成名》,真係有種醜小鴨變天鵝嘅變化過程,勁有意思,呢個名為花枝招展造型同樣出自Tomas Chan。
![鄭秀文 演唱會 其實醜小鴨的造型只是前奏,接下來的蛻變才精彩!(圖片來源:網上圖片)](https://imgs.sundaykiss.com/wp-content/uploads/2024/07/photo_2024-07-15_23-58-34_13179435166954749bfad5-1024x860.jpg)
疑似楊千嬅粉絲帶頭狂踩Mi粉型爆反擊
其中一位網民特意上傳Sammi今次演唱會中的緊身運動服造型,其他人亦附和指「D衫好核突」。有網民發現原來該名網民其實係楊千嬅粉絲,每次都會留言踩其他女藝人,搞到Sammi粉絲們都唔忍,直接發長文型爆反擊:
嬋粉專post成晚最難睇嘅衫
有睇就知呢度個主題係醜小鴨變天鵝
Sammi 成晚十幾個造型密密唱跳 好有誠意
點似得你個阿嬋幾套衫著足兩年開巡迴
更加唔使講幾乎每一場都要喊 唱到喊
我琴晚睇Sammi佢都有喊
但係係講嘢講到喊
話自己老了 接受自己啲皺紋飛出嚟
呢啲先叫人話同埋合乎情理嘅情感宣洩
你個嬋就夾硬培養情緒入戲瞓喺度喊
跳舞又跳到喪屍咁
嬋粉仲好意思入嚟post嘢
又唔見mi fans喺連登踩你哋場
好心做人唔好咁嘔心
谷德昭發文為Sammi平反
除了有Mi粉為Sammi反擊之外,連谷德昭都有在社交平台發長文撐Sammi:
「鄭秀文 You & Mi 世界巡迴演唱會-香港站」是不講道理地不計成本的。
好靚嘅衫、好靚嘅舞台設計、道具,只係用一、兩首歌就轉,不停有新體驗,好抵睇。
Ah Mi當然全程投入俾足120%,我哋愛Ah Mi,Ah Mi大大力愛番我哋。
舞台上嗰啲衫,Ah Mi勝在擔得起,除咗要有好體魄,仲要現實中本身Keep住型,才會著乜嘢都唔會「娘」,更重要嘅係堅持一份態度,一份「在狀態」的態度,用態度著衫,所以型,所以靚。
成日都話要說好香港故事,Ah Mi就正正說好香港故事,做好所有嘢,所有嘢都高要求,然後高度達標。
你愛我,我就俾到你足…有突。
香港很驕傲有鄭秀文。
12款百變舞台服裝造型盤點!20萬粒水晶「女王戰衣」
鄭秀文(Sammi)於香港紅館舉行的《You & Mi 鄭秀文世界巡迴演唱會香港站》昨晚正式開始。除咗聽歌之外,鄭秀文演唱會造型每次都會令觀眾留下深刻的印象,今次演唱會都唔例外,一文睇晒Sammi 12個演唱會造型!
鄭秀文演唱會造型1.「異形Ai Mi」巨型機械甲霸氣登場
Sammi 騎著巨型機械甲以一曲《朝聖》出場,由Windowsen品牌設計,化身「異形Ai Mi」從台側霸氣登場!Sammi 接著機械甲移動到台中,唱出《發熱發亮》並發放煙火。她在舞蹈員協助下脫去盔甲,換上金黑色女皇服飾,「等了360天的演唱會,多謝大家沒有退票,保證是值得等待,必會雙倍奉還」,她笑言「不是時間雙倍奉還」。接著她獻上《我們的主題曲》,全場歌迷都自動自覺大合唱,氣氛high到爆!
– 鄭秀文演唱會 2024 歌單 Part 1 序曲- |
《朝聖》 |
《發熱發亮》 |
(開場白) |
《我們的主題曲》 |
鄭秀文演唱會造型2. 20萬粒水晶女王造型 霸氣「蜂后」
Sammi的首場演出極為順利,開場時她身穿由Windowsen品牌設計師Sensen Lii李森森精心設計的服裝,該服裝採用了來自奧地利的Swarovski水晶裝飾,花近一個月的設計時間和三個月的手工鑲嵌時間,總共使用了約20萬顆水晶。此外,Sammi還佩戴了Swarovski首飾,整體造型層次分明,視覺與聽覺的享受完美結合。
呢套造型不少網民都很深刻,指簡直係霸氣外洩,更形容Sammi似蜂后、教皇「蜂后?」「好似好高魔法攻擊力」「教皇look」「特撮片既女boss」「幾有型」
![鄭秀文 演唱會 完成序曲後換上這套女皇裝,唱出《我們的主題曲》/《如果我們不再見》+Extend Outro(圖片來源:大會提供)](https://imgs.sundaykiss.com/wp-content/uploads/2024/07/screenshot-2024-07-14-at-12.58.51pm_91830625266935b5336e67-1024x825.jpg)
鄭秀文演唱會造型3. 不羈暗黑《禁果花》
Sammi演唱會part 2《禁果花》造型簡直係「華麗轉身」,脫下閃鑽換上一頭不羈髮型,肩上巨型裝飾非常搶眼。不過呢個暗黑造型,網民太似MJ 加紙紮混合體。
– 鄭秀文演唱會 2024 歌單 Part 2 – |
《禁果花》 |
《同年同月同日生》 |
《心魔》+Extend Outro |
鄭秀文演唱會造型5. 日本和服x道士裝加巨型冬菇頭裝置
鄭秀文演唱會part3,大變身「日本和服x道士裝」是Tanglai Joseph Tai,頭上「巨型冬菇頭裝置」出自Monica Ivena。
– 鄭秀文演唱會 2024 歌單 Part 3 – |
《Bang Bang Bang》 |
《小心女人》 |
《一夜成名》 |
鄭秀文演唱會造型6. 吳君如瑜珈look!《小心女人》
做開運動的鄭秀文都有運動look,仲要係港女瑜珈褲,同樣出自Tomas Chan!不過Sammi點會咁簡單,色彩繽紛似足吳君如電影《闔家辣》造型aerobics!
![鄭秀文 演唱會 做開運動的鄭秀文都有運動look(圖片來源:大會提供)](https://imgs.nmplus.hk/wp-content/uploads/2024/07/img_1921_116415589866925c9d4fff4-1024x682.jpg)
鄭秀文演唱會造型7. 花枝招展造型《一夜成名》
Sammi玩完aerobics,即變成朵大紅花唱《一夜成名》,呢個名為花枝招展造型同樣出自Tomas Chan。
![鄭秀文 演唱會 Sammi玩完aerobics,即變成朵大花(圖片來源:大會提供)](https://imgs.nmplus.hk/wp-content/uploads/2024/07/photo_6093866605529382632_y_10545687206692cc4c41a67-819x1024.jpg)
鄭秀文演唱會造型8. 紅色小飛鳥 Lu Chen Haute Couture
Sammi著上來自Lu Chen Haute Couture的紅色小飛鳥,與首場嘉賓Serrini 唱出《月色魔美》。
– 鄭秀文演唱會 2024 歌單 Part 4 – |
《哭泣遊戲》 |
《上一次流淚》 |
《如何掉眼淚》 |
嘉賓出場、嘉賓合唱 (首場嘉賓Serini 、第二場林家謙) |
鄭秀文演唱會造型9. 紅鑽血管衫!
Sammi紅鑽血管衫以及紅色毛毛大衣來自Windowsen,造型非常大膽,真係小啲眼力都睇錯!
– 鄭秀文演唱會 2024 歌單 Part 5 – |
《愛是》 |
《愛是2.0》(feat. 好青年荼毒室+ Matt Force) |
《罪與罰》(feat.24味+ JB + 好青年荼毒室+ Matt Force) |
《加爾各答的天使德蘭修女》 |
《Creo En Mi – 短版》 |
《致我們的夢想》 |
《信者得愛 w/ Rapper》 |
鄭秀文演唱會造型10. 白讚黑皮革運動裝撞款Anson Lo
Sammi還有性感look-白讚黑皮革運動裝來自 Windowsen。呢套裝束最具爭議性,事關不少網民指撞款Anson Lo未出道時的舞蹈表演的衣著。
![鄭秀文 演唱會 白讚黑皮革運動裝,網民指撞款Anson Lo(圖片來源:大會提供)](https://imgs.nmplus.hk/wp-content/uploads/2024/07/photo_6093866605529382635_y_16897468146692cc57b7186-818x1024.jpg)
鄭秀文演唱會造型11. 白色小天使
第11個造型是名為「白色小天使」,來自Lu Chen Haute Couture。雖然是「小天使」,但sammi仍穿得非常有霸氣。
– 鄭秀文演唱會 2024 歌單 Part 6 – |
電影medley: |
《不拖不欠》(百分百感 覺 1996) |
《最後一次》(愛你愛到殺死你1997) |
《為何又是這樣錯》(行運一條龍1998) |
《 感情線上》(孤男寡女2000) |
《終生美麗》瘦身男女2001 |
《玻璃鞋》嫁個有錢人2002 |
《回來我身邊》我左眼見到鬼2003 |
《如果你有事》龍鳳鬥2003 |
《長恨歌》長恨歌 2005 |
《do re mi》高海救之戀 2012 |
《我這樣活了一天》流水落花 2023 |
《萬物有時》 |
《世紀末煙花》featuring 許志安 |
《交換溫柔》 |
鄭秀文演唱會造型12. Encore造型
綠色上衣加迷你短褲, Charles & Keiths 訂製毛毛粉紅boots,另外有 Swarovski 耳環 + 頸鏈
– 鄭秀文演唱會 2024 歌單 Part 7 – |
《盲盒》 |
(每晚選一首經典金曲Encore)《放不低/捨不得你/醫生與我/娃娃看天下》 《唯獨你是不可取替/心血來潮/不要驚動爱情》 《不捨也為愛/千年如一日/記認/加果我們不再見》 |
《我們都是這樣長大的》 |
最近有什麼演唱會公開發售?
2023-2024年有不少巨星宣布開演唱會,Sundaykiss為你整合各歌手演唱會優先購票、公開發售日期及座位表等門票資訊!即看:2023香港演唱會時間表附座位表及2024香港演唱會時間表。另外,亦為你整合澳門演唱會時間表
搶飛事前準備?如何加快網速,增加成功搶飛率?
要在各大平台成功搶購門票,建議您在電腦上同時安裝多款不同的網頁瀏覽器,例如Google Chrome、Firefox、IE、Safari等。您可以同時啟用…詳情請看