鄭欣宜演唱會｜Do姐做嘉賓被問TVB同ViuTV二選一 神回答獲網民大讚急才勁！
廣告
歌手鄭欣宜昨晚（16日）在紅館舉行一連三場的演唱會，頭場更邀請到鄭裕玲（Do姐）擔任特別嘉賓。雖然Do姐並沒有獻唱，但就同欣宜玩「大問答」互揭秘密。期間，欣宜更大膽要求Do姐於TVB同ViuTV中二選一，Do姐的神回答獲網民大讚急才夠勁，不過這片段就沒有在無綫報導中曝光，《東張西望》甚至完全無提首場嘉賓⋯⋯
Do姐感性大讚欣宜叻女：肥姐大肚嘅時候，我已經知道你嘅存在
此外，Do姐一登場好感性咁話欣宜在肥姐沈殿霞的肚裡面已經認識欣宜，一路睇住對方長大，一直都覺欣宜好叻女：「憑良心講，欣宜無嘢唔好，睇佢長大，佢好尊重自己嘅體態，佢做返自己，我好開心。佢對於鍾意嘅事，即係唱歌演出，會付出100% ，叻女到喺紅館開演唱會我引以為傲。」
Do姐做欣宜演唱會特別嘉賓 被要求於TVB同ViuTV中二選一
鄭欣宜今次一連三場的紅館演唱會，邀請到鄭裕玲（Do姐）擔任特別嘉賓，兩人在台上玩「大問答」互揭秘密。欣宜一嚟就問Do姐揀電視台定電台，Do姐表示兩樣都要。欣宜就再追問邊樣賺錢更多？Do姐就回覆道：「依家本人做嘢係為興趣，最緊要我開心！」當欣宜再追問「TVB定ViuTV？」時，轉數快嘅Do姐就話：
「梗係『開電視』啦！我就嚟要拍旅遊節目！」
答案即刻贏得全場掌聲！
被問救Jackson定姜濤 Do姐：最近多咗個任時完
講完工作，兩人就開始講感情問題。欣宜問Do姐：「如果得個一水泡，你救Jackson Wang定姜B？」Do姐就話：「最近多咗個任時完，不過佢哋識游水，唔使我擔心。」當被欣宜問到點解IG唔Follow自己時，Do姐就簡單以「時機未成熟」而帶過問題，場面非常搞笑！
《東張西望》避談Do姐
《東張西望》亦有報導鄭欣宜相隔9個月後再度舉行的演唱會，全場氣氛熾熱，片段提及欣宜亦唱出多首hit歌，炒熱全場，但就無提及Do姐現身：
在無綫《東張西望》 1分50秒的報導入面，無提到首場嘉賓。
《娛樂新聞台》大方介紹DO姐妙論工作
不過在無綫娛樂新聞台，就有提及Do姐現身，仲有大篇幅介紹：
不過都係無HoyTV一段⋯⋯
