Do姐鄭裕玲公布5大「旅遊男神」旅遊節目籌備半年準備出發！

娛樂

Kiss

Apr 16 2023

鄭裕玲（Do姐）效力無綫44年，貴為「鎮台之寶」的她早前突然宣佈離巢，寵愛「靚仔」和「鏡仔」的她一直被指最大機會轉投ViuTV的懷抱。而最新消息落實，鄭裕玲離巢後的頭炮，將會出埠拍攝旅遊節目，仲會全程自己喺IG公開行程！

Do姐揭曉「旅遊男神」名單旅遊行程即將出發

籌備多時終於有得飛，今日Do姐在IG公布旅遊節目的5大男神，包括：洪嘉豪、林家謙、細貓應智越、Jeffrey魏浚笙、TysonYoshi ，幾位全部都曾在Do姐商台節目「口水多過浪花」接受過訪問，至於目的地Do姐就繼續大賣關子！

鄭裕玲 hoytv Do姐表示旅遊地點未能公布，有新消息會喺IG同大家分享。 — Do姐表示旅遊地點未能公布，有新消息會喺IG同大家分享。（圖片來源：do_do_cheng@IG）

5大旅遊男神平均年齡唔夠30歲

有別於過往與農夫、TVB藝人出發，今次「旅遊男神」全部都係樂壇新星，平均年齡唔過30 歲（洪嘉豪31歲、林家謙 31歲、細貓應智越29歲、TysonYoshi 28歲以及最年輕Jeffrey魏浚笙24歲）。

鄭裕玲 hoytv 去年10月Do姐訪問過細貓。 — 去年10月Do姐訪問過細貓。（圖片來源：口水多過浪花）

鄭裕玲 hoytv 有靚仔又多口嘅魏浚笙入選，並不意外！ — 有靚仔又多口嘅魏浚笙入選，並不意外！（圖片來源：口水多過浪花）

鄭裕玲 hoytv 洪嘉豪上次受訪獲讚「靚仔咗好多」！ — 洪嘉豪上次受訪獲讚「靚仔咗好多」！（圖片來源：口水多過浪花）

鄭裕玲 hoytv 同樣去年上過Do姐節目，十分啱傾嘅仲有Tyson Yoshi。 — 同樣去年上過Do姐節目，十分啱傾嘅仲有Tyson Yoshi。（圖片來源：口水多過浪花）

鄭裕玲 hoytv 林家謙同Do姐一樣係要求高⋯⋯冇錯冇錯！大家處女座。 — 林家謙同Do姐一樣係要求高⋯⋯冇錯冇錯！大家處女座。（圖片來源：口水多過浪花）

余德丞兩個原因落選

至於無合約在身的余德丞，懷疑因為同為「口水多過浪花」主持，加上最近拍YouTube旅遊節目搞出公關災難，今次就未能入選。

頭炮唔係 ViuTV鏡仔落空

鄭裕玲 HOYTV Do姐一向出名錫「鏡仔」。 — 鄭裕玲一向出名錫「鏡仔」。（圖片來源：IG@do_do_cheng）

其IG更有不少與各大靚仔藝人包括MIRROR成員、Jeffrey、MC張天賦等的合照，而與MIRROR和ERROR關係友好的鄭裕玲，一直傳出最大機會將會轉投ViuTV的懷抱，不少網民都揚言期待鄭裕玲與ERROR合作《Do姐ERROR遊》形式的旅遊節目。

HOY TV宣佈Do姐年初出發拍旅遊節目

然而今日（7日）HOY TV（前名：開電視）突然在社交網站宣佈，鄭裕玲即將加盟其電視台拍攝旅遊節目，並預計於明年初農曆新年後出發。據知跟無綫前高層余詠珊主理的「好好製作」公司到外地拍攝旅遊節目，將會有15集的內容。節目還會有期他藝人同行，不過鄭裕玲及HOY TV保持神秘，暫時未有公佈其他參與拍攝的藝人名單。

鄭裕玲 HOYTV 邊估到Do姐唔係去ViuTV。 — 邊估到Do姐唔係去ViuTV。（圖片來源：HOY TV Facebook）

鄭裕玲 HOYTV 冇得睇佢哋合作。 — 冇得睇佢哋合作。（圖片來源：IG@ do_do_cheng）

全城競猜！Do姐出埠新拍檔

有網民留言猜測與鄭裕玲出埠的藝人會是誰，有網民希望是鄭裕玲的舊拍檔農夫，亦有人大膽數出鄭裕玲舊愛呂方，當然這些人物應該是不可能。然而如果HOY TV不向外尋找外援，單靠駐台男藝人的話，暫時就只得「台柱」李尚正、嚴崇天以及選秀節目《就是青春》參賽者作選擇，這些藝人也未與鄭裕玲合作過，加上知名度不算高，很大機會會令觀眾失去這看的動力，看來HOT TV要出奇招才有辦法增加收視。

鄭裕玲 HOYTV 鄭裕玲 Do姐「Do姐」今次真係Don’t Do姐喇！ — 「Do姐」今次真係Don’t Do姐喇！ (圖片來源:IG@do_do_cheng）

鄭裕玲 HOYTV HOY TV一哥李尚正。 — HOY TV一哥李尚正。（圖片來源：IG@leeching_jiro）

鄭裕玲 HOYTV HOY TV男藝人嚴崇天。 — HOY TV男藝人嚴崇天。（圖片來源：IG@douglasyim）

鄭裕玲 HOYTV HOY TV選秀節目《就是青春》。 — HOY TV選秀節目《就是青春》。（圖片來源：[email protected]）

鄭裕玲與農夫曾係黃金拍檔

鄭裕玲與農夫合作旅遊及綜藝超過十年，曾經帶挈二人賺唔少廣告錢，不過近年廣告商已轉搵ERROR及姜濤拍Do姐，陸永及農夫在無綫亦撈得風山水起，鮮有合作。

鄭裕玲 HOYTV 呢個組合已經好難再見到再合作。 — 呢個組合已經好難再見到再合作。（圖片來源：網絡圖片）

鄭裕玲Do姐44年後回復自由身

鄭裕玲(Do姐)絕對是無綫台柱，上月剛滿65歲的她，早前在電台節目親口承認結束與無綫44年賓主關係，拒續約離巢。近年Do姐鍾情和年輕一輩藝人合作，更一改電視台除自己台外不許與友台人合作的「潛規則」，Do姐主持的電台節目頻頻邀請ViuTV藝人受訪，明顯不想再有合約枷鎖：「自由身可以試唔同嘢，乜嘢都可以傾！」