聲夢鍾柔美被質疑睇Anson Lo演唱會開直播大方承認獲大讚「回應得體」

Aug 19 2023

MIRROR成員Anson Lo上月底在亞博舉行首個個人演唱會，多位藝人朋友都有到場支持，就連近年深受TVB力捧的「聲夢小花」鍾柔美（Yumi）都被網民踢爆有入場睇演唱會，這消息在討論區中頗有爭議，直至近日有關IG直播影片再被翻出，片中 Yumi 大方承認有入場，仲大讚演唱會「好正」，懶理Hater 對教主萬般奚落，結果獲網民大讚Yumi回應夠曬得體！

聲夢鍾柔美大方承認有去Anson Lo演唱會：Why Not？！

早前推出新歌的Yumi在IG開Live同粉絲們傾計加宣傳，臨到直播尾聲就有網民問到Yumi「有冇去睇教主」，Yumi直認有到「教主」睇第三場演唱會，仲大讚演唱會「好正」：

「有！雖然冇同大家講，但係我覺得無論點都好，喺呢一行入面，我覺得係值得去向對方學習。我前日（7月25日）睇咗，同埋嘉賓都非常Surprise，Dear Jane唱咗《到底發生了什麼事》，我覺得好正！我覺得係值得去欣賞一啲唔同嘅演唱會，去學一啲唔同嘅嘢，無論點都好，大家都係娛樂圈入面嘅，我覺得應該向對方學習。所以，Yeah， Why Not?!正嘅！我都希望可以有一個屬於自己嘅舞台啦。」

鍾柔美 anson 鍾柔美 Yumi大方回應有去睇Anson Lo演唱會。 — Yumi大方回應有去睇Anson Lo演唱會。（圖片來源：IG@yumichung1221）

鍾柔美 Anson Lo在7月底舉辦了一連四場的演唱會。 — Anson Lo在7月底舉辦了一連四場的演唱會。（圖片來源：東方新地）

鍾柔美 anson 鍾柔美其中Yumi有去睇嗰唱就係由Dear Jane擔任嘉賓。 — 其中Yumi有去睇嗰唱就係由Dear Jane擔任嘉賓。（圖片來源：東方新地）

網民大讚Yumi回應夠得體

網民都表示很驚訝身為TVB力捧「聲夢小花」之一的Yumi，竟然會大方承認有到場支持對家ViuTV藝人，同時認為Yumi就事件回應得非常大方得體：「佢答得幾好，態度幾正確」、「其實有咩問題」等。不過亦有網民擔心Yumi會因此被TVB雪藏：「係正常地方嘅娛樂圈生態就其實冇問題嘅，但係以TVB呢個內循環生態就差唔多係死罪」、「會唔會畀人雪」、「之前都有個3-4線愛回家二打六睇完姜濤嗰Show，Yumi會唔會都畀人雪」等。

鍾柔美 anson 鍾柔美網民都大讚Yumi回應夠得體。 — 網民都大讚Yumi回應夠得體。（圖片來源：IG@yumichung1221）

Yumi親口承認有去睇AL演唱會：

《愛回家》李芷晴睇姜濤演唱會合照無留底否認極速刪Po

其實除了Anson Lo的個唱，姜濤亦在8月初舉行了個人演唱會，吸引唔少前輩到場支持，包括Do姐鄭裕玲、毛舜筠等。最令人估唔到嘅係TVB御用綠葉馬海倫孖住李芷晴同鍾晴呢兩位小花一起入場睇演唱會。有網民發現李芷晴曾在IG限時動態中有發佈有去看姜濤演唱會的動態，但很快就刪Po。在當日晚上時份，李芷晴再發出一個IG限時動態，強調沒有畀TVB照肺，「其實公司冇照肺 Story24小時就冇左（咗）係好正常大家唔使擔心」。