鍾柔美踩上韓國知名舞室大騷舞功實力超強獲fans激讚：可以去做練習生

May 20 2024

17歲的「聲夢小花」鍾柔美（Yumi）為應屆DSE考生，而終於考晒試嘅鍾柔美就即刻旅行放鬆吓。昨日（20日），鍾柔美就在社交平台透露自己終於夢想成真去韓國知名舞室學舞。鍾柔美除咗開心po靚相外，仲大方分享埋自己跳舞時的影片，瞬間引起大批網民激讚！

鍾柔美韓國舞室大騷實力舞功

鍾柔美在社交平台分享自己去咗韓國知名舞室「1 million」學舞，更開心大曬與知名編舞師的合照！鍾柔美仲大方分享練舞時的影片，片中她正與一眾學生在舞室展示連舞成果，而Yumi的舞功可謂十分紮實，唔單止零甩step，仲跳得有板有眼，認真搶fo！

鍾柔美鍾柔美日前分享去韓國知名舞室學舞嘅影片。（圖片來源：IG@yumichung1221） — 鍾柔美日前分享去韓國知名舞室學舞嘅影片。（圖片來源：IG@yumichung1221）

鍾柔美鍾柔美在片中大騷實力舞姿！（圖片來源：IG@yumichung1221） — 鍾柔美在片中大騷實力舞姿！（圖片來源：IG@yumichung1221）

鍾柔美鍾柔美仲孖知名排舞師yoojung合照。（圖片來源：IG@yumichung1221） — 鍾柔美仲孖知名排舞師yoojung合照。（圖片來源：IG@yumichung1221）

網民激讚鍾柔美可以做練習生

鍾柔美實力嘅舞姿同埋出眾嘅靚樣，亦令唔少網民激讚可以做練習生：「Yumi可以去韓國做練習生」、「Yumi 太 outstanding，好似喺度教其他人跳舞咁樣！」、「跳得咁好仲以為係練習生」、「從來都唔需要懷疑Yumi既勤力，旅行都不忘去練習」、「都係勁舞風格啱Yumi」

鍾柔美鍾柔美開心打卡韓國知名舞室「1 million」。（圖片來源：IG@yumichung1221） — 鍾柔美開心打卡韓國知名舞室「1 million」。（圖片來源：IG@yumichung1221）

鍾柔美唔少網民都激讚鍾柔美可以去韓國做練習生！（圖片來源：IG@yumichung1221） — 唔少網民都激讚鍾柔美可以去韓國做練習生！（圖片來源：IG@yumichung1221）

鍾柔美告別中學生涯迎戰DSE 青春無敵曬靚相獲粉絲like爆

現年17歲「聲夢小花」鍾柔美（Yumi）青春無敵！作為今屆DSE考生嘅佢，仲有1個多月就要考試。Yumi在社交平台上分享了自己中學生涯的最後一天，照片中可見她的校服恤衫上滿滿的祝福語，展現出濃厚的青春氣息！

Yumi畢業感慨：好快就要踏入另一個旅程

Yumi上載了自己在學校操場的打卡照片，以及學校走廊、課室門牌的照片，並感慨地寫道：「轉眼間就6年啦，中學生涯完成，好快就要踏入另一個旅程」。粉絲們也在留言中為她加油打氣，「Fans 留言：贈你一句萬千感觸在心頭」「Yumi祝你考完DSE，考到心儀的大學」「有點不捨」「畢業快樂，DSE加油」「校服寫字真青春」「開展新旅程加油呀」

鍾柔美 Yumi寫道：「轉眼間就6年啦，中學生涯完成，好快就要踏入另一個旅程」。（圖片來源：IG@yumichung1221） — Yumi寫道：「轉眼間就6年啦，中學生涯完成，好快就要踏入另一個旅程」。（圖片來源：IG@yumichung1221）

鍾柔美（圖片來源：IG@yumichung1221） — （圖片來源：IG@yumichung1221）

鍾柔美之前參加學校運動會亦有留倩影。（圖片來源：IG@yumichung1221） — 之前參加學校運動會亦有留倩影。（圖片來源：IG@yumichung1221）

Yumi透露想升讀呢間大學

Yumi在中學期間主修商科，並曾透露她希望留在香港升讀大學，主修工商相關科目。她曾在中五時取得全班第一名的佳績，被媒體冠以「學霸」的稱號。

鍾柔美清純可愛一出道獲稱「翻版鍾嘉欣」

現年17歲鍾柔美（Yumi）童星出身，自2015年已經參演不同TVB劇集，包括《城寨英雄》、《平安谷之詭谷傳說》以及《親親我好媽》等等，與陳展鵬、陳凱琳與李佳芯都有合作過，細細個已經有好多演藝圈經歷。參賽後因樣子甜美向來有「小鍾嘉欣」之稱，她在《聲夢傳奇》中表現亦非常突出，比賽中以跳唱演繹郭富城歌曲《狂野之城》令人深刻，跳唱能力算在團隊中最強的成員。一出道當時依然有啲Baby Fat，但依然無損其魅力。

鍾柔美 Yumi剛出道都仲有少少Baby Fat。（圖片來源：TVB） — Yumi剛出道都仲有少少Baby Fat。（圖片來源：TVB）

鍾柔美但依然無損其完美五官。（圖片來源：TVB） — 但依然無損其完美五官。（圖片來源：TVB）

鍾柔美 Yumi一出道就獲成「小鍾嘉欣」，在2021年台慶「大小鍾嘉欣」更驚喜世紀同場！（圖片來源：TVB） — Yumi一出道就獲成「小鍾嘉欣」，在2021年台慶「大小鍾嘉欣」更驚喜世紀同場！（圖片來源：TVB）

總決賽造型搶眼高分落敗超可惜

Yumi在《聲夢傳奇》中表現非常突出，在總決賽渾身解數，選唱了郭富城《第四晚心情》，衛蘭、蘇永康等都讚她有進步、自信咗。雖然Yumi在總決賽取得17盞綠燈，但依然不敵炎明熹、Chantel，僅獲得第三名。

鍾柔美 Yumi在總決賽選唱了郭富城《第四晚心情》，又唱又跳，大騷修長美腿。（圖片來源：TVB） — Yumi在總決賽選唱了郭富城《第四晚心情》，又唱又跳，大騷修長美腿。（圖片來源：TVB）

鍾柔美最後宣佈總冠軍時，Yumi更換上銀白色長裙，特顯氣質。（圖片來源：TVB） — 最後宣佈總冠軍時，Yumi更換上銀白色長裙，特顯氣質。（圖片來源：TVB）

8歲已經入女團踩過界做埋TVB童星

事實上，Yumi未參加《聲夢傳奇》之前就已有豐富的女團表演經歷，她是家燕媽媽藝術中心的畢業生，於8歲的時候加入過薛家燕旗下女團Honey Bees，並隨隊走埠過馬來西亞、澳門、廣州等地登台表演，之後她10歲時又與6位女生組成過A Little Bit Shy，現時After Class已經是她加入的第三個女團，難怪有如此紮實的跳唱功力！除此之外，Yumi亦曾經在TVB做過童星，出演過劇集《城寨英雄》、《平安谷之詭谷傳說》以及《親親我好媽》等等，與陳展鵬、陳凱琳與李佳芯都有合作過，細細個已經有好多演藝圈經歷，前途無可限量。