陳冠希舊愛Cammi狂晒名牌包包鑽飾 晒身材被笑P圖
撰文：東方新地｜圖片：謝芷蕙Facebook、Cammi IG
26歲生日Cammi謝芷蕙曬長腿反被嘲
Cammi日前在自己IG發布了26歲生日的圖片，隨即引來網民討論，指圖片Cammi坐在椅子上，撩開裙襬現出長腿，但高跟鞋和地板位置卻現變形，明顯P圖太過。
陳冠希前女友謝芷蕙 富貴兼變樣
話說當年公屋出身的Cammi以16歲嘅年紀勇闖娛樂圈做嫩模，唔計佢個樣被指似足NelNel張學潤之外，仲有就係佢同陳冠希嘅戀情最爆！Cammi同陳冠希嘅數張親蜜照於網上曝光後，成功令佢成為大眾話題及認識。
Cammi當時接受傳媒專訪，表示把寶貴的第一次獻給對方，還拍下一段近2分鐘的短片！兩人於熱戀期間，情到濃時拍下不少啜啜相，但呢段情隨親密照曝光而被Edc極速斬纜。
Cammi其後又同王浩信傳緋聞，之後13年仲冧掂強國富二代阿杰，過住闊太生活，但戀情只係維持四年就玩完。
現年26歲嘅Cammi同當年16歲真係判若兩人，睇番佢啲近照個樣已經唔同晒！有網友睇到就留言話：「成個吹氣公仔咁」、「佢個樣變成咁，估唔到都有咁多人鍾意」等等，唔知大家點睇呢？
大個咗嘅Cammi依然都係咁瘦，但連身材就明顯升級，不時仲會派下福利圖！
依家嘅樣！
曬名車
佢仲喺個人社交網上載自己買入價值500萬人仔名車嘅單據，真係忽然富貴咗！不過Cammi冇幾耐就急急澄清指：「我開個玩笑，大家別太認真。」原來所謂嘅單據都係假嘅！
豪搭私人飛機
呢架車就話假啫！搭飛機冇得造假啩？Cammi 曾同好友胡淽喬(前名胡心諾)一齊搭私人飛機去美國玩，佢全程狂掃名牌包包，而出Trip嘅袋仲係一個都至少要十幾萬嘅Hermes袋，唔講以為佢嫁咗入豪門呀！
曬一卡巨鑽
有句話叫財來自有方，Cammi坐私人飛機可能對佢嚟講都係家常事，去年生日佢就奢侈品獎勵自己。曾陪媽媽去韓國旅行，連飲杯咖啡都要去Dior café，更有不少奢華手飾！
名牌包包
Cammi經常出入啲高級地方，好富貴咁，而喺佢IG最大嘅功能係曬包包！
呢張自拍照，重點唔係長腿，而係Chanel包包，仲有官網叫價9千嘅MiuMiu鞋！
當然唔少得曬手飾啦！
