陳嘉寶誕第三胎宣布封肚「長洲家嫂」爆老公從來無追仔

文：東方新地｜圖：IG@anjaylia

陳嘉寶指誕下三女一刻相當感動：「好感動呀，尤其係醫生將一出嚟嘅BB即刻擺喺我心口畀我抱咗好耐，之前兩個女都冇畀我抱咁耐。啱啱上一刻明明仲喺個肚入面，突然之間就出咗嚟擺喺心口上面，感覺好神奇。」

陳嘉寶誕第三胎宣布封肚 plt 陳嘉寶公布月初誕下第三名千金，母女平安，恭喜晒﹗ — 陳嘉寶公布月初誕下第三名千金，母女平安，恭喜晒﹗（圖片來源：IG@anjaylia）

陳嘉寶誕第三胎宣布封肚 plt 陳嘉寶首次公開全家福，不過大女二女容貌仍然保持神秘。 — 陳嘉寶首次公開全家福，不過大女二女容貌仍然保持神秘。（圖片來源：IG@anjaylia）

陳嘉寶為女改名跟足夫家傳統

陳嘉寶又指三女的英文名是她和老公黃頌祈經過深思熟慮改的，陳嘉寶指：「英文名『Azaliah』係喺聖經入面搵嘅，我知道實會畀人話我哋幫囡囡改嘅名都好難讀，哈哈！其實呢個係一個傳統，因為先生近五代都係基督徒，呢幾代都係會喺聖經裏面搵英文名，我哋都要跟番傳統，其實都搵咗幾個月，搞咗好耐，頭兩個女嘅名Hosanna同Eliana都係有意思嘅，Hosanna嘅意思係asking for God、Eliana嘅意思係God had answered，我想將呢個故事延續落去，Azaliah嘅意思係God has reserved，都有一系列有意思嘅，Azaliah同我個名讀音都好似，就當係送畀自己嘅禮物。而中文名就留返畀爺爺同嫲嫲改，中文名都係想向長輩致敬。」

陳嘉寶誕第三胎宣布封肚 plt 陳嘉寶同老公加三個女，由兩口子變成五口之家，好幸福﹗ — 陳嘉寶同老公加三個女，由兩口子變成五口之家，好幸福﹗（圖片來源：IG@anjaylia）

陳嘉寶誕第三胎宣布封肚 plt 陳嘉寶懷胎九個月零孕味聖誕卸貨晒巨肚孕照 — 陳嘉寶雖然模特兒出身，但甚少露腰拍照，首次影孕照以bra top上陣，陳嘉寶笑言首次在鏡頭前咁赤裸﹗（圖片來源：IG@anjaylia）

陳嘉寶願望成真生夠三個仔女不拘

陳嘉寶指兩名女兒做姐姐有不同反應，她指：「佢哋好鍾意BB。大女完全冇呷醋，自己會同我哋講話『我好鍾意Azaliah』；細女成日想摸佢，不過有少少呷醋，有陣時見我抱BB都會埋嚟叫我抱。」陳嘉寶指成為三女之母感覺好完美，同時宣布封肚，現在會好好坐月，亦不忘為有份參與的ViuTV新劇《IT狗》宣傳：「啱啱播緊《IT狗》，等我坐月嘅時候可以睇吓劇輕鬆吓，好開心呀！依家好好調理好身體就有動力做自己想做嘅事。對於BB嘅期望，最緊要係佢哋都健健康康、開心平安，我同先生意向一致，生仔生女都冇所謂，我已經完成一個壯舉，我同先生最大嘅目標係希望有三個小朋友、年紀近啲嘅，可以一齊成長係好開心嘅事，大女同二女一齊玩，大女會識得保護妹妹，二女學嘢都會學得好快，呢個策略成功！哈哈！」

陳嘉寶誕第三胎宣布封肚 plt 陳嘉寶透露自己好懶沒有安排baby shower，只相約了相熟朋友食飯，點知好友為她在席間玩「篤波波」公布BB性別﹗ — 陳嘉寶透露自己好懶沒有安排baby shower，只相約了相熟朋友食飯，點知好友為她在席間玩「篤波波」公布BB性別﹗（圖片來源：IG@anjaylia）

陳嘉寶誕第三胎宣布封肚 plt 陳嘉寶透露其實兩夫婦及在座朋友都已知道BB性別，但為了過癮仍安排這個環節，相當搞笑﹗ — 陳嘉寶透露其實兩夫婦及在座朋友都已知道BB性別，但為了過癮仍安排這個環節，相當搞笑﹗（圖片來源：IG@anjaylia）

陳嘉寶誕第三胎宣布封肚 plt 陳嘉寶話夫婦仔女都唔拘，又爆老公知道BB性別立即開一支靚紅酒與友分享﹗ — 陳嘉寶話兩公婆對仔女都唔拘，又爆老公知道BB性別立即開一支靚紅酒與友分享﹗（圖片來源：IG@anjaylia）

陳嘉寶爆老公享受被女圍

陳嘉寶現育有三名千金，笑言老公最享受被女圍，陳嘉寶話：「又多一個女圍住，佢好唔得閒嘞，我冇乜事就去出先，佢搞掂晒！諗番起老公一知道係女嘅時候，就開咗支靚酒，仲請朋友食飯慶祝，依家生完三個，理想達到嘞！」陳嘉寶與老公也保留傳統，每個孩子總會訂製一張被子給女兒作禮物，Azaliah同樣擁有父母送給她的這份傳統小心意，希望女兒平安健康就好！

陳嘉寶誕第三胎宣布封肚 plt 陳嘉寶再做媽媽﹗ — 陳嘉寶三度做媽媽，感覺人生圓滿﹗（圖片來源：IG@anjaylia）

陳嘉寶誕第三胎宣布封肚 plt 陳嘉寶生B前與好友食飯慶祝BB即將來臨，閨密蔡穎恩當然在場﹗ — 陳嘉寶生B前與好友食飯慶祝BB即將來臨，閨密蔡穎恩當然在場﹗（圖片來源：IG@anjaylia）

陳嘉寶神奇穿搭零孕味晒終極巨肚孕照

陳嘉寶（Anjaylia）三年抱三，2017年跟丈夫黃頌祈（Epaphras）婚後先後誕下大女Hosanna與二女Eliana，第三胎預產期在去年尾出生了！陳嘉寶揚言誕下第三胎後封肚，正因為這個原因，她決定趁產前拍攝一輯絕美的懷孕照來留下美好回憶，之前她到影樓拍攝，當然少不了老公與兩位小寶貝，更首晒全家福﹗

陳嘉寶懷第三胎首拍孕照

兩女之母陳嘉寶陀第三胎才首次正式拍攝懷孕照，得天獨厚的陳嘉寶懷胎九個月，四肢仍然纖幼，當日以bra top 配襯多套時尚服飾，型格中帶有自由赤裸的感覺，baby bump猶如赤裸的生命在母親的體內孕育出來，做慣模特兒的陳嘉寶竟然不太習慣，大嗌感覺赤裸裸的！

陳嘉寶誕第三胎宣布封肚 plt 陳嘉寶婚後三年抱三，懷三胎都肥胎唔肥人，臨盆在即都未有出現水腫，得天獨厚﹗ — 陳嘉寶婚後三年抱三，懷三胎都肥胎唔肥人，臨盆在即都未有出現水腫，得天獨厚﹗（圖片來源：IG@anjaylia）

陳嘉寶預告封肚

陳嘉寶對懷第三胎才拍孕照時預告封肚：「呢次應該係最後一次大肚啦，應該唔再有﹗另外大家成日問我個肚喺邊？過去兩胎成日問我點解唔影？今次就影嘞，做個紀念，同埋滿足大家嘅好奇心，其實我係有肚㗎！之前曾經有人懷疑過大女Hosanna唔係我生，話我係搵代母，所以真係想話畀大家聽，我真係有個肚㗎！哈哈…今次就攞出嚟畀大家睇吓啦！呢個感覺好赤裸、太性感嘞！就算冇BB嘅時候都好少露腰，所以拍攝時會覺得自己好似豬八戒有個大肚腩，哈哈哈﹗」

陳嘉寶自嘲似豬八戒

陳嘉寶找來了專業團隊合力製作，服裝指導、化妝、髮型跟攝影師，但拍攝時卻被囡囡「考起」了，大女Hosanna與二女Eliana相當活躍，不時跑來跑去，場面難以控制，Anjay無奈說：「同老公影結婚相，到依家都會好掛住嗰種感覺，但係做咗人父母，同小朋友一齊影相嘅感覺係好忙亂、忙亂同忙亂，目標只係想快啲影到有就得嘞，感覺係變咗任務。」不過當看到一家五口拍出來的效果，陳嘉寶就覺得辛苦也值得！

陳嘉寶希望延續影全家福傳統

提到拍攝全家福，原來陳嘉寶婆婆家族在上世紀二、三十年代是經營照相館的，當看到家中懷舊的全家福，陳嘉寶特別感觸，她說：「婆婆培養咗鍾意影相嘅興趣，亦鍾意影全家福，婆婆亦會將以前嘅故事同我媽咪分享，所以我哋屋企都鍾意影相，有一種情意結。睇返以前婆婆喺照相館嘅相、爸爸媽媽同公公婆婆影嘅傳統全家福，已經發黃或者黑白照，都好期待將來會可以影一輯，我哋呢三代計埋都有十三人，等小朋友長大，唔係太難控制嘅時候，我都想book一啲香港舊式嘅影相鋪，希望喺呢個文化消失前重有機會影到，佢哋嘅年代真係會手畫一啲畫做佈景，希望等小朋友長大可以等佢哋畫一幅佈景，一齊影全家福。」

陳嘉寶誕第三胎宣布封肚 plt 陳嘉寶指兩女相當活躍在影樓跑來跑去，好不容易一人抱一個影相，拍攝時出動家人及工作人員引囡囡才能令她們稍為安定，不落地狂奔﹗ — 陳嘉寶指兩女相當活躍在影樓跑來跑去，好不容易一人抱一個影相，拍攝時出動家人及工作人員引囡囡才能令她們稍為安定，不落地狂奔﹗（圖片來源：陳嘉寶發片截圖）

預產期在聖誕期間，Anjay陀第三胎心情輕鬆，不過接近臨盆開始有點緊張，她同時又希望待節日後才「卸貨」，她笑說：「仲未準備走佬袋，不過BB用品已經齊備，所以都唔會擔心。因為BB預產期啱啱係聖誔節同元旦嘅節日，希望畀我過晒啲party先出嚟就可以安心地坐月，因為如果坐月嘅時候party，好多嘢都唔食得，所以等我enjoy埋先啦！」

陳嘉寶最想坐完月即開工

但陳嘉寶當想到能夠早點擁抱Hosanna與Eliana，突然又期待快點生B，為何心情如此忐忑矛盾呢？她笑說：「想快啲生出嚟嘅一個原因係之後可以抱返大女二女，因為依家個肚太大關係頂住，完全抱唔到佢哋，等我卸貨之後就可以畀返多啲時間佢哋，瘋狂地抱返佢哋，對大家要公平嘛。」陳嘉寶強調坐月保養好身體後，便盡快繼續工作：「之後會好好學習分配時間，除咗可以喺屋企同工作上，再要喺屋企裏面分返開幾份，另外我發現，除咗下一代，我哋嘅上一輩都需要陪伴，要好好珍惜。」