陳嘉慧低胸裙上陣豪派「big爆」福利 原來因為熱愛一首金曲揈衫獻唱
廣告
28歲陳嘉慧（Erica）2017年入行後獲TVB力捧，並先後參與唔同劇集，更憑《愛上我的衰神》擔正做女一，係火速上位嘅花旦！不過陳嘉慧於去年突然宣布結婚，並於今年3月誕下愛女。適逢最近係陳嘉慧同老公結婚1周年，Erica就孖住老公飛去馬爾代夫慶祝，仲大方派超震撼福利，不過網民嘅焦點竟然擺咗去另1個部位……
陳嘉慧吊帶低胸裙狂揈派福利
陳嘉慧日前喺社交平台連環晒出多個限時動態，相中見到陳嘉慧將身上嘅恤衫除低，仲拎住狂揈跳舞！不過網民就似乎未被陳嘉慧搞怪嘅舞姿吸引，反而係被「凸圍而出」嘅澎湃上圍搶晒fo：「從來都未見過咁好睇嘅吊帶裙」「條帶承重得唔得㗎？」「生完之後真係好勁」「好似就快跌出嚟咁」「恤衫一除真係流鼻血……」佢自己嘅留言就話：
喺馬爾代夫曬到傻咗，一晚要跳幾多次《黑玻璃》先得？！真係愈嚟愈鍾意呢首歌！
網民1部位批陳嘉慧產後未修身
雖然陳嘉慧豪派福利引來唔少網民激讚，但係亦有人留言表示陳嘉慧嘅手臂好粗，就好似產後未修身咁：「手臂粗過哥布林隻鷄肶」「錯曬重點啦，睇下佢雙麒麟臂先啦」「雖然上圍勁咗好多，但係手臂都有啲份量」「產後未修身咁喎」
