陳煒公開認愛被轟做小三 男友護花：唔怕！有我喺度

撰文：KM | 圖片：新傳媒資料庫、陳煒Instagram，節目截圖

陳煒公開認愛被轟做小三

45歲陳煒7年前與台灣富商顏志行離婚後，一直單身，去年邂逅年輕5歲的醫生陳國強，同樣失婚的二人很快發展成情侶。不過戀情曝光後有指有指陳國強尚未離婚，令陳煒背上小三之名。為此陳國強公開澄清，表示與前妻1年前已經離婚，與陳煒相戀時已經回復單身。被問到此事會否影響女友心情，陳國強向女友喊話，表示「唔怕，有我喺度！」，超man！

45歲陳煒淚眼談離婚

現實中，陳煒的感情路崎嶇波折。45歲的藝人陳煒96年當選亞姐冠軍，其後在亞視出道，2012年轉投無綫。去年播出的劇集《宮心計2深宮計》飾演太長公主大受歡迎，更因而獲得「最受歡迎電視女角色」！事業得意但感情路不如意，08年煒哥與台灣商人顏志行結婚，可惜婚姻只維持數年就結束。

陳煒早前在《如果這樣生活》重回與前夫離婚的傷心地 — 台灣，煒哥喺節目中哽咽說：「傳媒一直好關心我嘅感情生活，我一直冇交代，我之前冇講因為想保持呢段關係，我覺得有挽救嘅機會，所以唔想講。坦白講，我唔想分開，呢個唔係我嘅意願，離婚其實係佢提出嘅，佢覺得工作上，可能有些事情佢需要處理，佢覺得他要花好多時間，都覺得佢有虧欠我，既然佢冇能力付出佢嘅感情，要處理好多事情嘅時候，就覺得不如雙方中斷呢段關係啦﹗」

重提離婚，煒哥雙眼通紅，經歷婚姻失敗的陳煒單身7年，至今感情仍未有著落！

煒哥話自細都好獨立，佢喺讀中一時已經開始煮飯畀屋企人食，而離婚後冇人照顧自己，回歸單身更要愛錫自己多啲，屋企要修理任何嘢、換燈膽都要自己搞掂！

失婚後仍相信愛情

失婚的陳煒仍相信愛情，她在劇組安排下在台灣參加相睇活動，她在第一場活動中自言可能太拘謹！

但喺第二場相睇活動中，煒哥分享佢嘅飲食之道就係要養生，除了實行時下流行嘅生酮飲食法，另外就係不吃太多澱粉質食物！

Keep得咁好又咁靚，佢最後被兩位男士吸引住臨走前「抄牌」，其實煒哥都仲好有艷力，好有市場！

陳煒離婚一度要睇精神科

45歲的陳煒在北京出生，小時候便跟隨父母移居香港，96年放棄學業參加亞洲小姐競選榮獲冠軍，隨即被亞視力捧而成為當家花旦，主力拍攝電視劇。

2008年陳煒與商人顏志行結婚而宣布息影，不過闊別四年後又宣布復出，當年就由好友江美儀引薦而加入TVB，同年也跟顏志行離婚。

之前陳煒接受傳媒訪問，煒哥大方細訴離婚原因，她指08年結婚息影後便跟隨前夫到泰國定居，不過覺得婚後生活淡如水，不甘每天打理家頭細務。而且身為商人的前夫終日埋頭苦幹，所以對她有所忽略，就連性生活都有影響，更直言「佢好少掂我」。煒哥更指丈夫提出離婚時自己難接受，更需要找精神科醫生協助。

2016年陳煒拍攝飲食節目《煒哥的味道》，當時請來前夫做嘉賓，鏡頭面前上扮恩愛，其實已經離婚。