試當真Jessica｜原名陳劭蓉19歲專訪重溫｜2015城大Year 1 無添加美女

陳劭蓉 Jessica自覺腮骨好大似Pizza

其實Jessica俾人話似整過容：「都唔係第一次，如果唔係有惡意，我都唔會介意，反而會當人哋讚緊我tim！」佢仲話，如果真係有機會去整，佢會想削骨，因為佢覺得自己個腮骨好大，所以塊面好似pizza咁喎!

回憶自細好貪靚

Jessica自細就好貪靚，喺記得中五嗰年，學校有個inter-class fashion show competition，佢係負責化妝嘅，所以都好緊張個比賽結果。當個model一出場嘅時候，就成班一齊尖叫，唔講以為佢哋癲左！不過可以嚐試幫人扮靚，Jessica都覺得好開心!

真光妹中學愛玩扯大纜

雖然真光妹俾人嘅感覺好似好文靜，但其實佢哋都可以好man架! Jessica話以前玩扯大纜嗰陣，分分鐘大力過啲男仔。而且最經典莫過於係佢哋件長衫個衩成日都會爆線，原因係好多時玩得太癲，或者行路太大動作，可見真光妹係幾咁好動啦！

好快DSE就放榜喇，Jessica嘅母校喺兩屆之前，都出過一個女狀元！所以佢都希望佢嘅師妹都要努力，個個都入到理想嘅學校！

計劃畢業後投身i-bank

Jessica而家讀緊嘅BBA，其實都係熱門學科! 佢話第時畢業想入i-bank做嘢，因為工作好有挑戰性，同埋可以接觸到唔同嘅人，不過佢都知入ibank唔容易，所以嚟緊一定會努力裝備自己！

撰文: Joanne

攝影:Clay Lam

拍攝: Anthony Leong

剪接: Candy

Hair + Makeup: Emma@KINGS Makeup

提供場地: Synergy Biz Group(SynBOX)