陳輝陽揞名爆1位女歌手亂作歌詞兼言行極粗魯 靠三大線索網民估係佢
陳輝陽大爆王菲手字靚到可以拍賣
陳輝陽製作的第一首Hit歌是王菲的《暗湧》，節目主持問到與王菲的合作是如何，他就大爆王菲寫的字好靚，他提到：
「佢嗰時好多歌詞都自己寫一次，佢啲字靚到可以拍賣！」
陳輝陽大讚享受與陳奕迅Eason合作
陳輝陽又提到歌手他認為有兩種的，一種是你會很享受跟他一齊工作、很期待可以再合作的，而另一種則是以後不想再合作。先講享受的一種，他就首推陳奕迅（Eason）：
「佢唔係淨係唱得好，係佢同你做完一個work，可以幫你將首歌帶去the next level！你同佢錄歌，佢一句可以用10種、20種方法演繹畀你。」
陳輝陽又指這種歌手是行內絕無僅有的。他又透露Eason有個小習慣，「同佢錄音，你每次要同佢傾2、3個鐘先」，果然是「吹神」！
陳輝陽大爆陳奕迅Eason為打網球 極速完成高水準作品
陳輝陽繼續講到與陳奕迅的合作，有一次跟對方進行錄音，對方問可不可以錄到中午12點，因為他要去打網球，然後3小時後再回來繼續錄音，但陳輝陽表示自己不能夠作主，於是致電對方經理人，最終經理人不允許，但Eason仍想快點去打網球，於是極速交出高水準的作品，大概2、3 Take就完成，之後好像小朋友一樣問陳輝陽「我可唔可以打網球呀？」陳輝陽續說，Eason是一個非常尊重音樂人與音樂的歌手，相反就有一位歌手完全不尊重人與音樂。
陳輝陽唔想同「呢位女歌手」再合作
陳輝陽在分享時並沒有公開該女歌手的名字，但通過他的描述可以猜測出一些線索。他提到：
「唱片公司開頭叫我幫佢Produce歌嘅時候，我話都ok嘅，對方話佢唔係好唱得㗎咋喎，我話我知㗎喇，我盡能力啦。佢一入嚟錄音室第一句說話，X，喺香港度錄廣東歌都冇X用嘅，我去咗台灣呀，我就唔會再返嚟錄廣東歌，呢個係第一句說話。」
女歌手亂作歌詞 戙起隻腳食飯
到之後陳輝陽叫呢位女歌手先坐低，自己去準備，錄音時對方的行為將他嚇窒，竟然會亂作歌詞：
「佢又好得意，唔睇歌詞，佢鍾意作啲字落去，我話唔啱喎，意思都唔啱。有時錄到咁上下我會叫佢停下先，不如聽下你唱成點，佢話唔停，我要繼續唱，OK！唱到中午，錄音室同事要放飯，佢話我唔食，我要繼續唱，我話咁唔緊要，我叫Engineer食飯、我幫你撳，撳到咁上下，Engineer食完飯，佢又話哎呀，我肚餓呀，食嘢先喇，幫佢叫嘢食。」
而食飯時的習慣亦相當粗魯，他表示：
「佢真係犀利，我好少喺香港見到女仔，唔好講係咪Singer先，我好少見到香港女仔戙起隻腳食飯。呢個真係好神奇！」
網友靠三大線索估係佢！
除咗「唔唱得」，陳輝陽還指對方現時在內地都幾紅，另一個線索是這女歌手曾往台灣發展的。網民紛紛綜合以上資料，估邊位最有可疑，如被稱爲巨肺天后嘅鄧紫棋、楊千嬅、梁詠琪、薛凱琪，不過，較多人認為最大嫌疑是張栢芝。張柏芝與陳輝陽曾合作過一些作品，其中包括《不相愛的好處》和翻唱他作曲、傅珮嘉原唱的《絕》。
