隱門｜黃智雯「童年版」小演員獲讚好戲！11歲鍾嘉佑已拍過3套劇
廣告
新劇《隱門》昨晚（29 日）首播，一開始，葉嘯天（吳岱融飾）即壞事做盡，除打劫金舖、 開槍殺警面不改容，吳岱融更命令自己個女在公廁接賊贓，唔聽話就打個女，非常可怕！而劇中做黃智雯「童年版」嘅小演員令觀眾留下深刻印象！
隱門劇情｜鍾嘉佑飾小心月喊戲一秒到位
首集講吳岱融飾演的葉嘯天策劃一宗驚天械劫案，當年負責接贓的竟然是葉嘯天細細個的小女兒（也就是童年的黃智雯），劇情其中一個焦點是飾演心月童年的鍾嘉佑，面對吳岱融連串「恐嚇」，小心月喊戲一秒到位，被安排接贓眼淚話嚟就嚟，獲讚靚女兼演技不俗！
鍾嘉佑同「衰爸爸」吳岱融合照
鍾嘉佑亦有在IG晒出多張合照，更有同「衰爸爸」吳岱融嘅合照，戲外嘅63歲吳岱融非常nice，做得嘉佑爺爺，表現仲好慈祥！鍾嘉佑表示：「《隱門》噚晚已經播出，好開心又期待，因為第一次係電視睇到自己嘅劇集演出」談到與嘉佑合作，吳岱融大讚對方聰明：
「佢好醒，導演同幕後亦同佢事前 brief 好晒，佢都了解到只係做緊戲。我哋鏡頭背後有講有笑架。」
鍾嘉佑曾為《Think Big 天地》擔任小主持 演出《廉政狙擊》戲份被刪 ！
翻查資料，現年11歲的鍾嘉佑就讀紅磡區天神嘉諾撒學校，今年已升讀小六，近年曾拍攝《Hands Up》、 為《Think Big 天地》擔任小主持等，拍劇經驗除了《隱門》，還有《廉政狙擊》 及尚未播出的《奪命提示》，鍾嘉佑在《廉政狙擊》本來飾演張達倫的女兒，可惜由張達倫飾演O記總警司角色因此劇從30集刪減到27集而其戲份被刪除，連帶她的戲份也被刪走了，年紀輕輕經常出入電視城化粧間，與不少藝人集郵合照：
網民大讚似黃美琪
不少網民看見童年版心月演得咁好，大讚似曾做童星的嘅「美琪BB」黃美琪。
「妹妹好靚女，有D似黃美琪細個」
「個妹妹做得好好」
「對住鷲哥都演到咁好，犀利！」
