離婚6年自信大受打擊 陳煒一度要睇精神科
廣告
分手後「再見亦是朋友」，講就易，但有幾多人做到？但陳煒同台灣富商前夫顏志行因了解而分開，至今已離婚6年，煒哥一直密密拍劇，原來寄情工作係因為想尋回自信！
撰文：Joanne、東方新地｜圖片：新傳媒圖片庫、陳煒IG、微博
陳煒與前夫 曾經恩愛
陳煒坦言同前夫離婚，是她12年返港簽約無綫拍劇之後發生：「前夫太專注事業！時間耐咗，我就好似屋企電器咁放埋一邊，咁做朋友好過做夫妻！大家好似家人咁相處，都唔係壞事！」
演太平公主成視后大熱
6年來煒哥密密拍劇，今年憑《宮心計2深宮計》中的太平公主，成為視后熱門人選之一。煒哥更坦言好恨攞獎！因為獎項除咗係對佢演技嘅肯定之外，亦都可以幫佢重拾自信，因為婚姻失敗，令煒哥自我形象低落。
昔日煒哥同老公經常曬恩愛，抱愛貓放閃，係常見之事。
但係原來呢啲全部只係表面恩愛，煒哥最近受訪時表票，當年結咗婚就跟咗前夫去泰國定居，可惜老公就只顧打理生意，煒哥就日喺屋企煮飯同打理家頭細務，生活像鐘點多過似做人老婆。
煒哥：佢好少掂我
因為前夫只專注於工作，兩夫妻命好少「行埋」，可憐煒哥因為老公「好少掂佢」，令到佢懷疑自己係咪魅力不再，信心盡失。後來老公更主動提出離婚，婚姻失敗令煒哥情緒陷入低潮，更一度要向精神科醫生開解，先可以走出陰霾。
16年主持《煒哥的味道》，已同老公離婚的煒哥，繼續同前夫人前扮恩愛。
在節目上煒哥還公開以老公稱呼對方，更餵前夫食嘢！
而家煒哥已經重神振作，無時無刻都神采飛揚！
