飛常日誌︱劉穎鏇戴祖儀變身航空小花 都唔夠呢位真空姐搶鏡！

郭柏妍、戴祖儀、劉穎鏇輪流上演「制服誘惑」

今次女角陣容有高海寧、蔡思貝、劉穎鏇、郭柏妍及戴祖儀等，幾位小花上演「制服誘惑」，戴祖儀更穿上空姐服，大騷煞食長腿再加黑絲。至於女主角蔡思貝就不是以空姐服現身了，打扮比較似機管局人員。

飛常日誌｜劉穎鏇似到十足曾被誤當真空姐

今日劇組發布官方造型照，思貝、Tiffany及祖儀的黑絲空姐Look相繼曝光，同樣擁有修長美腿的三人各有各美態，當中以高人一等的Tiffany最為搶焦，逆天長腿配以甜美腰果眼再加無敵笑容，令人眼前一亮。Tiffany受訪時坦言是次是首度在劇集飾演空姐角色，並笑言曾一度被誤當真空姐：

「我劇入面大部份戲份都係著空姐制服，成件事好有趣。我之前唯一一次著過空姐服，就係拍《學是學非》，但都未曾試過咁Official梳好晒頭去做呢個造型。最開心好多公司同事都讚我好似空姐，同埋喺機場度都有人當咗我真係空姐咁。」

飛常日誌｜戴祖儀蔡思貝大騷紅系空姐Look

祖儀與思貝的紅系空姐Look亦絕不輸蝕，前者以甜美取勝，後者在劇中由於已經升了職，故主要以OL形象示人，當中的大蝴蝶馬尾造型更甚有逆齡效果。

飛常日誌｜郭柏妍短打OL Look搶Fo

同為靚女一族的郭柏妍Rosita雖然劇中沒有指定制服，但卻長期以短打（短裙及短褲）出入，青春無敵極度符合新鮮人身份。

飛常日誌｜朱敏瀚自備私伙黑超及行李箱演機師型到爆

男藝人代表方面，雖然馬明形象夠專業、徐榮夠多變，可惜依然未能匹敵朱仔朱敏瀚的「黑超機師」Look，每次出場十居其九都「戴住副超」的朱仔，舉手投足均相當有型，在劇中飾演情聖自然說服力爆燈。朱仔受訪時透露飾演機師是其加入無綫後的其中一個夢想：

「因為細個有睇《衝上雲霄》，我好開心可以喺呢間公司正式著一次機師衫拍劇，相信機師係每一個入TVB嘅演員其中一個夢想嘅角色，今次終於圓到夢。」

飛常日誌｜朱敏瀚向前機師好友麥大力取經

談到造型，朱仔笑指有向曾做過機長的好友麥大力偷師，單是眼鏡及行李箱已充滿學問：「我會問佢時下飛機師通常會著咩衫同拎咩喼，所以我自己另外配咗副眼鏡同埋個喼都跟番麥大力嘅指引，希望呈現出嚟寫實啲。」除了外觀，麥大力又教朱仔最緊要鎮定：「因為飛機師係負責保護乘客嘅安全，所以一定要係最淡定嗰個，所以我劇入面無論遇到咩危急情況，我都係選擇用最Calm嘅狀態去應對。」

朱仔在劇中與空姐戴祖儀有不少對手戲，談到首度合作的祖儀，朱仔笑指對方聲線「好刺耳」：「佢好開心嘅，聲線好響亮、有啲刺耳咁啦，但就令到現場成個工作氣氛都好好，佢亦好貼近到角色嗰種巴渣，我哋劇入面都幾大對比架。」根據官方宣傳照，朱仔與祖儀確是相當老友，祖儀更趁朱仔補眠期間「偷襲」對方玩自拍，難怪朱仔笑言遭空姐祖儀「調戲」，十分爆笑。

16年港姐蘇可欣索爆空姐造型好搶鏡！

不過，講到航空劇，當然不乏空少空姐，其中仲有一位係入行前是空姐的落選港姐蘇可欣，今次「重操故業」，非常有型有款！蘇可欣2010年於大埔救恩書院中五畢業，在學校時活躍於校際田徑比賽，其後修讀文憑，選港姐前曾為香港航空的空中服務員，她在社交媒體分享地勤造型並留言：

「終於都可以同大家分享~ 唔係我返左去飛呀 係入左劇組至真 機場每一角落都充滿回憶。」

蘇可欣與圈外有米男友拍拖

蘇可欣在2016年參加港姐，可惜在20強止步，但仍獲TVB簽約，其後憑《3日2夜》大騷出眾身材，她亦有加入娛樂新聞台擔任主持，並於2018年曾因訪問《出貓特攻隊》泰國演員Nonkul（賓爺）而發展姊弟戀，不過維持一年半分手收場。其後，蘇可欣便在2020年公開與圈外有米男友拍拖，幸福享受富貴生活，又經常四圍飛，兼大晒名牌手袋，據知現時居於跑馬地豪宅。

以航空業為題材嘅新劇《飛常日誌》呢日喺機場舉行開機儀式，台前幕後齊齊現身切燒豬，場面熱鬧。參演過兩輯《衝上雲霄》系列嘅馬國明，今次就唔再做機師，轉演機場中央控制中心值班經理指揮飛機升降。而蔡思貝除咗演馬明前妻外，亦係一名航空公司駐機場主管。 對於拍攝時可以深入機場重地，馬明就話相當震撼，仲話好多地方之前拍《衝上雲霄》時都未曾去過，亦因為拍呢套劇先令佢了解到，原來要有咁多人，先可以令機場運作順利。

陳豪喺新劇入面就飾演機管局主席，佢笑言做唔到機師，劇組唯有畀個高啲嘅職位自己。阿Mo話以觀眾嘅角度出發，會好想知一個機場係回運作，所以呢套劇應該可以滿足大家嘅期待。喺劇中演停機坪主管嘅徐榮，就話拍呢套劇先知停機坪原來有好多電車叉電位。

吳偉豪現實中嘅哥哥係一名機師，而今次喺劇中佢就飾演就讀航空學校嘅年青人，佢話現實中哥哥都曾經讀過，所以遇到有咩唔明嘅地方，都會請教對方呀。

今次飾演機場客運服務主任嘅高海寧，就大爆演機場保安總保安主任嘅洪永城相當就入型入格，唔只成日畀機場員工誤認係同事，仲有唔少途人向佢問路。提到高ling早前上載嘅旅行靚相中，有一位小鮮肉同行，令大家以為佢有新戀情，但高ling就澄清呢位小鮮肉係佢嘅表弟，仲話嚟緊表弟會成日出現㗎，所以大家唔駛再亂估喇。