香港婚後事｜陳自瑤霸氣回應「出軌」議題 尖銳情境題考起拍檔

香港婚後事｜Glamping場地極吸引地址曝光 拍足10集嘉賓預告

四位主持相約10集嘉賓包括羅子溢、曾比特、李丞責、連詩雅、張振朗、朱敏瀚、龔慈恩、單立文、胡蓓蔚等星級嘉賓來到豪華露營場地輕鬆傾談，首集介紹的Galmping場地十分吸引，多款露營車之外還有豪華「銀河艦艇」度假屋、 閃閃星球屋，原來場地是位於打鼓嶺去年新開的 Glamping場地「世外桃園」！

打鼓嶺世外桃園｜詳情

地址：打鼓嶺香園圍口岸蓮麻坑路

網址： https://parknaturehillside.com

陳自瑤5字霸氣回應出軌議題 三大尖銳情境題向黎諾懿大逼供

首集嘉賓則是劇集男主角羅子溢，五人討論得最熱熾的話題，則是「肉體出軌」VS「精神出軌」，Yoyo一聽到諾懿題目，即斬釘截鐵謂：「兩樣都唔得！」諾懿即反駁：「諗吓咋喎。」Yoyo聞言即一臉認真向黎諾懿拋出兩條相當尖銳的情境題，分別為：

1.「如果你老婆同你一齊，佢不停諗緊第二個男人，你接唔接受到吖？」

2.「如果你老婆出完軌一次返番嚟你度，你接唔接受到？」

即成功令諾懿陷入苦思，並坦言確有一個狀況難以接受。之後Yoyo再追著諾懿問：

3.「如果佢鍾意咗另一個，佢之後返番嚟屋企，但個心都係飄走咗，咁又得唔得？」

Yoyo追問令場面一度尷尬！此時子溢即衝出來企圖以一句解圍，不過卻引起賴慰玲勁大反應：「呢個好殘忍！」賴慰玲之後更坦言很怕有一天會認同子溢等人的看法。

相關文章：「女神收割機」羅天宇新目標疑為細10歲東張女神 傳秘撻逾一年睇球賽曝光

天宇緋聞被狙擊

除了 talk 得，子溢還相當玩得，而他的出招對象當然是最怕醜又內向的天宇。事緣子溢一到場即追問天宇緋聞「德德去咗邊」，嚇到天宇即時眼都凸埋，Yoyo 在旁食晒花生笑謂：「你好大膽。」諾懿則佻皮謂：「嘉賓講嘢可以唔負責任呀。」之後全場起哄笑個不停，五人進行了長達數分鐘的「廝片」，天宇全程「怕醜草」上身面都紅晒，場面爆笑。除了天宇，Yoyo 及諾懿亦是被玩對象，前者不斷遭子溢苦勸：「過去咗喇，唔好再執著個角色喇」

37歲賴慰玲錄到一半嗌走？

黎諾懿則不停遭賴慰玲搞笑攻擊：「全公司都知你最有錢」，賴慰玲錄到一半，更揚言要先行離開大隊回家「搵老公」生多個小朋友，各自有兩個小朋友嘅諾懿同子溢，都認為37歲嘅賴慰玲仍然可以生多個！