香港小姐2024｜一文睇清紅地毯造型 馮盈盈大Deep V上陣 JW又變時裝災難

香港小姐2024紅地毯造型｜性感師姐組別

1.馮盈盈仙氣造型疑似真空上陣

作為前港姐冠軍嘅馮盈盈今晚拍住師妹謝嘉怡出場，以一身仙氣造型登場嘅馮盈盈簡直係戰鬥力十足，除咗以大Deep V禮服示人外，仲疑似真空上陣，大方騷完美身材，力撼旁邊嘅謝嘉怡！

2.李芷晴超震撼視覺效果登場

李芷晴今晚嘅造型真係一登場就已經搶晒fo，有別於《愛回家》時密密實實嘅造型，李芷晴今晚一於大解放上陣，狂騷「big爆」嘅視覺效果，勁有睇頭！

3.廖慧儀關楓馨側身晒冷鬥突出

廖慧儀今晚孖住關楓馨現身紅地毯，2位狀態大勇登場，仲齊齊以Deep V禮服示人，大騷玲瓏身材！2人更有側身出鏡嘅畫面，超突出嘅視覺效果真係夠晒「胸狠」！

4.葉蒨文戰鬥格騷完美身材

葉蒨文今晚以綠色戰鬥格禮服登場，除咗大方騷事業線外，入場時極高衩嘅禮服仲狂騷世一長腿，完全唔輸其他震撼上陣女藝人！

5.郭珮文密實登場靠側身搭夠

作為上屆5強嘅郭珮文今晚以一身紅色禮服示人，雖然禮服包到實唔派福利，但係全靠側身搭夠，就連企喺旁邊嘅黃嘉雯都唔夠撼！

6.莊子璇小Deep V撼王怡然王敏慈

2023香港小姐冠軍莊子璇孖住亞軍王怡然，以及季軍王敏慈一齊現身紅地毯，今晚以小Deep V禮服上場嘅莊子璇正面睇雖然略勝一籌，但係3位側身時，身旁嘅王怡然同王敏慈都唔輸蝕，震撼力撼莊子璇！

7.吳幸美幫「東張女神」扳回一城

吳幸美今晚都有現身紅地毯，作為前港姐一員嘅吳幸美以小Deep V禮服登場，全方位大方騷澎湃上圍，為「東張女神」扳回一城！

8.賴慰玲「2人行」重量級登場

早前宣布再度做媽媽嘅賴慰玲今晚就由高海寧拖住入場，雖然包到密密實實上陣，但係陀B行紅地毯嘅賴慰玲上圍似乎都升cup唔少，側身都唔輸旁邊嘅「元祖級咪神」高Ling！

9.陳法蓉Deep V禮服先聲奪人

57歲陳法蓉今日將擔任「最上鏡小姐」嘅評判，而陳法蓉亦係紅地毯先聲奪人，以Deep V禮服上陣，大騷深長事業線，十分吸睛！

10.邵初極高衩禮服騷打底

邵初今晚以超高衩禮服上陣，而且今晚嘅服裝仲超有睇頭，除咗大騷事業線外，高衩禮服仲會唔經意騷埋打底，真係邊行邊騷長腿，十分吸睛！

香港小姐2024｜時裝災難一覽

1.JW王灝兒變「行走的玫瑰花」

JW王灝兒今晚將以表演嘉賓登場，拍住聲夢小花Windy詹天文以及Yumi鍾柔美出場嘅JW可謂超級搶fo！皆因佢以超大玫瑰花造型禮服上陣，化身「行走的玫瑰花」，搶晒旁邊2位小花嘅關注！

2.XIX又玩公益金便服日look

XIX今晚僅得3位成員出席，不過現身港姐決賽舞台表演嘅XIX照舊行便服日look，風格可以話係以童心取勝……

3.聲夢歌手造型玩便服日2.0

除咗XIX之外，今晚青春登場嘅仲有作為表演嘉賓嘅聲夢歌手，不過5位今晚嘅造型就似乎同XIX一樣，都係以便服日風示人，唔單止顏色上「炒晒車」，就連設計上都唔太掂……