香港小B選舉｜加藤新一才藝表演奪選美冠軍！曾經現身TVB兒童節目Hands Up
Monna表演魔術可愛到融化全場 「選美」無第一：下次我會攞第一！
除了一開始的「泳裝環節」，《香港小B選舉》播出的第2集「機智問答環節」中，小B們的妙問妙答令Shirley開玩笑指：「係有生以嚟聽過最有趣，有史以嚟轉數最快，係我都追求唔到嘅境界」。隨後的才藝表演，小B葉卓嵐（卓嵐）表演彈鋼琴，更彈奏一段自創音樂，評審們都十分欣賞他的才華。表演魔術的霍曉澄（Monna）可愛到融化全場，笑言最想變手袋送給媽咪。薛然熹（熹熹）就表演跳舞姜濤的《Master Class》。他直言自己喜歡MIRROR，所以才選擇這首歌，其直率的對答亦令評審們哭笑不得。
4歲Monna坦然面對失敗
第四集的「選美大賽頒獎禮」，呼聲高、面㘣圓的Monna 本來係大熱門，不過最後被表現突出的加藤新一跑出，只得到第二名，賽果公布後，Monna回到媽媽的懷抱，坦然面對落敗，更同媽媽表示： 「下次我會贏，玩遊戲我最叻 。」反應獲得不少觀眾和評判的歡心！
加藤新一突擊加插唱歌跳舞 迷倒評判雲浩影
《香港小B選舉》播出的第集焦點是多才多藝的加藤新一表演唱歌，其唱歌實力令評審之一的雲浩影（Cloud）笑言被迷倒：「佢年級輕輕，但係第時一定好多女仔會淪陷。」
溫善晴（Eunice）和鄧善瑜（小善）表演跳舞；梁文凱（Kyle）就表演「講笑話」。
5號小B 新一（加藤新一）曾參演TVB兒童節目《Hands Up》
男性荷爾蒙MAX
油頭，腹肌 ！迷妹，情信 ！
你18歲想擁有嘅嘢，佢7歲已經有晒，原來加藤新一早就有幕前演出，2021年已在TVB兒童節目 《Hands Up 》擔任小主持，參演情景劇場無怯場：
谷德昭揭開節目真正意圖：唔止拍小朋友、也拍家長
谷德昭坦言十分佩服香港的父母：
「係一個充滿競爭同好多比較嘅社會下，去養育小朋友係一件好勇敢嘅事嚟。為咗俾小朋友喺起跑線上有個好啲嘅位置，俾佢地學習好多嘢。都戥佢地辛苦，好多嘢做。新一仲忙過MIRROR，不過佢係屬於享受咁樣生活嘅小朋友」。
另外，谷德昭又在IG分享對節目的評價：選美比賽只係熱身，藉此同小朋友玩熟，也同時認識家長們，因為今次唔只拍小朋友，也拍家長。
小朋友競賽為名 了解家長心態為實：贊成做父母應該要先領牌
谷德昭解說，節目想通過不同環節，推廣「求學只求分數」之外的「德智體羣美善」，所有環節全部有家長參予、睇住，拍攝時他經常掛在口邊的一句話是：
「小朋友與家長都要玩得開心，將來有一段快樂的回憶，如果播出時觀眾都鐘意，咁就贏贏贏贏，恭喜發財！」
谷德昭補充，節目仲有一個目的，係讓已經有小朋友嘅家長，參考吓其他家長的不同培育小朋友的理論，更重要嘅係俾啲未有小朋友、準備有小朋友嘅準爸爸媽媽們，思考自己是否適合做父母。
大部份小朋友都好可愛，做父母好大責任，我讚成做父母應該要先領牌。
1號小B 卓嵐（葉卓嵐）全能型學霸小B
舉止溫文，談吐有禮
人生就係不斷學習
放假？得閒先啦
2號小B Monna（霍曉澄）小B團忙內
百無禁忌之美食家
最自由嘅靈魂，最奔放嘅態度
用可愛，打破世上所有規則
3號小B 熹熹（薛然熹）充滿矛盾之Emo 小B
經常性貪玩，間歇性扭計
用最敏感嘅靈魂，強行探索最複雜嘅成人世界
4號小B Eunice（溫善晴）甜心小B
用最甜美嘅笑容融化你嘅內心
世界上冇一個擁抱解決唔到嘅事
如果有，就用兩個擁抱
6號小B 小善（鄧善瑜）傲嬌小B
溫柔，靦腆
永遠的雙馬尾，永遠的小短裙
用最柔弱嘅姿態，講最倔強嘅說話
7號小B Kyle（梁文凱）與世無爭之佛系小B
佢喜歡擁抱，但為人高傲
佢擅長幽默，但懶得解釋
除咗最鍾意嘅巴士，世界上冇嘢可以動搖到佢
8號小B Migal（陳妃頤）霸氣外露小B DIVA
舞台上嘅女王，舞台下嘅大家姐
用125cm嘅身高，展現巨人嘅氣勢
