麥包疫市開舖賣和牛 大女幫手打理 肉麻唱唱張學友名曲送愛妻
原文刊於：東方新地
麥包疫市開舖賣和牛
過去搞過唔少生意開過茶餐廳的麥包，日前與兩名友人合資過百萬開店主打日本和牛食材，頻頻在社交網做生招牌。麥包仔大女大，21歲的大女幫手打理和牛店生意，18歲細仔仍在求學，一家四口非常幸福。
麥包教仔滿口道理，振瑋笑爸爸「古董化」，不夠新潮，「佢話家姐比較多，『哎呀你又唔明我講咩！就係你呢啲諗法，呢個社會先咁亂咋嘛！』」
麥包坦言比較疼錫大女淳琳
俗語有云︰女兒是爸爸的前世情人。麥包坦言比較疼錫大女淳琳，希望她細心聽話，將來嫁到好人家，「仔女始終都唔同，有唔同錫法亦有唔同教法，我比較傳統，覺得男仔始終要孭起頭家，女仔就始終想佢斯文啲、聽話啲、細心啲。同埋女仔都係要錫多啲嘅，因為第時佢要嫁人啦，希望錫佢嗰個係佢老公嘛，我仲可以鍚得幾耐吖？所以我想喺仲能夠錫佢期間就錫佢多啲啦！」他強調此舉並非偏心，只希望培育細仔振瑋有學識、能堅強自立，將來做個真男人。
麥包雖然錫女，但淳琳始終是大家姐，比細佬大三年，麥包對淳琳比較多說教式訓話，「以前阿仔細個未明，所以我話個女多啲，阿仔就成日喺隔籬睇，佢見到家姐做完俾我話，咪醒啲唔跟住做囉。」
跟爸爸開工 讀書開竅
父母縱容多有反效果，麥包坦言過去對大女太寬鬆、太放縱，學業成績一般，幸好她長大後自己識諗開竅，才令他鬆一口氣。「我一直都冇迫佢讀書，結果佢細個好心散，太放鬆，一捉番緊佢就搞到大家都辛苦，好彩近年佢開咗竅，明白真係要俾心機讀書，呢個係我好彩。」
女兒突然開竅，或許跟過爸爸開工做助手兩個月有關，「開頭佢係貪得意想見識吓，佢跟咗我兩年，尤其第二年嗰兩個月，佢見到我做嘢辛苦，見到我嘅工作態度，的確影響咗佢，令佢待人處事都成熟咗，連讀書成績都好咗！」
淳琳過去成績一直處於中下游，現在成績突飛猛進，考到前列位置，麥包有感女兒終於有盡力。「佢知道自己原來係得嘅，老師都好錫佢，以前我成日um佢『你俾心機讀書就唔會差嘅。』依家印證到，佢開心我又開心！以前我要成日叫佢溫書、做功課，依家調番轉叫佢唔好溫，去瞓啦！」
學習不要輕言放棄
管教仔女讀書不能過度寬鬆，亦不能太緊，尤其幼稚園時期應該輕鬆發展，直到小三四開始慢慢收緊。「依家啲細路幼稚園已經學好多嘢，我係唔贊成，除非佢哋自己想學，佢哋細個想學咩我就俾佢哋學。」
麥包肉麻唱唱張學友名曲送愛妻
麥包和太太林孜結婚21年，甚少公開放閃。日前趁酒醉在fb肉麻唱〈你的名字我的姓氏〉送愛妻，自我陶醉瞇晒眼，更感觸說：「多謝你廿年來一路喺我身邊，希望嚟緊唔會為我擔驚受怕。謝謝你一直在我身邊，無論有多大的風雨，只要有你在旁已足夠，謝謝你一直包容我的缺點和脾氣，無以為報，只願陪你到白頭！」
好友湯寶如好心做壞事
好友湯寶如卻好心做壞事，她在 IG留言：「麥包開舖！一定支持。」有網民即開玩笑留言：「以為賣包。」卻換來湯寶如發火回覆：「係呀同你打包啊！」湯寶如被斥無品，遭大批網民留言攻擊，麥包就躺著也中槍。麥包慘遭網民圍攻，有人控訴他的和牛店無飲食牌照，疑似違規，麥包坦誠自己沒有飲食牌照，但有商業牌，因為只是經營外賣不是餐廳，所以不需要飲食牌照。
與何寶生關係耐人尋味
其後，再有網民爆料翻舊帳，指麥包當年扮 hehe接近何寶生，居心叵測，據知情者透露：「當年麥包同寶生都係當紮小生，喺清水灣舊電視城成日出雙入對，食飯同收工都一齊，雖然當時麥包已經有女朋友，但佢同寶生嘅關係真係耐人尋味，不過大家都係覺得佢扮 hehe攞著數，最終呃唔到人都會露出真面目。」
何寶生出生大富之家，他是香港寶生銀行的大少爺，家族總資產高達267億港元。讀完訓練班簽無綫即被力捧成當家小生，憑俊俏官仔骨骨形象上位，99年麥包結婚，何寶生更擔任伴郎，不過之後關係愈見疏離，有傳何寶生在感情路上大受打擊，05年突然在大嶼山寶林禪寺出家為僧，法號道生，此後他行蹤飄忽，雲遊四海。密友關係話斷就斷，一定有原因，麥包曾被問及何寶生何去何從，亦坦言難以聯絡：「佢依家生活隱世，我同佢都係靠 email聯絡，要等佢去到一個收到 email嘅地方先會覆，不過起碼都要一年半載。」聯絡唔到抑或唔想再見，只有當事人最清楚。
