麥明詩結婚｜十優港姐爆喊認封盤 盛勁為千字文自揭經濟拮据慘況
麥明詩「恨嫁」向男友主動求婚
盛勁為在社交網晒出求婚一幕，原來由麥明詩做主動求婚！而盛勁為亦有向麥明詩求婚，搞對方爆喊！二人互相求婚認真甜爆！麥明詩求婚當日，二人同朋友聚會，席間播出盛勁為的片段，之後彈出「盛勁為，你願意同我結婚嗎？麥明詩」，令男方非常驚喜，之後麥明詩就拿出名錶，向男方求婚：「你願唔願意同我結婚？」在場的朋友們看到景後，紛紛向麥明詩和盛勁表示祝賀。
男友盛勁為千字文愛的宣言 揭經濟拮据慘況
盛勁為千字文交代了與麥明詩相遇到相戀：
以前嘅我，以為自己會單身一世。一個人無拘無束幾咁好 但一個疫情，令到以為揸住鐵飯碗嘅我突然失業，原來我並非想像中咁硬淨。嗰時我哋唔係好熟，但係你聽到我嘅情況，就問：「既然呢排得閒，想唔想去電視台做吓part-time啊？當見識吓、識吓女仔囉。」
聽到有得識女仔，梗係正啦！就係咁，你介紹咗我上去後生仔傾吓偈，再玩衝上雲霄大選，又參與咗一部劇做茄喱啡，見到好多靚女，但最後… 我都淨係識咗一個女仔，仲要本身已經識佢
盛勁為狂讚女友勁肉麻
盛勁為又狂讚女友的優點，肉麻到爆：
由一開始大家都冇諗過會有咩發展，但係就愈傾愈投契，而且覺得好mind-blowing，因為我從未遇過一個靚得黎冇脾氣、努力、會替人設想嘅女仔，仲要 …. (下刪一萬字)
同你一齊，冇一刻係浪費時間，我哋每日好似best friend咁一齊玩，一齊游水打波滑雪上山下海，將「情人」同「朋友」呢兩個身份完美結合。我真係好好彩先可以遇到你。
愛的宣言：請你食飯食一世啦
最後到咗表白環節，盛勁為仲爆要麥明詩向自己求婚：
之後我講笑話，如果我地結婚，你都要同我求婚先襯得起你性格喎。我真係冇諗過你會記得我呢句說話，然後堅做… 好嘢你喺我最需要人support嘅時候出現，我呢世都會記得。我肯定將來我地會面對好多困難，但只要我哋一齊面對，一定可以捱得過
拍拖初期有一幕我到今日都好深刻，你話：「你未resume番，食飯等我請啦，嗱，你一飛返就以後都係你請我食飯㗎啦。」我希望可以請你食飯食一世啦
盛勁為悉尼沙灘求婚 麥明詩感動到爆喊
麥明詩之後亦發文，原來早前盛勁為在悉尼一個沙灘已向麥明詩求婚，一向幽默的盛勁為送上「超巨型鑽戒」求婚，令麥明詩感動到爆喊！
麥明詩盛勁為婚照曝光傳3月舉行婚禮
今日網上流傳有婚禮攝影師錯手將麥明詩正穿著婚紗及正在化妝的相片放上IG限時動態，而坐在後方是男友盛勁為望住麥明詩化妝，然後再加上攝影師的一句「今日嘅新娘子」，似乎二人正低調成婚。雖然攝影師其後迅速刪相片，但呢張相中二人的容貌都好清晰，真確性和可信性都非常高！而去年二人被傳齊齊飛日本沖繩旅遊，當時盛勁為身後的白色開蓬跑車，車牌又正是示愛number「520」，如今睇返唔通當時已經在沖繩拍攝婚紗相？！
麥明詩媽媽甜笑回應 一句否認「今天」出嫁
麥明詩媽媽何小娟於今晚回覆傳媒時，沒有否認愛女出嫁，更全程好開心回答問題，但就以一句「唔係今日」否認了愛女今日出嫁的消息。而麥媽媽笑到咁開心，被問及婚期時，她就笑住答：「唔敢多嘴」意思交回女兒自己回答。而對女婿盛勁為有否感到滿意，麥媽媽亦笑笑口回答，女兒鍾意就滿意，睇嚟對女兒眼光好放心。據悉，盛勁為早已求婚成功，二人亦將會於3月正式拉埋天窗。
更多：
麥明詩孖盛勁為蜜遊沖繩齊做「潛水buddy」 行程愛意滿瀉疑為當地結婚鋪路
麥明詩最近飛往沖繩旅行，雖然在社交平台上分享的照片中只有獨照，但是卻被網民在當地偶遇，並指她和盛勁為齊齊穿上情侶裝大方放閃，認真sweet爆！與男友同遊的麥明詩心情靚爆，亦在IG分享多張度假相！據報今次水底拍攝亦係當地「戀之沖繩」及「The Blues」兩間公司協力。
盛勁為揸520跑車教堂前打卡暗藏婚意
麥明詩除了分享度假照外，也上載了一段駕駛開篷跑車的影片，而隨後盛勁為亦在社交平台分享了與該跑車的合照，眼尖的網民不但發現了車牌上的520示愛數字，更發現了他身後的建築物正是港人結婚勝地的熱門教堂之一！有網民留言稱之自己就是在該教堂結婚，盛勁為更親自回覆道：「真的很巧合呢！」似乎意有所指……
培育男友成為潛水buddy
熱愛潛水的麥明詩其實早在2019年時已經在當地的水底攝影店「沖潛」考獲潛水牌，更為攝影店拍攝了不少宣傳照！麥明詩亦在2021年的「世界海洋日」再次拍攝水底靚相，當時的服裝就已經十分有婚紗的感覺，令外界一度誤以為她要結婚。而今次麥明詩與男友旅行時，換了另一間當地友好的潛水公司「戀之沖繩」及「The Blues」，在IG分享的帖文中加上「dive buddy育成計畫」的標籤，似乎有意打算將男友培育成「潛水buddy」，就算是影水底婚照都絕對做得到！
恨做媽媽 想生2至3個
麥明詩曾經在訪問中透露：「都想生小朋友，希望在喪失生育能力前完成」，又指自己：「目標是生2至3個」。而34歲以上便開始稱之為高齡產婦，不知道現年31歲的麥明詩會否把握時間，趁年輕與男友早日達成目標！
網友揭麥明詩與盛勁為同遊耶路撒冷
麥明詩（Louisa）雖然沒有貼出照片的地點，及從未交代自己身在何處，不過從她的照片背景，不少網友火速認出是以色列聖地耶路撒冷，她就寫上「Happy self-made long weekend #端午節快樂」，正當人人以為她正在度假中，另有網友揭發其實男友盛勁為早於上月開始都有分享過以色列的旅遊照片，相信兩人其實是一齊同遊，並非於端午節假期「出走」。再對比兩人的照片，雖然角度不同，不過確實望落背景差不多，麥明詩和盛勁為都有在沙灘拍照，而且兩人的造型都很相配，盛勁為同樣著白色透視恤衫，又跟麥明詩一樣放黑超在頭頂上，簡直相裡透出粉紅泡泡。
麥明詩一直未有承認兩人關係
麥明詩與盛勁為早前同遊日本在機倉被偷拍到而揭發戀情，但麥明詩一直未有正面回應緋聞，今次刻意前後腳貼出照片，未知是否想低調戀情。其實盛勁為早前貼出照片時都有所暗示，其中一張英國劍橋撐船相他寫道：「第一次Punting很緊張，出曬汗，要靠船上女人指導先返到上岸。」當時不少網友留言追問提及的女人是否麥明詩，不過未見盛勁為有任何回答。
盛勁為與麥爸爸關係相熟
而另一張是耶路撒冷哭牆的照片，盛勁為留言說：「耶路撒冷哭牆，猶太教最神聖地方之一，因為它是平民能夠最接近聖殿的地方；咁啱最近都睇緊經典書籍「塔木德」，希望學到猶太人的創富生活智慧」而麥明詩爸爸竟然搞笑留言問：「做錯咗咩事要懺悔？」平時盛勁為少有回應網民留言，今次他就有回覆話：「唉，成日都激嬲人要懺悔！」似乎暗示他經常激到麥明詩發嬲，仲唔係暗示兩人關係非比尋常！
