黃子華自爆拍TVB劇嬲到主動出手改結局 1句形容TVB劇本質素

黃子華大爆《絕代商驕》原本結局

黃子華談及到在TVB拍劇時，每次劇本都出得好慢，從第一套參演劇集《狀王宋世傑（貳）》開始已經不斷改劇本。黃子華提到在2009年與佘詩曼拍攝《絕代商驕》時，令自己忍唔住提出改劇本的結局安排：「套戲係講我教人做生意，嗰場戲收到嘅劇本就係我哋一齊喺嗰停車場都燒嘢食，跟住就完咗。喂，呢個係嗰結局嚟架，唔係啊嘛？」

《絕代商驕》當年以32點平均收視，排名全年第四，位列於《宮心計》（35點）、《巾幗梟雄》（33點）、《烈火雄心3》（33點）之後，成績絕對唔差！

激到主動改結局 改足5頁紙

黃子華表示收到劇本後，立即打算搵編劇改劇本：「我話呢個係成套劇嘅解決，係唔係唔係幾得啊？」但監製表示「編劇已經放假」無能為力，令當時未做視帝嘅黃子華憤而親手重寫最後一幕，變成5頁紙精彩劇情，講述佘詩曼食蛋糕誤吞戒指，搞到要食瀉藥屙出戒指。黃子華澄清並非認為這樣的改動更加出色，但至少是一個有趣的結局，而不是另一個「BBQ」結局。

1句形容TVB劇本質素

黃子華在訪問中表示，明白TVB的現有制度並不容許編劇花長時間寫劇本，大多劇本都是創促完成，大家亦只能夠互相體諒。不過，黃子華又提到有一次改劇本改到要直接現場打印新劇本，臨時派發給同劇演員和導演。當監製問起「係唔係有乜問題」，黃子華就答：「唔係啊，因為太急喇，我接受唔到呢樣嘢，我覺得咁樣好啲⋯⋯」

網民大讚改得好

不少網民都留言大讚黃子華改結局改得好，否則就會令《絕代商驕》的結局變成另一個「hea」結局：「好在子華神喺《絕代商驕》改咗劇本結局，其實如果嘢嘢都係燒嘢食做結局真係好Hea 」、「好在有改結局咋！又BBQ真係唔掂囉」、「原來《絕代商驕》個咁個咁有創意既結局係子華神嘅創作； 睇果時都出奇架啦， Tbb 幾時咁有創意 Btw, 子華神改得好， 個結局好正 」、「子華《絕代商驕》結局真係改得好好 有你既演出同劇本，成為經典，精彩」等。