黃子華透露新工作極震撼：唔抗拒復出棟篤笑？被Do姐大爆「票房毒藥」黑歷史

Do姐笑指黃子華以前「衰到不得之了」

雖然黃子華去年無論舞台劇，還是電影都大豐收，但曾經黃子華都被外界稱為「票房毒藥」，事關他自資拍攝的電影《一蚊雞保鏢》和與梅艷芳合作的電影《男歌女唱》等多套作品都票房仆直。同黃子華老友鬼鬼嘅Do姐當然唔放過呢個機會，在節目笑黃子華以前的運程衰到貼地，「你自己拍嗰啲乜乜保鏢，嗰啲衰到不得之了，依家都冇理由要你個人咁衰㗎，所以自從你喺《男親女愛》遇到我之後，一路一路咁好上去。」轉數快的黃子華亦笑言：「係呀，我喺屋企直情有香爐畀你㗎！」

黃子華感恩遇到好角色 怕好運好快行完

當黃子華被問到會否想要轉型，不再飾演喜劇的時候，黃子華連聲否認：「冇，我好感激​​我遇到呢啲角色，最主要嘅問題係呢啲角色都寫得好好，但如果正劇啲角色寫得唔好唔好睇，我都冇乜興趣做，其實我幾鍾意做喜劇㗎！」當被問到有沒有竅門去選擇好角色的時候，黃子華就表示一切都是運氣，亦很感恩能夠遇到好角色：「首先就真係有運，要有個好劇本去到你度，就係呢點都已經好難，所以而家我有啲驚，我驚啲運氣行完咗。」

黃子華自嘲係「神」 被插香供奉

無論《飯戲攻心》還是《毒舌大狀》，戲中都主要由新晉演員擔任重要角色，大前輩黃子華亦大讚一班新演員都非常用心工作，亦非常尊重自己：「我係神嚟㗎嘛，佢哋好敬仰我，每人預定3支香畀我，我嘅感覺咪好似食香咁囉！」

大讚阿Dee努力工作 自我要求高

黃子華亦表示自己會在不越權的情況下，提點他們演戲的竅門和態度，黃子華今次就特別點名提到有份一起合作《毒舌大狀》的阿Dee（何啟華）：「其實個個都好積極，好熱血。好似阿Dee，佢話『子華神，其實我最想嘅，唔係跳舞、唱歌，我最想係演戲，我人生最重要係演戲。』我覺得佢演得好好，其實佢哋對自己都好有要求。」

新工作計劃極震撼：「僅次於我復出做棟篤笑」

去到訪問最後，Do姐問子華接下來的工作計劃，黃子華竟大賣關子說：「有，仲係非常震撼，但係秘密，你信我，大家期待！」Do姐自然繼續追問：「電影？電視？舞台？返番去做棟篤笑？你哋上嚟唔放低少少，你咪旨意走，你又要講話好震撼，咩意思呢？」黃子華立即投降：「 OK，我講，佢嘅震撼性僅次於我復出做棟篤笑！」Do姐回覆說：「即係講咗啲乜嘢…咩係僅次於？幻想空間太大啦！」導演吳煒倫為黃子華打圓場：「起碼頭先佢嗰番說話，應該唔係棟篤笑先，其他幾個範疇，大家就估一估！」

怕拍電視劇冇得瞓 不由得「心生恐懼寒意」

子華最近上了ViuTV節目《爆谷一周》，就略為提過重新拍電視劇：「我不敢說完全不會，但問題是我以前拍電視劇都很辛苦，我的時間表是『06-28』（開早上6點，翌日凌晨4點才收工），其實就係唔使瞓！而且是接下來三個月都無得瞓，所以提起都有一種由心底產生的恐懼和寒意。」但如果工作形式改成每日只拍8個小時就沒有問題。

黃子華風騷回應會否復出棟篤笑： 「Never Say Never」

觀眾問他會否在《金盤啷口》後復出演棟篤笑舞台，子華就笑指：「『Never Say Never』，我在棟篤笑上已退休，但有時候在晚上睡不著，會想起一個值得講的笑話，或者某個方向想下去應該會很有趣，的確會有這種誘惑，所以看看誘惑大得自己抵抗不住。」