黃翠如宣布懷孕盤點圈中17位高齡產婦女星！越生越勇

Nov 1 2024

高齡產子的女藝人個案愈來愈多，以前常常說「有仔趁嫩生」，高齡懷孕難度和幸運程度等同中六合彩。但現在女人年過40還能索得一男半女的，已經屢見不鮮。其實，娛樂圈中還有不少女藝人都是高齡產子的，現在就同你一看究竟！

黃翠如宣布懷孕盤點圈中17位高齡產婦女星目錄

黃翠如：宣佈43歲懷孕承認曾經歷小產之痛

剛剛在10月踏入43歲的黃翠如，與蕭正楠自2018年結婚以來度過了6年的幸福時光，最近有關她懷孕的傳聞一直不斷。雖然他們一直未正面回應，但黃翠如終於在11月17日證實了這個喜訊。黃翠如在公開喜訊之餘，也透露自己曾經經歷過懷孕但失去的痛苦，時間就是2021年中的時間，經歷過傷痛之後，蕭黃夫婦終於在2024年成功懷孕，黃翠如也鼓勵其他經歷過小產傷痛的父母們互相支持。她希望大家能夠相信，無論發生什麼事，生活都會變得更美好。

高齡產子 2021年黃翠如曾在IG發布了「再見」的訊息，當時曾被傳她打算離巢，如今對照公布懷孕喜訊的短片，相信意思是向逝去的小生命告別。（圖片來源：黃翠如Instagram） — 2021年黃翠如曾在IG發布了「再見」的訊息，當時曾被傳她打算離巢，如今對照公布懷孕喜訊的短片，相信意思是向逝去的小生命告別。（圖片來源：黃翠如Instagram）

高齡產子黃翠如宣布懷孕，透露曾流產今終於造人成功！（圖片來源：黃翠如IG） — 黃翠如宣布懷孕，透露曾流產今終於造人成功！（圖片來源：黃翠如IG）

黎姿：39歲誕孖女

現年49歲的前無綫花旦黎姿2008年嫁給富商馬廷強後，隱退娛樂圈。2010年順利誕下一對孖女。

高齡產子 2012年10月8日，已經年過40的黎姿為丈夫馬廷強再下一城，誕下一女，現已成三女之母，兩年抱三！（圖片來源：黎姿微博） — 2012年10月8日，已經年過40的黎姿為丈夫馬廷強再下一城，誕下一女，現已成三女之母，兩年抱三！（圖片來源：黎姿微博）

邱淑貞：33歲生到42

2010年，邱淑貞當時已經42歲並育有兩女，不過卻依然希望誕下男嬰追番個仔，只因老公非常喜歡兒子，雖然最後都係生多個女（沈晨），一家五口都好幸福。

高齡產子邱淑貞的三位千金「月、日、晨」都被稱為盡得媽媽優良基因，其中長女沈月更被譽為最美的星二代。（圖片來源：邱淑貞微博） — 邱淑貞的三位千金「月、日、晨」都被稱為盡得媽媽優良基因，其中長女沈月更被譽為最美的星二代。（圖片來源：邱淑貞微博）

關詠荷：42歲產女

外表賢惠的關詠荷雖然一直到42歲才生下了可愛的女兒，不過產後的她好似將積攢了四十年的母愛傾情付出，漸漸減少了娛樂圈中的應酬和片約，專心致志做賢妻良母。張家輝和關詠荷12歲的女兒看起來非常斯文，五官和神韻都像足媽媽關詠荷。

高齡產子張家輝同關詠荷結婚多年恩愛依然，二人育有一名女兒張童（Brittany），轉眼就已經15歲。早前發現張童依家已經亭亭玉立，似足媽咪後生版，個鼻就似爸爸張家輝，儼如爸爸媽媽嘅混合體。（圖片來源：東方新地） — 張家輝同關詠荷結婚多年恩愛依然，二人育有一名女兒張童（Brittany），轉眼就已經15歲。早前發現張童依家已經亭亭玉立，似足媽咪後生版，個鼻就似爸爸張家輝，儼如爸爸媽媽嘅混合體。（圖片來源：東方新地）

梁詠琪：38歲懷孕

Gigi與西班牙籍老公Sergio結婚3年後，Gigi終於在2014年8月宣佈懷孕，翌年2月誕下囡囡並改名為Sofia，囡囡岀世後，Gigi經常喺IG post 佢地一家嘅幸福照。一家三口十分幸福！最近有報導指，42歲嘅Gigi早已決定要追第二胎，並在積極努力中！

高齡產子 Gigi兩位好個閨密李心潔同楊采妮，都係40歲之後生BB，而且咁啱都係生咗對孖仔！（圖片來源：gigileungwingkei@IG） — Gigi兩位好個閨密李心潔同楊采妮，都係40歲之後生BB，而且咁啱都係生咗對孖仔！（圖片來源：gigileungwingkei@IG）

李心潔：40歲誕孖胎

2013年老公彭順被爆出軌，李心潔最終選擇原諒老公，兩人和好如初。之後李心潔40歲時，就為老公誕下一對可愛孖仔。

哥哥叫彭濟雲，弟弟則叫彭子然，李心潔喺孖仔滿月嗰陣，PO出一張BB正面相，一對孖仔連瞓覺都識笑，超可愛！

楊采妮：42歲誕孖胎

楊采妮2013年同做律師嘅邱韶智拉埋天窗，努力咗3年，終於喺2017年宣布懷孕，同年以42歲之齡生咗對孖仔。一對孖仔出世後，楊采妮喺社交平台留言：「親愛的小寶貝們，謝謝你們，到我們的生命裏來，讓我們對愛多了另一種新體悟。爸爸媽媽一直是懷著感恩的心來迎接你們，我們承諾會用心愛著你們，亦希望你們能在充滿愛和感恩之下，健康平安地成長，擁有自己幸福的人生。」當時因為早產而致孖仔體重比正常BB輕，令佢好擔心呀！好彩而家孖仔順利成長！

楊采妮在新加坡被「野生捕獲」48歲白髮素顏街坊Look獲讚優雅自在

周汶錡：43歲誕第二胎

周汶錡Kathy今年47歲，2015年7月生咗大仔Jacques ，細仔Avner就喺2017年3月20日出世。Kathy話第二次懷孕，身體有冇比之前辛苦，佢就話基本上同上一胎一樣，完全唔辛苦，冇嘔又冇好容易就攰，胃口亦都冇變，Kathy解釋指可能因為自己的體質問題，所以身邊的朋友都話佢唔似大肚，整個過程就好似正常生活但個肚大咗。

高齡產子（圖片來源：kathychow520@IG） — （圖片來源：kathychow520@IG）

謝安琪：40歲誕第二胎

謝安琪當年初入行未婚懷孕，07年大仔張瞻出世，相隔10年，40歲嘅阿Kay就再生咗囡囡張靖。初為人母的謝安琪曾揚言要做全職奶媽，實行無了期停工湊女：「希望可以餵足一年母乳！真係擺低工作，以家庭為先，囡囡都係得幾個月，雖然囝囝10歲，但都係要傾偈嘅階段，只要睇住小朋友開心就乜都值得！」如今細女張靖（Kakaball）已經7歲大表演慾強愈大愈似媽咪。

徐若瑄：42歲300支安胎針誕「小V寶」

徐若瑄以42歲之齡，於2015年誕下囝囝「小V寶」，不過Vivian陀B嗰陣，由於胎位太低，需要一直卧床直至分娩當日！懷孕期間，總共打咗300支安胎針！呢個B真係得來不易呀！

49歲徐若瑄確診甲狀腺癌擁悲慘童年身世險被母賣掉與富商離婚原因曝光

李嘉欣：41歲誕Jayden

李嘉欣於2011年為富二代許晉亨生咗囝囝Jayden，懷孕時風采依舊，絲毫不見浮腫。大美人當時都係41歲。

楊張新悅：42歲意外懷第四胎

42歲嘅楊張新悅（Nicola)與區議員老公楊哲安婚後，先後誕下三個囡囡Lucy、Lily和Leah。楊張新悅2018年宣佈意外懷上第四胎，同年7月誕下第四位千金。

View this post on Instagram

A post shared by Nicola Cheung 張新悅 (@nicolacheungyoung)

朱茵：41歲做媽媽

2012年4月，41歲嘅朱茵突然上載一張與阿Paul的赤裸相擁黑白合照，公佈懷孕的消息。囡囡叉燒包於12年10月出世，為作紀念，朱茵執筆推出新著作《6磅10安士》，寫下整個懷孕歷程。她於書中寫到自己很喜歡小朋友，小時候已很想當母親，可惜因身體狀況不好，更自爆婦科醫生曾告知只有一成機會懷孕，要有小朋友是一件很難的事。奇蹟懷孕誕下女兒，對朱茵及黃貫中來說，都不是一件容易的事。

吳君如：41歲誕女

2006年，41歲嘅吳君如生咗囡囡陳是知，據講當時君如大住個肚，依然晚晚返電台開咪做節目。吳君如在圈內出晒名的愛女，同時亦管教得好嚴！有報導指囡囡陳是知每年花過百萬學費栽培囡囡，單係playgroup已經年年十萬，仲有報大量琴棋書畫的興趣班，囡囡考入南區私立貴族學校的弘立書院。而在家也營造出一個獨特語境，平時用英文及泰文同囡囡溝通，所以年紀小小已一口流利英文。