趙頌茹被叫「攞手袋」即黑面 保險男：有好大啟發！

趙頌茹被約會男大叫「攞手袋」感不滿

第4集節目出街後更惹來極大迴響，事關阿Yu因Marcus說的一句話而感到不滿，在約會時突然「說教」的環節令人表示「睇到好尷尬」、「約會搞到變咗呀媽教仔咁，以為做緊appraisal」。同時，有不少網民指「完全唔知句嘢有意思」，稱「今次真係學到嘢」。

食飯途中突說教被指「教仔」

3男3女同住一屋簷下，自然會產生感情之餘，又少不免拗撬。《35+ LOVE》昨晚播出第4集，節目中可見任職保險的Marcus第一次相約阿Yu出街約會，二人先是出發行山，途中Marcus不停撩阿Yu聊天，又指「你估吓我幾多歲？」、「點解你唔問吓我做咩職業同幾多歲」。而當Marcus說完後，說話無語氣的阿Yu即指「不如你直接講」，Marcus即表示「我33歲，做保險，我唔介意話畀人知我做保險，10隻手指有長短㗎嘛係咪，我唔驚畀人講」。說完一番話後，Marcus正當想估阿Yu歲數時，阿Yu已搶先一歲表示「我40歲」，令Marcus相當震驚，指「Wow，你完全打破我嘅想像，你Keep得好好喎，我見過你落妝同化妝，真係Keep得好喎」，而阿Yu則一直冷淡地表示認同。

而二人後來轉場去到一間餐廳，侍應很快便端上雞翼，2人如默劇般各自各食。尷尬氣氛充斥現場，2人即進行一場「深度對話」。阿Yu突然提起前一晚Marcus於屋內大叫「Hey Girls，攞手袋啦」，當時一眾女生於樓上正行樓梯落樓，阿Yu當刻即表示「咦，我聽到有人叫攞手袋喎」，似是欲言又止，但已可見到她表情較為嚴肅，而Marcus雖保持笑容但難掩尷尬。

阿Yu再度提起事件，指「你可能講笑過程中，個笑係會令到女仔好敏感，有心人聽就會唔開心囉」。Marcus即表示「尋日你同我講過一次呢件事，明，呢D Comment係要接收嘅」，然後又指「沒事啦，你肯講仲好，好過放心入邊，有時情侶嗌交都係咁，放喺心就無㗎啦嘛」，認為阿Yu的意見對他而言有很大的啟發，以後也會慎言，避免「講者無心，聽者有意」。

網民：乜原來「拎手袋」係有另類暗示？

網民於討論區紛紛留言，指「吓，攞手袋有咩問題，咁都要訓話？」，而有人即解釋指「以前做夜總會小姐，畀客叫行街就係講『攞手袋』」、「去夜總會買D囡囡私鐘就係講呢句，大家一聽就明」。而翻查粵典後，「攞手袋」指「畀錢買鐘後，舞女收拾行裝，拎起手袋離開夜總會，陪客人出街約會、開房間」。網民表示此時才恍然大悟，指「嘩！真係完全唔知有呢D另類意思，聽都未聽過」、「我以為純叫佢哋拎手袋走人」、「如果真係呢個意思，個男仔其實都幾on X 」、「真係崩口人忌崩口碗，原來係咁解」。不過亦有網民質疑Marcus早知含意，事關阿Yu重覆「聽到有人話攞手袋喎」時，Marcus有即時「兜」。

亦有網民指「睇到好驚，佢2個點解可以咁尷尬」、「搞唔掂，2個尷尬到X街」、「約會搞到變成呀媽教仔咁，個保險仔仲要畀人話到傻仔咁」、「阿Yu講完，對家手震到」、「真係起晒雞皮，個男以為自己好好笑，個女笑唔出又要夾硬應」、「我以為佢哋2個做緊Appraisal，女上司鬧緊個下屬」。

陳柏宇竟大讚Marcus稱加分　網民：好反感喎

網民稱尷到暈，但節見主持人之一的陳柏宇反指「睇完呢Part覺得Marcus好加分」，就連娟姐都表示認同。陳伯指「我覺得Marcus真係加分喎，佢畀阿Yu話完之後無好激烈起鋼咁解釋，反而好有心聽建議，好加分」，就連娟姐在旁都指「如果佢當時第一反應去解釋，話自己唔係咁意思，就真係會令人扣分」。本身對陳伯Comment滿有期望的網民聽到後，指「下，咁都加分，條仔好扮嘢喎」、「用刀食雞翼已經扣分，太陽眼鏡掛個頭後面再扣分，畀阿Yu話完再正義L上身，扣晒分，完」、「好反感喎，30幾歲人講嘢唔經大腦已經無分」。

5大夜場暗語一定要識　「金魚」、「食糖水」都有意思

其實以往夜場都有不少術語，如「金魚」、「木魚」、「食糖水」、「豬」等。原來「金魚」、「木魚」係用嚟區分舞小姐，就如TVB劇集《一舞傾城》中，蔡潔飾演的角色就係「金魚」，「金魚」的意思係唔會提供「愛愛服務」，只會陪吓客人把酒言歡，只可遠觀不可褻玩。相反「木魚」就係可以「帶出街」，隱喻可以「上」的意思。

食糖水唔係真係「食糖水」 ，「豬」呢個術語就比較普遍，用嚟形象「處」。所以喺《一舞傾城》中，沙律媽就會叫仲係處的「木魚」kk「保住隻豬」。而「食糖水」的意思唔係真係食糖水，原來有「開房」的隱喻，因為「食糖水」諧音係「石塘咀」，舊時代石塘咀「塘西」係流鶯集中地，好多人去嗰度尋歡作樂，「食糖水」就係咁嚟！

而「插飛」的意思，就係以前啲小姐計鐘錢的方法，會喺一張紙仔寫上記號，而每插一張飛的時間大概係唱完一首歌的時間