【凍齡美魔女】49歲郭可盈全家齊慶生 熊黛林一家四口超搶鏡
廣告
就快踏入50歲嘅美魔女郭可盈，昨日渡過了最後一個4字頭的生日。尋日係郭可盈49歲生日，佢喺微博分享咗多張慶生照片，似乎全家總動員為她慶祝生日，連弟媳熊黛林都帶著一對雙胞胎囡囡齊齊出席。
撰文：Chloe | 圖片：郭可盈微博
49歲郭可盈全家齊慶生
昨日，是美魔女郭可盈49歲生日，佢喺微博分享了兩張與老公林文龍和女兒津津的溫馨自拍合照，並Sweet爆留言：「我要我愛和愛我的人，每年都一起《共同渡過》！」
雖然郭可盈近年已經淡出娛樂圈，亦甚少出席活動，連弟弟郭可頌與熊黛林結婚後話題度都高過佢。
不過，《刑事偵緝檔案》中的高婕，《談判專家》中的簡潔，網民對呢位TVB曾經家喻戶曉的當家花旦依然留在不少粉絲心中。而郭可盈劇中女強人的形象與她生活中的形象亦十分貼近。不少網民留言祝福「高婕」生日快樂！
現年49歲的郭可盈無論樣貌，身材都沒有太大變化，難怪一班網民紛紛大讚佢係「凍齡美魔女」！
郭可盈更晒出全家大合照除了老公林文龍同女兒津津之外，連弟弟郭可頌、弟婦熊黛林以及他們一對雙胞胎囡囡孖女Kaylor同Lyvi 都齊齊出席生日會，場面非常熱鬧！而枱面仲擺著三個蛋糕及大壽桃，仲有個巨型發光煎堆同「勁浮誇」拉糖絲超吸睛！
