張松枝

51歲張松枝憑《二月廿九》細膩演技人氣飆升結婚12年恩愛如昔低調享受家庭樂

CentralEditor_Kiss

Apr 10 2020

廣告

51歲張松枝喺TVB做咗配角多年，一直冇咩發揮機會，於2012年離巢。最近喺ViuTV嘅穿越劇《二月廿九》飾演辰叔，與女主角吳海昕嘅一段父女情，演繹細膩、扣人心弦。人人激讚張松枝演技好，魅力高，導致人氣急升。現實中嘅張松枝原來已經結婚12年，育有一子，婚姻仲係林峯撮合嘅！

原文刊於：東方新地 | 圖片：東方新地

張松枝結婚低調享受家庭樂

而現實中張松枝都係為人父，結婚12 年，囝囝今年11歲，不過張松枝對家事向來低調，極少晒家庭照。唔晒唔代表關係唔好，早幾日張松枝就同太太、囝囝一家三口家庭樂，一家之主嘅佢負責揸車，泊好車落地，企埋一邊等埋太太同囝囝，然後三人行去商場買吓嘢，之後去食飯，生活平淡但實在！

張松枝一個回眸眼神，竟然充滿戲味，果然渾身是戲﹗

泊好車，張松枝等埋太太同囝囝，唔係翹埋對手敦起個款，只係話晒喺停車場，緊張望實囝囝啫﹗

一家之主帶頭行先，為老婆同囝囝先搵定商場出口，非常貼心。

一家三口去商場行街食飯家庭樂，今年11歲嘅囝囝，已經高過張松枝膊頭了﹗

妻子為有名化妝師林峯做媒人撮合

張松枝甚少刻意提及太太，原來太太係行內有名嘅化妝師 Mae Von，以前係林峯嘅御用化妝師，當年仲係林峯介紹佢哋認識，係張松枝同太太嘅媒人！依家張太係一間化妝學校嘅校長，桃李滿門，已經好少再幫人化妝，除咗佢老公啦！

張松枝喺《二月廿九》嘅留鬚、頭髮斑白造型佬味十足，其中一集突然變番後生，立即被指激似孔劉。

張松枝參演電影《無雙》同主角周潤發、郭富城等打成一片，閒時佢仲跟隨發哥去跑山㖭﹗

今日張松枝喺演藝圈嘅成績，最開心係張太至真，當年喺無綫多年不受重用，張松枝做到心灰意冷，就係張太鼓勵佢唔好為養家而煩惱，要為理想向外闖，之後以雙倍人工簽咗畀王維基，雖然最後開唔到台，但轉戰影壇，電影一套接一套！

張松枝與日、韓星撞樣事件薄

張松枝曾因韓劇《太陽的後裔》、《屍殺列車》、《鬼怪》大熱時，被指同男神孔劉撞樣！其實張松枝已經唔係第一次跟韓星撞樣，早前hit爆嘅《太陽的後裔》Oppa宋仲基，已經有網民提出2人好相似。另外撞樣主角仲有演出《半澤直樹》和《Grand Maison東京》的日本男星及川光博，雖然撞樣，但大家都各有特色，演技同樣出色！

不少網民都指在戲院中一看到孔劉的樣子，便立刻想起張松枝。

及川光博

關鍵詞

張松枝熱話