903籃球賽｜MIRROR全團回應調查報告遭狠批 舞蹈員逐句駁斥大表反感
MIRROR回應調查報告12缺1 鏡仔強調舞台安全 與吊屏下跌唔關事
MIRRO被問到綵排演唱會期間，已爆出被爆已不停有問題，不過今次訪問中，一班鏡仔就強調綵排時的甩漏，與懸吊屏幕下跌係另一回事，Edan提到：「綵排時所指嘅甩漏，主要係機關嘅timing及溝通上問題，而唔係舞台安全問題。」他們憶述綵排時每次踩台，對懸吊的裝置冇留意太多，主要係望地面的機關、窿位（不過在第二場因為踏空倒地受傷的Frankie在場就沒有回應）。不過記者最後問到「覺唔覺得表演者好無保障」時，Lokman一時語塞Hang機數秒，要靠Alton出聲強調 「公司好保護我哋」打圓場。
有粉絲質疑MIRROR成員的回應經過傳媒剪輯，以下是ViuTV旗下娛樂頻道的足本訪問，可見完整訪談，留意到9分鐘時段正是記者補充提問：「覺唔覺得表演者好無保障」，問題令到Lokman一時語塞：
星級排舞師回應鏡粉洗板inbox
ViuTV節目《全民造星》的星級排舞師鄧駿銘(Zero) 表達了對MIRROR成員的不滿，旋即受到鏡粉inbox的質疑，其實他早前也曾發聲狂轟舞蹈總監勿再龜縮，他再度轉發鏡粉留言攻擊並聲稱「試下叫佢12個對住佢屋企人將成個訪問原文復述一次」，更表示MIRROR不如唔好出聲好過。
蘇晴發IG Story被指冷待Anson Lo流淚
記者訪問期間，盧瀚霆（Anson Lo）聽到傳媒提及受傷舞者好友李啟言（阿Mo）的名字時，一度轉身背向傳媒低頭落淚，隊友築起人牆保護Anson Lo，這個畫面被廣傳後，阿Mo女友、COLLAR成員蘇芷晴（So Ching）就在Instagram限時動態留言「Huh？」，引起網民揣測其意思。
姜濤打波受傷送院
昨日《903 AllStar 籃球賽》在第四節比賽的時候，姜濤為了衝前攔截對方的時候產生碰撞，跌到在地弄傷右膝蓋。隨後聖約翰救傷隊馬上上前為姜濤包紮，期間大會更一度用黑布圍住姜濤避免傳媒拍照，在擾攘10分鐘過後，姜濤坐上輪椅送院離場。
Lokman回應：平時姜濤唔係咁渣！
事後，MIRROR一班成員接受傳媒訪問，成員們坦言當時依然不清楚姜濤的傷勢情況，隊長Lokman表示只知道姜濤發生事故是好痛，但詳細情況要等姜濤到醫院檢查才知道。有傳媒問到姜濤平時打波係唔係都係咁渣時，Lokman表示平時姜濤實力不俗，可能只是在比賽當時好勝心太強，所以才會用力過度拉親。另一成員AK亦有可能因為姜濤平時籃球只打開半場，但今次難得打全場，所以才會發生意外。
森美回應直播中止一事
在姜濤不慎倒地時，網上直播一度停止轉播畫面，令一眾觀眾更加擔心。主持人森美就表示，因為怕手上畫面「唔好睇」，所以才會停播直播，隨後森美亦有向觀眾交代姜濤離場一事。
網民事後鬧爆：想轉移媒體視線？
事後不少鏡粉都非常關心姜濤的傷勢，希望姜濤能夠盡快康復，同時亦有鏡粉鬧爆記者話姜濤受傷等如「渣」：「依d不是叫渣，係認真打波，點解d記者會咁樣講，黑人真」、「咪痴啦隊長…咩叫好勝心強？落場個個都係落力打波啦…!」等等。
除此之外亦有網民質疑姜濤受傷一事是否為了轉移MIRROR演唱會意外一事：「想轉移視線都有啲新意，唔係暈就跌親，番去問下魯生花姐點解要貪快偷功減料好過」、「高招！轉移阿MO單嘢嘅視線！」等。
