ChillClub頒獎典禮2025︱啟德現場7大熱話 得獎者預錄感言好突破！

回到目錄

1 | 開場冇旁白介紹 場面混亂到超尷尬

今晚頒獎典禮一開場，由Joey Tang獨奏結他率先登場，隨後一眾作曲、作詞、監製等幕後功臣輪番出場。然而，由於現場沒有旁白逐一介紹，僅靠字幕顯示身份，場面顯得十分尷尬，大家似乎都不知該何時退場。緊接著，新人、女歌手、組合和男歌手按順序登場，但台上一班歌手唔係企錯位，就太早落台，顯得手足無措，場面相當混亂！

回到目錄

2 | Jay Fung、許廷鏗打頭陣試音響

每年CHILL CLUB頒獎典禮都會邀請一眾歌手同台獻唱表演，今年由許廷鏗、Jay Fung和Jace聯手演繹《一人之境》、《世一》、《到底發生了什麼事》和《MegaHit》。素有「唱家班」之稱的許廷鏗和Jay Fung一如既往表現穩定，網民紛紛讚道：「又搵許廷鏗試音響」「JF真係好穩」。然而，Jace一出場時似乎因為過於緊張，表現略顯失準，頻頻走音！

回到目錄

3 | 得獎者全部預先錄感言場面前所未見

當頒發「音樂第一 歌曲獎（流行歌曲）」時，第一首獲獎歌曲《會再見的》由Jay Fung奪得。不過Jay Fung仲未走到台上，得獎感言就已開始播放，搞得全場觀眾一臉茫然，主持Thor甚至忍不住說：「情況好似有啲詭異咁。」不過佢隨後解釋，原來所有候選人事先都已錄好感言，每位得獎者一上台，就會播放他們預錄的感言。

不過網民們都對呢種新方法感到好不滿：「得獎者冇得即席講得獎感受，係可以好好控制時間，但得獎者上到台，咪都冇支，只係聽錄定開致謝，個得獎者就勁老尷尬咁企喺嗰台到，規感覺好差」、「得終身成就獎有得講」、「係邊個天才諗到預錄得獎感言 嘢都冇得講就落返去」等。

回到目錄

4 | 今年新設服裝獎 Serrini最搶鏡

今年CHILL CLUB新增服裝獎，吸引一眾歌手盛裝出席，爭妍鬥麗。向來造型搶眼的Serrini今年也不例外，以爆炸頭搭配藍灰色長裙驚艷全場，吸睛無數；女團Viva與COLLAR成員則以性感露腰裝亮相，格外養眼。最終，服裝獎由Aiden Hung（洪助昇）奪得，成為今晚一大亮點。

回到目錄

5 | 「教主」西川貴教隆重登場 網民：即刻入曬咪

今晚的最大看點無疑是日本著名男歌手西川貴教（T.M.Revolution）以重量級嘉賓身份震撼登場。表演一開始，由Jer、陳柏宇、林奕匡和黃妍等曾登上《FIRST TAKE》的歌手率先獻唱。當《METEOR》進行到一半時，「教主」西川貴教終於登場，隨即一連演唱《METEOR》和《Beyond the Time》兩首經典歌曲，將全場氣氛推至頂峰。教主超水準的唱功震撼全場，讓現場觀眾和網民都看得興奮不已，掌聲與歡呼聲不絕於耳！

網民都紛紛興奮留言：「即刻入曬咪」、「原來音響完全冇問題」、「唔知佢唱乜，隔住個電視都聽到起雞皮 好有power」、「哩啲先係歌手」、「真係沒有對比沒有傷害」等。

回到目錄

6 |陳慧琳驚艷登場光芒四射

除了教主西川貴教，陳慧琳今晚也驚喜現身CHILL CLUB頒獎典禮，狀態保持得很好，巨星風采依舊。她穿著一身黑白西裝登場，優雅中帶點時尚感。表演時，她獻唱新歌《一念天堂，二人結界》，之後仲同MIRROR、COLLAR全員合唱《失憶周末》，網民都大讚佢外形同表現夠出色，完全唔似52歲。

回到目錄

事後陳慧琳在社交媒體分享心情：

從來未試過同二十幾位歌手一齊唱失憶周末，thank you Mirror 同肥仔就咗我女仔key，佢哋真係好gentlemen ! Collar跳Shake Shake 型到我都想跳埋一份，你哋太可愛啦！ ❤️❤️❤️同3隊新生代嘅歌手一齊合作，佢哋嘅活力令全場high爆！

回到目錄

7 | ANSON LO力壓姜濤奪男金

今年《CHILL CLUB推介榜》的大贏家非MIRROR成員Anson Lo莫屬，佢一共攞咗3個大獎，包括「CHILL CLUB年度男歌手金獎」、「人人樂壇 年度歌曲大獎」同「年度歌手大獎」。今晚入場睇到AL粉絲「神徒」足足佔咗三分二，場面超震撼，全場變咗粉紅燈牌海，氣氛爆棚！