Do姐直斥電視台奧運記者「審犯式訪問」欠同理心 間接透露TVB成功秘訣
Do姐狠批電視台記者奧運採訪「似審犯」
Do姐今日開咪關注到近期某些記者訪問運動員表現似審犯:「我自己想講少少嘢,係咪有陣時派出去,去訪問嗰啲人,其實有冇要求呢?」,接著再講「有時候有少少審犯咁樣嘅,我唔知係咩心態啦,係咪咁呢應該?」
余德丞理解記者有追獨家需要,但更重要是以運動員為本:「我覺得運動員喺比賽完後,其實佢好攰嘅,我都絕對明白所有人都想做到獨家料,又想攞到個訪問比觀眾睇,但係其實某程度上都要尊重運動員都要俾時間佢哋。」
Do姐就補充某些難堪問題應免問:「同埋要有少少同理心,而家接受訪問嘅呢,唔係個個都攞咗個牌、好成績嗰啲,可能佢係唔好成績、失落咗、或者失誤咗,佢都未嚟得切自己唔開心,就已經要面對你嘅質問啦,佢想喊都冇時間,你已經問『點解你要咁樣啊?』『你失敗咗有啲咩感覺呀』」
Do姐爆TVB當年1個安排 造就專業團隊有秘訣
節目中,鄭裕玲提及自己08年北京奧運出發前兩個月,Tvb係有安排去藝員去浸大上課程十分認真:「我哋零八年呢北京奧運,有喺浸會上堂,我上咗過兩個月,我有證書㗎!證書就係為咗證明我喺2008年北京奧運做過其中一個主持人,而呢兩個月唔係二打六教嘅,全部都係教授,有啲仲係運動員轉做教授,雖然兩個月嘅時間係好短,但係如果你有俾心機上堂,你的確係學到好多嘢!」
![do姐 奧運 鄭裕玲提及自己08年北京奧運出發前兩個月,Tvb係有安排去藝員去浸大上課程十分認真(圖片來源:TVB)](https://imgs.orientalsunday.hk/wp-content/uploads/2022/06/photo1654082881_10631535256297900bbb1dc-1024x557.jpeg)
訪問柔道女將王嘉莉時問人拎咗幾多出嚟
ViuTV的記者饒家輝早前採訪了在64強賽事中止步的香港柔道女將王嘉莉。賽後,他問道:「完成第一場奧運比賽覺得點?」王嘉莉表現出不滿意自己的表現,饒家輝繼續追問:「唔滿意喺邊度呀?」王嘉莉回答說:「輸嗰下其實係比賽前係咁研究,諗點樣防守得好啲,但最後都係做唔到……」他又問:「你賽前都講過想同佢鬥立技,但比對手拖到用寢技,最主要關鍵係咩呢?你做漏咗咩呢有一刻?」及「跟咗蒙古教練一段時間,你覺得蒙古教練教你嘅嘢,呢場比賽你拎咗出嚟有幾多?拎到幾多嚟用?」
![do姐 奧運 饒家輝採訪了在64強賽事中止步的香港柔道女將王嘉莉(圖片來源:viutv截圖)](https://imgs.nmplus.hk/wp-content/uploads/2024/07/ew_um0gl-29lggfxlaa6jhumr_boygib1jrxl9sucs8_133451298166a6560622c9c-1024x971.jpeg)
網民極不滿似審犯:忘記尊重同鼓勵運動員係更重要
網民對饒家輝的採訪方式感到不滿,紛紛在ViuTV的社交媒體上留言批評。有人表示:「啲運動員真係好慘,輸咗比賽都已經心情唔好㗎啦,仲要應付埋啲記者嘅白痴問題。」另有網民指出:「Viutv絕對要換咗訪問條友,審犯咁,係咁問人邊度出問題,上屆已經覺得佢好差。」還有人建議:「佢好想Show到自己好有認識好識問問題好尖銳,但忘記咗尊重同鼓勵運動員係更重要,特別係輸嘅情況下,其實佢問完答完又點?觀眾有得著?冇就不如關心嚇運動員畀啲鼓勵人。」
![do姐 奧運 饒家輝代表ViuTV去做巴黎奧運訪問(圖片來源:NowSports)](https://imgs.nmplus.hk/wp-content/uploads/2024/07/vm9ouwpd5jycey3sm0njnox9cd5yh5fba8at8apgk_a_5609734966a658ef7085e-634x1024.jpeg)
空手道李振豪:十分之不尊重 似足賽後檢討
空手道運動員李振豪也在社交平台threads上發表了自己的看法,表示某香港電視台記者無論是問題、語氣對運動員極不尊重。問運動員個人感受是沒有問題,輕佻的語氣已經去到像賽後檢討,建議要照顧運動員感受,因為能夠踏上巴黎奧運是花費多少的心血外人是不清楚,更表示想反問一該名記者「你知唔知人地唔滿意你邊度啊?」有體育記者亦留言表示贊同。
![do姐 奧運 空手道運動員李振豪也在社交平台threads上發表了自己的看法,表示某香港電視台記者無論是問題、語氣對運動員極不尊重(圖片來源:Threads@leehob )](https://imgs.nmplus.hk/wp-content/uploads/2024/07/e5c89ab3-2535-4a0d-a6f3-0492caed9f44_147201461966a655b6bd9a7-712x1024.jpg)