Edan呂爵安新歌MV女主角原來係《試當真》校花 曾獲封「嫩版迪麗熱巴」
Edan新MV《E先生愛人執照》盼一年一首變成系列
繼《E先生連環不幸事件》後,Edan再次推出自家E式情歌《E先生愛人執照》,MV更如連續劇般,上演另一集E先生愛情故事,而身為主角的Edan在MV中更大玩劍道,型格亮相。今次《E先生愛人執照》由Edward Chan監製、徐浩及Edan作曲、Wyman黃偉文填詞,再度用上「E先生」作為歌名是Wyman的主意,Edan說:「Wyman提議不如每年出一首《E先生XXX》嘅歌,將佢成為一個系列,呢個Idea都幾特別,未知可唔可以Keep到,但會係一個幾有趣嘅嘗試。」
![呂爵安 Edan Shadow早前曾拍Edan另一個MV《ChatMrE》,當中亦有大騷喊功,但那次MV中Shadow和Edan並冇對手戲。](https://imgs.orientalsunday.hk/wp-content/uploads/2023/07/25_199627181464b77a851d354-1024x684.jpg)
E先生愛人執照|DSE啟發 拍拖前要先考牌
DSE今天(19日)放榜,這亦啟發了今次的歌名及內容,Edan續說:「揸車要考牌,又有人話擔遮要考牌,做人父母都要考牌,其實愛情都好似要考牌,因為每段愛情喺溝通、相處、磨合都好唔同,往往喺經歷裡面學到一啲嘢,累積經驗,會令自己成為更加好嘅愛人。呢個構思幾得意,拍拖係咪都要學好先,考咗個牌先去愛人呢?因為呢個聯想,衍生咗今次主題。」
![呂爵安 Edan MV中Edan主動追求Shadow,兩人更有多場踩單車和練劍道的戲份。](https://imgs.orientalsunday.hk/wp-content/uploads/2023/07/17_48558201964b77892e0275-1024x575.jpg)
E先生愛人執照|Edan濕身攬Shadow
由於E先生的再次出現,Edan與製作團隊想到將MV製作成一套連續劇,他說:「上次《E先生連環不幸事件》係中學同出嚟社會做嘢嘅階段,今次再睇《E先生愛人執照》,就係佢大學發生嘅故事,睇完兩個MV,就可以更加了解E先生世界係點樣,佢係點樣成長。」今次E先生在大學參加劍道學會而認識了一名女生,就是女主角Shadow,二人因為練習產生了感情,而汲取了之前的教訓,這次E先生決定要主動追求女方,但最終女方因為現實問題而決定離開,E先生企圖挽留對方,更因此出現雨中的浪漫擁抱場景,可惜最終兩人仍要分開。
![呂爵安 Edan Shadow在人造雨中和Edan浪漫擁抱。](https://imgs.orientalsunday.hk/wp-content/uploads/2023/07/02_134467631264b7758d3ec76-666x1024.jpeg)
E先生愛人執照|Shadow奪Edan人造雨中第一次
MV中Edan經歷了很多的第一次,包括第一次在人造雨場景中拍攝。他說:「終於見識到係點樣拍法,都幾得意,今日拍攝好熱,所以冇話唔舒服或者好凍,除咗對鞋Keep住濕晒有啲唔舒服,另外就係太大雨雙眼擘唔開,有啲樣衰髮型都冇埋,但有啲情節係落住雨先會更加有Feel同唯美。」Edan還找來Fans參與演出,他感激道:「因為MV中要有一班大學生,所以搵咗Fans Club幫我安排,好多謝咁多Fans幫手,嗰日見到大家都好開心,因為平時好少機會可以咁樣見面,希望大家玩得開心。」
![呂爵安 Edan Shadow在MV中又要淋雨,又要曬喊功。](https://imgs.orientalsunday.hk/wp-content/uploads/2023/07/06_134544567264b776f3677d4.jpg)
E先生愛人執照|Edan自薦拍日本劍道戲
Edan又換上劍道服飾帥氣登場,說:「原來劍道嘅理念同我想像嘅好唔同,有好強大精神同態度。今次為咗MV學劍道,都算上手得快,只係練咗一日就掌握到基本動作,作為MIRROR成員,跳咗幾年舞身體都進步咗,但要做到電光火石間嘅交手就做唔到,交畀替身去做。套衫都好有型、好威武,我都幾襯著呢套衫,之後如果要拍日本劍道題材嘅戲都可以搵我拍!」
![呂爵安 Edan 為了扮演劍道學會成員,Edan練足一日。](https://imgs.orientalsunday.hk/wp-content/uploads/2023/07/35_11753296864b77e1b2637c-1024x643.jpg)
E先生愛人執照|網民大讚Shadow「揸劍好型!」
網民紛紛大讚Shadow在MV中「揸劍好型!」及「玩劍道玩得有板有眼」等,Edan更到Shadow的IG留言,話等住要同Shadow玩Cover!升呢成為新一任「E女郎」的Shadow,原來已非第一次同Edan合作,早在今年5月Edan推出的《ChatMrE》MV中,Shadow已飾演排球隊的隊長,雖然是十幾個女仔的群戲,但Shadow的出現仍令人眼前一亮。
![呂爵安 拍完MV後,Edan仲想同Shadow玩cover!](https://imgs.orientalsunday.hk/wp-content/uploads/2023/07/36_200166380864b780945fee8.jpg)
即睇 Edan 呂爵安 《E先生愛人執照》 MV:
21歲Shadow獲封「嫩版迪麗熱巴」
現年21歲的Shadow(王紫影)是《試當真》校花選舉第二名,她外表漂亮又氣質十足,被網友大讚撞樣迪麗熱巴。Shadow於香港浸會大學修讀電影學系,在打入最後五強後,以12,791票排名第二,輸給了獲得18,765票的冠軍510吳伊琳。
![呂爵安 Edan 校花校草 有少少似迪麗熱巴,幾好!](https://imgs.orientalsunday.hk/wp-content/uploads/2022/08/04_123647530162f0bf1773f46-820x1024.jpg)
Shadow出身浸大電影系
王紫影 Shadow 小檔案
年齡 | 21
身高 | 161cm
學校及學系 | 香港浸會大學,電影學系
興趣及技能 | 看電影、看動漫,玩狼人殺、玩劇本殺、寫作
偶像 | Isabelle Adjani、菅田將暉、Timothée Chalamet、李鍾碩、及川徹、賴博文
10年後目標:繼續活躍演藝圈
Shadow:「我從來沒有設想過在什麼時候或是什麼年齡就必須做或者要成就哪些事,我會想隨心做我覺得我會快樂的事並且滿足我作為一名藝術家(影視歌?舞多棲)、演員、抑鬱詩人(講笑)、一個負責任個體的身份。希望有維基百科page寫我繼續活躍演藝圈中!」
![呂爵安 Edan Shadow:「希望有維基百科page寫我繼續活躍演藝圈中!」](https://imgs.orientalsunday.hk/wp-content/uploads/2023/07/24_127064410164b779dc8a1d7-820x1024.jpg)