ERROR懶理抄襲風波門票即日沽清鄭伊健加持、193風騷出Po疑曲線回應

Nov 23 2022

ERROR日前（21日）公佈下月16-18日在九展舉行「明星生活ERROR Live Show 2022」，門票開賣迅速沽清！不過海報公開後，遭本地Rapper組合指控與他們去年推出的歌曲及海報《明星生活》撞名，事件雖引起爭議但ERROR成員未有回應，直至三位出席鄭伊健演唱會後，193終於出手⋯⋯

ERROR獲鄭伊健台上致謝三成員心深感興奮

鄭伊健第四場演唱會除了有樊亦敏捧場，台下嘉賓還有Error的梁業（肥仔）、何啟華（阿Dee）和郭嘉駿（193），他們現身觀眾席即掀起一陣騷動。這晚的「自肥環節」鄭伊健當眾向ERROR表示謝意，他說：「我另外想多謝Error，點解要多謝佢哋？」話未說完，全場尖叫，觀眾席上的肥仔和阿Dee立即舉手向台上伊健膜拜，193向他做大心心和小心心動作。

error 開騷鄭伊健當然，風頭最勁是台上的主角鄭伊健，甫出場即全場尖叫，唱快歌《極速》和《全城效應》時全場起身跳舞，High爆。 — 鄭伊健甫出場即全場尖叫，唱快歌《極速》和《全城效應》時全場起身跳舞，High爆。（圖片來源：大會發相）

error 開騷鄭伊健 Error的梁業肥仔）、何啟華阿Dee）和郭嘉駿193）現身捧伊健場。 — Error的梁業（肥仔）、何啟華（阿Dee）和郭嘉駿（193）現身捧伊健場。（圖片來源：大會發相）

鄭伊健原來係ERROR 粉絲？！

伊健繼說：「我上一次演唱會，返去減壓就係睇你哋嘅《Error遊》。我知道今次（綜藝）得兩集（編按：其實有三集），所以我未睇住，多謝，Thank You，多謝你哋畀我哋歡樂。仲有，我知你哋開演唱會，我知㗎，加油啦！」三子起立向伊健鞠躬，全場歡呼。伊健還笑言學習ERROR「自肥精神」，挑選心水的滄海遺珠表演，娛人娛己。

error 開騷鄭伊健伊健在台上向ERROR致謝，令佢哋好興奮。 — 伊健在台上向ERROR致謝，令佢哋好興奮。（圖片來源：大會發相）

error 開騷保錡事忙缺席，ERROR三子在後台與鄭伊健合照，更搶先出Po向伊健「示愛」，十分搞笑。 — 保錡事忙缺席，ERROR三子在後台與鄭伊健合照，更搶先出Po向伊健「示愛」，十分搞笑。（圖片來源：deegor_hkwa）

193出Po疑似回應抄襲風波

193在事後於IG分享與鄭伊健的合照，順道提及當日上午爆發的「抄襲風波」，他在IG寫道

「伊健過緊嘅先係真正嘅#明星生活 #享受生活 #明星生活soldout」

讚頌鄭伊健之餘，又風騷出 hashtag 宣布「明星生活soldout」，門票沽清，懶理海報同騷名撞橋的爭議。

error 開騷 193出Po講明星生活。 — 193出Po講明星生活。（圖片來源：ig@deniskwok193）

ERROR聖誕前開騷「明星生活」涉抄襲

ERROR今次開騷，四子在海報中擺出chok爆甫士，其他人舉機拍攝。而本地Rapper組合The Low Mays即時連出多個IG Story狂轟ERROR抄襲：「點解冇人同我講ERROR想幫我哋搞返場演唱會」、「大佬你抄我哋功課，都唔好抄成咁啦」、「真係無橋到要抄咩」。米奇老味去年推出歌曲《明星生活》，並以《人生贏家2：明星生活》為名出專輯，封面主題為各成員在後台的眾生相。

error 開騷 ERROR昨日21日）公佈下月16-18日在九展舉行「明星生活ERROR Live Show 2022」 — ERROR公佈下月16-18日在九展舉行「明星生活ERROR Live Show 2022」，海報設計捲抄襲風波。（圖片來源：FB@ERROR）

error 開騷而本地Rapper組合The Low Mays即時連出多個IG Story狂轟ERROR抄襲。 — 而本地Rapper組合The Low Mays即時連出多個IG Story狂轟ERROR抄襲。（圖片來源：IG@thelowmays）

The Low Mays：唔好抄成咁啦

網民：有冇尊重過老味

TheLowMays繼續投訴：「ERROR完全冇問過我哋就直接用咗我哋《明星生活》呢條橋。下次抄咗功課，記得要改咗先交。」甚至連以往與ERROR合作無間的Mike導都有畀like。有fans戥米奇老味不值，到ERROR IG聲討：「原來人哋唔知情嘅。係咪真係要做到咁肉酸？」、「咁樣抄人，有冇尊重過老味… 本身想支持都支持唔落。」、「第一眼仲以為老味開演唱會。」、「以為你哋一齊搞」、「直頭以為佢哋問準咗你哋用」、「仲以為佢哋係特登向你哋致敬」。

error 開騷網民對抄襲事件反應兩極，有心水清網民記得MIRROR亦曾捲海報抄襲風波。 — 網民對抄襲事件反應兩極，有心水清網民記得MIRROR亦曾捲海報抄襲風波。（圖片來源：FB留言區）

error 開騷網民反而指米奇老味神奇屋抄迪士尼。 — 網民反而指米奇老味神奇屋抄迪士尼。（圖片來源：FB留言區）

網民撐ERROR：「明星生活」四字相當普通

但亦有網民指「明星生活」四字相當普通：「即真係明星的不可以講自己的明星生活嗎？」、「除咗撞名有邊忽抄？人哋張poster靚好多wor，係咪以後唔用得『明星生活』四個字，同『見字飲水』一樣」、「除咗明星生活四個字之外有咩係一樣？可唔可以具體講下？唔好咁癲啦」。而1960年就曾有一本影集名為「明星生活」，又有一款手機遊戲採用了「明星生活」四字，難怪不少網民認為今次純粹撞名，並沒有牽涉任何抄襲成份。

MIRROR團歌《We All Are》海報啡色主調及佈局極相似

其實MIRROR 10月推出新團歌《We All Are》，已有網民發現MIRROR的宣傳海報與韓團BTS（防彈少年團）在2020年拍攝的一個電動車廣告照十分相似。在BTS的電動車廣告照中，背景同樣是天空，但色調與MIRROR的海報照有所不同，而在BTS七位成員中，有3位同樣或站或坐在台階上，而成員們的衣著亦大都是以啡色為主調的西裝打扮，所以整體感覺十分相似，令網民質疑MIRROR今次的宣傳海報是否向BTS「致敬」。