JFYT殺入叱吒賀佳績準備旅遊巴直達亞博 叱咤我最喜愛的組合5強
JFYT 叱咤旅遊巴 路線需知
特別注意: 今年前往亞博的樂迷,可以乘搭JFFT及周殷廷組合JFTY準備的「叱咤旅遊巴」,此安排是為答謝JFYT支持者而設,建議有飛先好上車,共有5架旅遊巴,合共超過300個座位,目前未知組合成員會否一同乘搭、乘搭哪個班次,支持者可以留意JFFT及周殷廷的IG。
叱咤旅遊巴資訊集:
地點:西洋菜北街155號 旺角警署側(太子站A出口)
路線:直達亞洲博覽會西閘
班次:16:30 兩架65座大巴 |17:00 三架65座大巴
名額:先到先得,額滿即止
JFYT為支持者準備「JFYT大巴」狂賀佳績直達亞博
今次成功入到5強,唔少粉絲大感驚喜,呢個不可能任務又行多一大步!網友紛紛期待1月1日要坐「JFYT大巴」去支持一波!「JFYT大巴」呢回事,要講到11月頭,床哥同YT大哥周殷廷喺「床哥心事台」講到JFYT如果入到最後五強,將會有5+1架巴士停在亞博門口,完咗叱咜送大家返屋企!(不是玩具巴士)
JFFT成員床哥曾在直播中講過:
如果攞到獎真係太狂,因為始終都係新人,第一年我哋唔能夠太貪,但係如果真係入到5強,有一件都算係喜出望外嘅事,如果入到5強,我覺得JFYT係一個好成功嘅組合!
床哥興奮表示:我為你們而戰
我最喜愛的組合5強出爐,床哥興奮表示:「我想對那些始終相信我們的人說,第一座叱咤我最喜愛組合獎盃,我為你們而戰」果然係「香港faker」要有嘅霸氣!
叱咤2024 「我最喜愛組合」最後5強名單
【叱咤2024】第二階段投票結果公布,周殷廷首度殺入「叱咤樂壇我最喜愛的男歌手」最後5強,與此同時,新晉男團「JFYT」正式殺入最後5強,形成「4男團1女團」局面!
叱咤2024「我最喜愛的組合」 5強 (排名依筆劃序)︰
- COLLAR
- Dear Jane
- ERROR
- JFYT
- MIRROR
出局包括:Lolly Talk 、Pandora、Twins、雷同二友、 RubberBand
JFFT截票前連走3站落區拉票!
5強公布前一夜,JFFT成員連走3站拉票,分別去到荃灣、旺角、尖沙咀作最後衝刺,當中米爺被粉絲要求即場點唱或者合照等等,更係有求必應,色水做足!
「JFYT」火速推新歌!韓國取景大製作
JFYT氣勢強勁,隨首波主打歌《Hands up》霸氣rap一嘢轟入你耳仔,今日再有新歌《沉人啟示》派台,新歌MV更飛到韓國取景,YT大哥操刀嘅作品向來誠意滿滿,令粉絲相當期待!
周殷廷孖JFFT打成一片 深受年輕人喜愛
近年來,YT以其親民形象和積極參與社會活動,深受香港年輕人的喜愛。他不僅與YouTube頻道JFFT打成一片,更合作出歌,人氣有增無減!周殷廷相當飲水思源,於今年5月在九展舉行首個個人演唱會時,更邀請JFFT做特別表演單位,他表示「如果當日無遇到JFFT 絕對唔會有今日既我!」