Kylie C. 鄭杞瑤《潛在挑戰中》派福利 無懼耳壓失聰深潛超過18米

ViuTV全新真人騷《潛在挑戰中》於9月16日（星期一）隆重首播，逢星期一至五晚上10時30分播放。《潛在挑戰中》有四位挑戰者，包括葛綽瑤（Yoyo）、鄭杞瑤（Kylie）、陳映同（Lezlie）及程人富，由零開始學習，逐步考取潛水牌照，通過考驗及實戰，發掘海洋世界奇妙之處，最終是要克服自身的恐懼及弱點。

Kylie魔鬼身材體驗深潛

首集提到Kylie於去年患上突發性失聰，左耳聽力不足3成，飽受耳鳴困擾。而今晚（18日）播出的第三集，四位挑戰者到埗菲律賓，其中一項考核需要深潛超過一定深度，Kylie直言：「我自己本身都幾驚，今次話要潛過18米，臨落去嗰下都好驚隻耳仔，今次好慢好慢咁落，feel到壓力無咁勁，一路接近去到19米都OK，今次反壓反得好順利。」 程人富問：「你第一次感受到慢嗎？」Kylie感到安慰：「我人生好少會慢，但唯一令我可以慢嘅就係個海。」

克服怕黑「進階歷險潛水課程」

另外，四位藝人更於晚上挑戰首次夜潛，志氣高昂，決意要在當地完成「進階歷險潛水課程」（俗稱A牌）餘下的考核。對於夜潛，Yoyo 和Kylie指自己主要怕黑，缺乏安全感，而Lezlie落水前感到不適，需問節目組拿白花油提神。

程人富坦言自己最驚夜潛：「我記得以前考完O仔之後，教練即刻問我想唔想考A，佢一講到要考夜潛，我即刻話『算啦唔使啦，我應該都唔會夜潛架啦。』我唔知睇唔到野嘅時候，我心態係咪仲可以好似日頭咁輕鬆，因為我覺得心態輕鬆先可以做到啲技巧。」

Kylie C.水上樂園騷世界級身材 1部位出鏡竟被指心廣體胖

Kylie C.日前在社交平台晒出多張到水上樂園玩的新相，相中Kylie C.以一身火紅泳衣出鏡，大騷世界級身材以及長腿！Kylie C.仲超大方派埋白滑美背福利，側身出鏡時澎湃上圍更係擋都擋唔住，360度狂騷身材十分搶fo！

網民齊指心廣體胖唔少

但係Kylie C.今次的福利就唔似往常咁獲網民一面倒的激讚，反而有唔少人都表示Kylie C.心廣體胖咗好多：「嘩！！嚴重犯規！紅牌出場！」「天氣再熱都唔夠你辣」「福利照樣咁大」「明顯肥咗好多」「呢張都幾有肉地」「個背真係呃唔到人」不過亦有網民認為Kylie C.顯示的身形十分完美：「有肉好睇」「女仔唔使太瘦啦」