MIRROR被利用變成校園工作紙教材！老師遭狠批偏心欠專業：點解無聲夢Gigi？

Sep 15 2023

有網民日前在討論區開post，貼出一份疑為中學有關「二叉式檢索表」的工作紙，上面竟然出現了5位MIRROR成員：楊樂文（Lokman）、呂爵安（Edan）、李駿傑（Jeremy）、邱傲然（Tiger）及江𤒹生（Anson Kong）的照片，引起眾多網民熱議，有網民更狠批老師偏心，點解唔用埋「聲夢幫」做題目！

mirror 缺席早前有傳MIRROR將會缺席年尾的音樂頒獎禮。 — MIRROR近年人氣爆燈，近日更被發現變成工作紙題目。（圖片來源：[email protected]）

老師用MIRROR成員做工作紙題目網民反應兩極

這份工作紙的題目，指老師認不出這5位MIRROR成員的名字，叫學生幫手利用照片中的服飾和外形，以生物學上用來鑑別動植物的常用工具 dichotomous key（二叉式檢索表），來區分他們。不過有不少網民就鬧爆出題的老師：「咩學校出啲咁嘅功課？」、「啲以為自己好跟得上潮流嘅教X，搞下呢啲無聊野以為自己好X有創意，我寧願你正正經經教書好過。」、「老師主觀覺得學生感興趣，事實上我小朋友嗰班冇一個鍾意鏡仔」等等。

MIRROR 近日有工作紙被發現以5位MIRROR成員的照片出題。 — 近日有工作紙被發現以5位MIRROR成員的照片出題。（圖片來源：網上圖片）

製作馬虎：中式英文、Edan印到似「通輯犯」

有網民指這位老師製作工作紙十分馬虎，指其所用英文是中式文法，相片亦被印到十分奇怪，尤其是Edan張相：「Print黑白嗰度Edan Lui嗰張成個通輯犯咁樣」、「印黑白變到一pat pat睇唔清，不如用普通公仔好過」、「仲要啲名一啲就bold，一啲就underline，一啲就乜都冇，全部都亂嚟冇譜」、「又話唔知邊個打邊個，但個個張相下面都有名」等等，更有疑似前教師指：「10幾年前學教書時prof一定有教，工作紙出黑白圖一定要grayscale執好先印！」

MIRROR 比起其他4位成員的照片，Edan又戴帽又戴眼鏡的大頭照，被指特別似「通輯犯」。 — 比起其他4位成員的照片，Edan戴帽又戴眼鏡的大頭照，被指特別似「通輯犯」。（圖片來源：網上圖片）

MIRROR 戴帽又戴眼鏡的Edan，相信是正在開Live時的截圖。 — 戴帽又戴眼鏡的Edan，相信是正在開Live時的截圖。（圖片來源：IG@edanlui）

AK edan mirror Edan表示樂壇盛事得參與當然要參與。 — Edan（圖片來源：東方新地）

有網民力撐可以引起學生興趣

不過都有不少網民力撐老師以MIRROR出題：「我覺得睇對象，Band 1、2出呢啲就抵X，但係對住啲本身完全唔聽書嘅學生，諗個有趣啲嘅方法去講解，未必係壞事，起碼等佢哋知道個key嘅玩法」、「無乜野呀！都幾好！引起學生興趣」、「又唔係表揚讚美佢地，佢地又唔係無著衫，只係簡單的形容外表，其實有咩問題？」等等。

MIRROR 其實Lokman已經剪短咗頭髮好耐，睇嚟為咗搵出有唔同髮型、服飾嘅MIRROR成員相片，呢位老師都好落足心機。 — 其實Lokman已經剪短咗頭髮好耐，睇嚟為咗搵出有唔同髮型、服飾嘅MIRROR成員相片，呢位老師都好落足心機。（圖片來源：IG@llokmann）

MIRROR 戴帽嘅Jeremy。 — 戴帽嘅Jeremy。（圖片來源：IG@jeremy_0908）

MIRROR Tiger一直keep住長髮。 — Tiger一直keep住長髮。（圖片來源：IG@tiger_yny）

MIRROR AK幅相白衫白背景最清晰，因此有網民笑指該位老師應該是AK粉絲。 — AK幅相白衫白背景最清晰，因此有網民笑指該位老師應該是AK粉絲。（圖片來源：IG@_kisang_）

網民寧願做阿儀工作紙

更有網民舉例指其他藝人都曾被用來出題：「即係點？用譚詠麟就ok，用12子就出問題？咁用Gigi啲歌又得唔得？到底有問題嘅學校？定係網友自己嘅偏見？」、「我中學英文書同工作紙，都有ANITA／LESLIE／DAVID BECKHAM／TWINS／STEVEN N KENNY／SHINE…嗰排HIT，大家仲同MISS／SIR英文齊齊講佢哋啲爆嘢」、「我記得小時睇教育電話，有一集播張學友首太陽星辰，成個人開心到彈起，精神晒」、「N年前見過工作紙有林峯、Bosco」等等，亦有網民貼出有阿儀和YouTuber Kenny照片的工作紙，話：「寧願做呢張！」