肥仔與AK、Jer串燒店宣布結業 餐廳又執一間！網友稱上月早有暗示
OpenRice：燒鳥店已結業
OpenRice Hong Kong FB專頁今日（15日）發帖表示：「突發 AK、Jer@MIRROR +肥仔@ERROR 燒鳥店已結業」。涉事餐廳就是AK（江熚生）、Jer（柳應廷）、肥仔（梁業）尖沙咀串燒店「影之鳥」。從OpenRice網站可見，這間立於尖沙咀、2021年尾開業的餐廳寫上「已結業」。
「影之鳥」IG證實消息網友爆料：上個月無晒佢哋嘅應援
2021年底開業的「影之鳥」官方IG亦證實了此消息，發文表示：「感謝大家一直以來的支持，本店已於8月15日結束營業。訂座退款將會陸續安排，不便之處，敬請原諒。再次衷心感謝大家的支持。」不少網友留言：「上個月無晒佢哋嘅應援，之後AK阿哥出既story, 都估到有事發生」、「好唔捨得」、「留下美好的回憶有緣再見」
開幕日花籃多到迫爆後巷！ 網上訂座首日一度爆場
該餐廳前年12月開張，粉絲花籃曾一度排到後巷！3人號召力驚人，「影之鳥」開放網上訂座首日，一個半小時已經爆場，網上訂座更試過排到2月中，花籃多到冇位放，迫爆亞士厘道！AK、Jer和肥仔找來日籍沖繩大廚仲泊大阿Nakadomari Takuma主理食材。當時AK、Jer和肥仔當時在「影之鳥」門前合照，宣布餐廳即將開張。
TVB藝人唔怕得罪方丈幫襯
在「影之鳥」IG可見，開張至今都有唔少藝人撐場，包括TVB藝人翟威廉、羅天宇、周志康、譚嘉儀，唔怕得罪方丈嚟幫襯，另外仲有Collar 成員Day、Ivy、Candy 同Winka都有來捧場。
另有高級日式餐廳結業被爆拖數200萬
MIRROR飲食業生意接連重挫，人氣男團MIRROR成員Jer（柳應廷）、Jeremy（李駿傑）和ERROR成員肥仔（梁業）去年合資的高級日本料理餐廳「幻Maboroshi」早前突然宣佈結業，有報道指餐廳拖數超過280萬，包括210萬食材費用，以及70多萬的餐廳員工薪金和遣散費都未找數，導致有份投資經營餐廳的小股東公司倒閉欠債，仲畀財務公司追數。
Jer、Jeremy少落鋪 每次落鋪宣傳收1萬
爆料人指三子為了提高餐廳的私隱度，所以選址於人流不多的將軍澳豪宅區。三子亦知道選址太偏僻，加上交通不便，所以早就提出三子輪流到餐廳坐鎮吸引客源。不過三子中就只有肥仔勤力落鋪，其餘兩位大股東Jer和Jeremy都甚少蒲頭，開業半年只到訪餐廳兩次。
曾有人提出請KOL落鋪宣傳
在開會討論宣傳策略時，曾經有人提出邀請KOL落鋪宣傳，但卻被Jer否卻。據知Jer認為三子人氣高企，自己生意就自己宣傳返。從流出的對話截圖中可見，肥仔曾講明三子每個月到餐廳食一次飯宣傳，不過Jer同Jeremy每次落鋪都要收1萬元「宣傳費」，並且不會打開房門或者同客人一起食飯。
三子私下呻遇人不淑 曾追問餐廳資金流向
不過Jer、Jeremy同肥仔方面就爆出另一版本，指三子真金白銀投資過百萬，亦曾經追問餐廳的資金流向情況，不過就一直不獲回復。心灰意冷的三人大呻覺得遇人不淑，所以就決定執埋餐廳一了百了。
肥仔就餐廳結業曾親作回應：生意難做呀
對於餐廳結業一事，肥仔於早前接受其他傳媒訪問時回應指「無乜嘢，師傅話我今年唔適合做餐廳，我咪唔做囉」，同時更指「生意難做呀」，不過就避免回答有關餐廳損失金額問題。至於拍檔Jer及Jermery對於餐廳結業，肥仔表示「佢哋都接受嘅」，同時宣布自己暫不會再做飲食生意，專注發展演藝事業。
