Jessica@Super Girls陀巨肚行山擒高擒低被封「最索孕婦」

Mar 4 2022

Super Girls多年來是非不斷，日前傳出因其中3人唔續約而難途拆夥命運，其中一個是嫁做台灣媳婦的Jessica蔡明思。已懷孕9個月的Jessica，全心養胎待產，現在BB第一事業根本唔重要，臨盤在即的她在社交網上載多張行山照，個肚籮咁大都零水腫，被封「最索孕婦」，眼見Jessica陀住巨肚行山依然爬高打卡，真係好牙煙。

Super Girls面臨拆夥

Jessica蔡明思@Super Girls婚前單飛變身索主持，主持台灣旅遊節目《出走地圖》，當時她已直言自己是半個台灣人，之後再為在J2播出的旅遊節目《潮遊台南》擔任主持，嫁埋台灣籍老公Steven後，明顯減產，去年更宣布有喜，專心養胎等做人母，現在已懷孕9個月，預產期在下月復活節。Jessica回應傳媒查詢時，承認滿約後沒有再續約，因為要先處理切身的問題，沒有心思去想續約事。

Super Girls Jessica Jessica與Yanny早前曾一起出席公開活動。 — Jessica與Yanny早前曾一起出席公開活動。（圖片來源：IG@jessicatsoi）

Super Girls Jessica Jessica早前搵攝影影大肚寫真，除了有老公Steven一齊上鏡，竟然還預埋好姊妹Yanny，她把照片放社交網，仲留言話有兩個下人可以使喚。 — Jessica早前搵攝影影大肚寫真，除了有老公Steven一齊上鏡，竟然還預埋好姊妹Yanny，她把照片放社交網，仲留言話有兩個下人可以使喚。（圖片來源：IG@jessicatsoi）

行山行到8個月分享穿搭心得

Jessica曾表示自己坐唔定，大住肚都要出街，不過近月疫情嚴重再加上腹大便便，佢迫不得已要留喺屋企，現在只可以得閒po舊相回味一下。日前Jessica就上載多張行山相，佢話自己之前大住肚都繼續行山，去到8個月先停止，不過其中一張相係高擒到好高打卡，睇見到牙煙。Jessica又說孕期穿得最多的就是Sport bra，甚至乎取代了平時穿著的普通內衣，「喜歡它透氣，不崩緊，有彈性，又夠承托力」！