愛回家「二太」蘇恩磁與「陳師奶」私下合照竟遭網民猥䙝不雅留言！

蘇恩磁進駐年輕人平台Threads

最近，蘇恩磁在社交平台Threads上分享了一次與孫慧蓮的聚會。孫慧蓮在《愛回家》中飾演「食屎陳師奶」一角，兩人在劇中也有不少合作。蘇恩磁發布了兩張合照，照片中她們親密地頭貼頭，面帶微笑。蘇恩磁在貼文中寫：「和「陳師奶」撐枱腳，多謝豐富晚餐」，溫馨的分享原本吸引了許多劇迷的正面反饋，許多人留下心形表情和點贊支持。

網絡震驚：不雅評論引爭議

然而，這篇貼文卻意外引來了一些不愉快的網絡互動。一名網民在評論中留下了極其不雅的言論，「對著妳照片打了個X機，抱歉」，這一行為不僅令人震驚，也引起了公眾的憤怒。這條評論不僅獲得了過千的點贊，還有眾多回覆。事件發生後不久，這條留言是否因為被檢舉而被刪除，目前尚不得而知。

84歲「食屎陳師奶」被大劉點名添人氣 退休老師圓演員夢 家英哥都係佢學生

在《愛回家》中飾演「食屎陳師奶」的孫慧蓮前排在大劉記者會上被點名後，即時人氣飆升，工作訪問不斷，日前陳師奶接受訪問時談及「食屎」稱號時，身為退休教師的她竟然語出驚人表示：「食屎唔係壞事！」「食屎陳師奶」真人不露相，大家又估唔估到佢教邊科？

「食屎陳師奶」連大劉都係粉絲

「陳師奶」真名孫慧蓮（Helen）84歲，退休後於1996年入行做演員，現時以特約演員於16年開始參與處境劇《愛.回家之開心速遞》，當中飾演「食屎陳師奶」一角，人氣強勁連大劉早前開記者招待會，都點名大讚晚晚有捧場。

《愛回家》成「食屎陳師奶」代表作

日前「陳師奶」孫慧蓮接受訪問大談入行多年有冇代表作？對「食屎陳師奶」呢個名點睇？薑果然愈老愈辣，完全冇諗過佢會咁樣答：「陳師奶引起好多市民對我嘅認識，如果你講話代表作，唯一就係呢一個。因為我做咗好長時間，我記得我數過，16、17年做到依家。有啲朋友或者同事都會話『乜嘢食屎呀！咁你都肯做肯接受？』我話呢啲名之嘛，我話你本人唔食屎咪得囉，世界上有冇人食屎？我亦有學生話『有冇搞錯呀孫主任咁你都肯做？』我話做戲之嘛，我咪做出人生百態有乜嘢唔好啫，我話我只要唔做壞事咪得囉，食屎唔係壞事，但係有冇人食屎吖？你做嗰行就要投入嗰行。」

家英哥都係佢學生

孫慧蓮退休前是一位小學教師，由1959年起教過五間官立小學，教過的學生包括羅家英，也曾經在將軍澳官立小學和歐陽偉豪（Ben Sir）做過同事。「其實我個人都好活潑吓嘅，以前稱之為『十三點』，我父母冇受過咩教育，我係船廠女，好自由奔放周圍走，同埋我好有表演慾⋯⋯但係當時啲女孩子，正途一般只有護士同埋教師兩條出路⋯⋯我好彩考到那打素醫院，但係我知道我自己讀唔到書，啲醫學書好厚，到最後考到師範，入到去我乜嘢科都唔修，英文科我唔修、美術科我又唔修、美勞我又唔修、因為嗰啲要交功課，咁我就修體育，所以到今時今日我嘅健康都幾好，係因為我教咗39年體育科。家英哥應該係我最早期觀塘官立（小學）學生，家英係第二屆，應該係60年插班嘅。」

當年父母反對造星夢

「我本身好鍾意做演藝工作，不過舊式家庭加嗰時嘅演藝界風氣，聽聞好複雜。我成日都話自己樣又唔夠，高度又唔夠、口齒又未必咁伶俐，最主要都係我嘅家庭，雖然佢哋唔理我，但係一入親呢啲所謂娛樂圈嘅大染缸，佢哋始終會知道一定唔俾，所以我唔敢。」為了圓年青時的演藝夢，孫慧蓮在39年教師生涯退休後，仔女亦長大，她於1996年看到港台招聘演員，膽粗粗自己寫信去一試，當時面試要求她扮訓導主任，而因為她本身是老師所以就順利考入港台，開始其演戲人生，做足13年茄哩啡，作品包括《新紮師妹3》的沙灘天使、《復仇者之死》張婆等，直至2006年正式退休後繼續做特約演員。

滿腔熱誠永不言退

講到在《愛回家》中的演出，孫慧蓮表示老中青甚至小朋友都喜歡「食屎陳師奶」這個角色，因為她是教書出身，所有凡有小朋友要求合照，她都會說：「你鍾意睇『陳師奶』ok，不過你一定要做功課，雖然我走咗入演藝界，但我好多時都心繫教育。」孫慧蓮表示身邊好友都羨慕她到了這年紀仍有工作：「好多朋友鍾意飲茶吹水過日晨，我唔慣，可能我係一個好有衝勁嘅人，以前我兼顧幾份工，我教政府夜校、成人教育班，我又去學裁剪，再年輕未結婚時我又去幫人補習，堅持，我同自己講一定做到就做到。我冇諗過退休，我對演藝工作好有熱誠，會做到有一日精神與體力都應付唔到喇，我先會逼自己退休，除非無綫覺得我呢個人唔可以再用，否則會一直做落去。」