公仔麵維修破洞洗手盆 已用兩個月成本超低不漏水｜附原理解釋
廣告
公仔麵維修｜屋企有嘢爛咗大家都會自己整，不過你又有冇試過用公仔麵嚟維修呢？有網民家中的洗手盆破洞，決定參考網上的方法用公仔麵維修洗手盆。結果真係成功，成本超低，而且已經用咗兩個月都冇漏水！一齊睇吓點整、係咩原理，同埋一般師傅會建議點做啦。
公仔麵維修｜成本極低 已用兩至三個月
日前一位網友在Facebook群組「乜都整」中貼出多張照片，表示家中的洗手盆穿了一個大洞，因此決定嘗試自行修補。從照片可見洗手盆上的洞超大，在事主用公仔麵修補以後，雖然在照片上可以看到明顯的色差，但的確已經把洞封好。
事主指因為不用過一年間屋就要大裝修，所以決定到時才換新，亦因如此可以看到修好的平面沒有磨平，因夠實用就可以。
成本方面， 完工時間只需要兩至三個鐘，人工成本為零因為事主是自己DIY。事主除了公仔麵，所有材料都是在淘寶買，物料成本大約$80。
公仔麵維修｜維修6大步 要用強力膠
貼文一出大家都十分好奇事主的維修方法，事主其後亦有向大家分享，不過表明自己參考了不少網上影片後才嘗試。以下做法為事主的方法，只供參考：
- 在洗手盆底部用厚身、高強度黏性的防水膠紙貼好。
- 在盤邊位及防水膠紙上面，加一層魔術鋼膠。
- 將公仔麵整碎，再用AB強力膠將兜上面的公仔麵攪勻。
- 然後再細細嚿地鋪滿成個窿，之後再在上面用剩餘的AB強力膠填滿所有窿。
- 在公仔麵上面，加一浸防水層。
- 再用瓷器專用的魔術鋼膠鋪好洗手盆面。
公仔麵維修｜實驗證明超堅硬 最好還是要換新
公仔麵有這麼堅硬嗎？以往《學是學非》便曾做過實驗，不只公仔麵可以用來修補，白飯、木屑也可以。搗碎公仔麵後，再加透明的強力膠水，風乾以後打磨，就會變得原好無缺，用錘仔打都唔爛。
香港中文大學通識教育基礎課程高級講師彭金滿博士於節目中表示，透明的超級膠水主要成分是氰基丙烯酸酯，在當中加入不同的添加劑（公仔麵）後，結合空氣水份形成分子鏈把物料黏合，變成很硬的物體。關鍵是在於把物料弄碎，按照步驟一層一層的加入物料和膠水去風乾就可以。
雖然可以暫時用公仔麵維修，但面層的玻璃膠在接觸水後很容易發霉，所以最好還是要找裝修、水電師傅維修，或是換新。在換新的時候，記得要換同樣尺寸的洗手盆。
《學是學非》影片：按此
撰文：Billie圖片來源：乜都整
